زﻣﺎﻥ ﺍﻳﺎﻡ ﺍﻟﺜﺎﻧﻮﻱ ﻋﺎﺟﺒﻨﻲ ﺻﺎﺣﺐ ﺧﻮﻱ ﻭﻫﻮ ﻳﺨﺪﻡ ﻓﻲ ﻣﺤﻞ ﻗﺮﻳﺐ
ﻣﻦ ﺷﺎﺭﻋﻨﺎ
ﻭﻛﻞ ﻣﺎﻧﺨﺸﻮ ﻟﻠﻤﺤﻞ ﻧﺒﻮ ﻧﺸﺮﻭ ﺣﺎﺟﺎﺕ ﻧﺤﺲ ﻧﻈﺮﺍﺕ ﺍﻋﺠﺎﺏ ﻓﻲ
ﻋﻴﻮﻧﻪ
ﻟﻜﻦ ﻋﻤﺮﻩ ﻣﺎ ﻋﻄﺎﻧﻲ ﺭﻗﻤﻪ ﻭﻻ ﺩﺍﺭ ﺑﺎﺩﺭﺓ ﻭﺍﻧﺎ ﻣﻦ ﻛﺘﺮ ﺍﻋﺠﺎﺑﻲ ﺑﻴﻪ
ﻓﻜﺮﺕ ﻓﻲ ﻛﻞ ﺍﻟﻄﺮﻕ ﺍﻟﻲ ﻣﻤﻜﻦ ﺗﻮﺻﻠﻲ ﺍﻱ ﻣﻌﻠﻮﻣﺔ ﻋﻠﻴﻪ ﻭﺧﻮﻱ
ﻣﻌﻘﺪ ﻣﺶ ﻃﺒﻌﻪ ﻳﻬﺪﺭﺯ ﻋﻠﻰ ﺍﺻﺤﺎﺑﻪ ﺣﺘﻰ ﻻﻣﻲ ﻭﺧﺎﻃﺮﻱ ﻧﻌﺮﻑ
ﻣﺘﺰﻭﺝ ﺧﺎﻃﺐ ﺍﻱ ﻟﻘﻄﺔ ﻟﻜﻦ ﻣﻔﻴﺶ ﻓﺎﻳﺪﺓ ﺍﻟﺤﺎﺟﺔ ﺍﻟﻮﺣﻴﺪﺓ ﺍﻟﻲ
ﻋﺮﻓﺘﻬﺎ ﺍﺳﻤﻪ ﺑﺲ
ﺗﻮﻓﻴﻖ ﻭﺣﺎﻭﻟﻨﺎ ﺍﻧﺎ ﻭﺍﺧﺘﻲ ﻧﺠﻴﺒﻮ ﺍﻟﻠﻘﺐ ﻭﻻ ﻣﻌﻠﻮﻣﺎﺕ ﺗﺎﻧﻴﻪ
ﻗﻠﺖ ﺑﺎﻟﻚ ﻭﺣﺪﻩ ﻣﻦ ﺻﺤﺒﺎﺗﻲ ﺗﺠﻴﺐ ﻣﻌﻠﻮﻣﺎﺕ ﻟﻜﻦ ﺑﺮﺿﻮ ﺑﻼ ﻓﺎﻳﺪﺓ
ﺍﺧﺮ ﺷﻲ ﺍﻗﺘﺮﺣﺖ ﻋﻠﻴﺎ ﺍﺧﺘﻲ ﺗﺎﺧﺪ ﺭﻗﻤﻪ ﻣﻦ ﺗﻠﻔﻮﻧﻪ ﺍﻳﺎﻡ ﺍﻟﺒﻴﻼ ﻻ
ﺑﺎﺳﻮﺭﺩ ﻻ ﺷﻲ
ﻭﻓﻌﻼ ﻗﻌﺪﺕ ﻧﺮﺍﻗﺒﻠﻬﺎ ﻭﺟﺎﺑﺖ ﺍﻟﺮﻗﻢ ﻭﺍﺗﺼﻠﻨﺎ ﺑﻴﻪ ﻭﺍﻫﻼ ﺍﻫﻠﻴﻦ ﻣﻦ
ﻣﻌﺎﻱ ﻭﺣﺪﻩ ﻣﻌﺠﺒﺔ ﺑﻴﻚ ﻭﻛﺪﺑﺖ ﻋﻠﻴﻪ ﻭﻗﻠﺘﻠﻪ ﺍﺳﻤﻲ ﻓﺮﺡ ﻭﻣﻌﻠﻮﻣﺎﺕ
ﻛﺎﻧﺖ ﻛﻠﻬﺎ ﻛﺪﺏ ﻣﺎﻋﺪﺍ ﻣﻮﺍﻟﻴﺪﻱ ﻭ ﺍﻟﺤﺎﺟﺎﺕ ﺍﻟﻲ ﻧﺤﺒﻬﺎ ﻟﻜﻦ ﺍﻟﺴﻜﻦ
ﻭ ﺍﻻﺳﻢ ﻭ ﺍﻟﻤﺪﺭﺳﺔ ﻛﻠﻪ ﻛﺪﺏ ﻭﺍﻻﺥ ﺍﻧﺴﺠﻢ ﻭ ﻳﻬﺪﺭﺯ ﻭﺍﻧﺎ ﻣﺎ ﻛﻨﺖ
ﻧﻌﺮﻑ ﻋﻠﻴﻪ ﺷﻲ ﻟﻜﻦ ﺑﻌﺪ ﺍﻟﻤﻜﺎﻟﻤﻪ ﺗﻌﺮﻓﻨﺎ ﺍﻛﺘﺮ ﻭﺣﻜﺎﻟﻲ ﻋﻠﻲ ﺭﻭﺣﻪ
ﻭﻋﻴﻠﺘﻪ ﻭﺍﻧﺎ ﺗﻮﻓﻴﻖ ﺍﻟﻔﻼﻧﻲ ﻭﺣﺎﺟﺎﺕ ﻣﺎﻛﻨﺘﺶ ﻧﻌﺮﻓﻬﺎ ﺍﻻ ﺍﻟﻤﺤﻞ
ﻣﺠﺎﺑﺶ ﺳﻴﺮﺗﻪ ﻣﺶ ﻋﺎﺭﻓﻪ ﻋﻼﺵ ﻭ ﺣﺴﻴﺖ ﻳﻤﻜﻦ ﻻﻧﻪ ﺷﻚ ﻓﻴﺎ
ﻋﻄﻴﺖ ﻣﻌﻠﻮﻣﺎﺕ ﻛﺪﺏ ﺍﻭ ﻣﻤﻜﻦ ﻻﻧﻪ ﻣﺶ ﺻﺎﺣﺐ ﺍﻟﻤﺤﻞ ﻭﻳﺨﺪﻡ ﻓﻴﻪ
ﺑﺲ ﻭﺍﻟﻤﻬﻢ ﻣﺮﺕ ﺍﻻﻳﺎﻡ ﻭ ﺧﺪﻳﻨﺎ ﻋﻠﻲ ﺑﻌﺾ ﻟﻜﻦ ﻣﺎﻗﺎﻟﻴﺶ ﻧﺨﺪﻡ ﻓﻲ
ﻣﺤﻞ ﻧﻬﺎﺋﻲ ﻭ ﻧﺤﺎﻭﻝ ﻧﻔﺘﺢ ﻣﻮﺍﺿﻴﻊ ﻉ ﺍﺳﺎﺱ ﻣﺘﺨﺪﻣﺶ ﻓﻲ ﻣﻜﺎﻥ
ﺗﺎﻧﻲ ﻏﻴﺮ ﺧﺪﻣﺔ ﺍﻟﺼﺒﺢ ﻧﺒﻴﻪ ﻳﻘﻮﻟﻲ ﺍﻟﻤﺤﻞ ﻋﺸﺎﻥ ﻧﻘﻮﻟﻪ ﺍﻳﻪ ﻧﺠﻴﻚ
ﻭﺍﻧﺎ ﻓﻼﻧﻪ ﻟﻜﻦ ﺷﻲ ﻣﻴﺒﻴﺲ ﻳﻘﻮﻝ
ﻭﺑﻌﺪ ﻓﺘﺮﺓ ﻗﺎﻟﻲ ﻧﺒﻲ ﻧﺸﻮﻓﻚ ﻭﺍﻟﺤﻖ ﻛﺎﻥ ﻣﺘﻌﻠﻖ ﺑﻴﺎ ﻟﺪﺭﺟﺔ ﻳﻘﻮﻟﻲ
ﺑﻨﺠﻲ ﻧﺨﻄﺐ ﺑﺪﻭﻥ ﻣﺎ ﻧﺸﻮﻓﻚ ﻭﺍﻧﺎ ﻓﺮﺣﺖ ﻫﻠﺒﺎ ﺍﻧﻪ ﻋﺠﺒﻪ ﺍﺳﻠﻮﺑﻲ
ﻭﻗﻠﺖ ﺍﻛﻴﺪ ﺷﻜﻠﻲ ﻋﺎﺟﺒﻪ ﻻﻧﻲ ﻟﻤﺎ ﻧﺨﺶ ﻟﻠﻤﺤﻞ ﻭﺍﺿﺢ ﻣﻌﺠﺐ ﺑﻴﺎ
ﻭﻛﻨﺖ ﺳﻌﻴﺪﻩ ﺑﺠﺪ ﻭﻧﻔﺲ ﺍﻟﻮﻗﺖ ﺧﺎﻳﻔﻪ ﻳﺰﻋﻞ ﻻﻧﻲ ﻋﻄﻴﺖ ﻣﻌﻠﻮﻣﺎﺕ
ﻏﻠﻂ
ﺑﻌﺪﻫﺎ ﺑﺎﺳﺒﻮﻉ ﺧﻮﻱ ﺳﺎﻓﺮ ﻟﺘﻮﻧﺲ ﻫﻮ ﻭﺑﻮﻱ ﻋﻨﺪﻩ ﻣﺮﺍﺟﻌﺔ ﻭﻗﻠﺖ
ﺧﻼﺹ ﻫﺪﻱ ﻓﺮﺻﺘﻲ ﻋﺸﺎﻥ ﻧﻌﺘﺮﻓﻠﻪ ﻭﻧﻔﺲ ﺍﻟﻮﻗﺖ ﻧﺘﻼﻗﻮ
ﺍﻟﻤﻬﻢ ﻛﻠﻤﺘﻪ ﺍﻟﺼﺒﺢ ﻭﻗﺘﻠﻪ ﻋﻨﺪﻱ ﻟﻴﻚ ﻣﻔﺎﺟﺎﺀﺓ ﺍﻟﻌﺸﻴﻪ ﻗﺎﻟﻲ ﺷﻨﻮ
ﻗﺘﻠﻪ ﺧﻠﻴﻬﺎ ﻭﻗﺘﻬﺎ ﺡ ﺗﻌﺮﻑ ﻭﺍﺗﻔﻘﺖ ﺍﻧﺎ ﻭﺍﺧﺘﻲ ﻧﻄﻠﻌﻮ ﻣﻊ ﺑﻌﺾ
ﻭﻧﻤﺸﻴﻠﻪ ﺍﻟﻤﺤﻞ ﻭﻧﻘﻮﻟﻪ ﺍﻧﺎ ﻓﻼﻧﻪ ﺍﻟﻲ ﺗﻜﻠﻢ ﻓﻴﻚ ﻭ ﻓﻌﻼ ﻃﻠﻌﻨﺎ
ﺍﻟﻌﺸﻴﻪ ﻭﻗﻠﻨﺎ ﻟﻤﺎﻣﺎ ﻧﻤﺸﻮ ﻟﻠﻤﺤﻼﺕ ﺍﻟﻘﺮﻳﺒﻪ ﻧﺸﺮﻭ ﺣﺎﺟﺎﺕ ﺍﻟﻤﻬﻢ
ﻣﺸﻴﻨﺎ ﻭﻭﺻﻠﻨﺎ ﻟﻠﻤﺤﻞ ﻣﺘﺎﻋﻪ ﻭﺍﺧﺘﻲ ﻣﺸﺖ ﻟﻤﺤﻞ ﺍﻟﻤﻮﺍﺩ ﺍﻟﻐﺪﺍﺋﻴﻪ
ﺍﻟﻲ ﺟﻨﺒﻪ ﻭﺍﻧﺎ ﺧﺸﺖ ﻋﻠﻴﻪ ﻭﺭﺣﺐ ﺑﻴﺎ ﺍﻫﻼ ﺑﻴﻚ ﻭﺗﻔﻀﻠﻲ ﻓﻲ ﺍﻻﻭﻝ
ﻛﻨﺖ ﻣﺘﺤﺸﻤﻪ ﻣﻮﺕ ﻭﺧﺎﻳﻔﻪ ﻳﺰﻋﻞ ﺍﻧﻪ ﺍﻧﺎ ﻛﺪﺑﺖ ﻋﻠﻴﻪ ﺍﻟﻤﻬﻢ ﺩﺭﺕ ﻟﻔﻪ
ﻓﻲ ﺍﻟﻤﺤﻞ ﺑﻌﺪﻳﻦ ﺟﻴﺘﻪ ﻭﻗﻠﺘﻠﻪ ﻣﺎ ﺣﺴﻴﺘﺶ ﺍﻟﺼﻮﺕ ﻫﺪﺍ ﺗﻌﺮﻓﻪ ﻗﺎﻟﻲ
ﺷﻨﻮ ﻗﻠﺘﻠﻪ ﺍﻥ ﺷﺎﺀ ﺍﻟﻠﻪ ﻣﺎ ﺗﻐﻴﺮﺵ ﺭﺍﻳﻚ ﻉ ﺍﻟﺨﻄﺒﻪ ﻟﻤﺎ ﺗﻌﺮﻑ ﺍﻧﺎ
ﻣﻨﻮ ﻭﺿﺤﻜﺖ ﺿﺤﻜﺔ ﻧﺎﻋﻤﻪ ﻭﺗﻮﻗﻌﺖ ﻳﻔﺮﺡ ﻗﺎﻟﻲ ﻛﻴﻒ ﺷﻨﻮ ﺗﻘﻮﻟﻲ
ﻗﺘﻠﻪ ﺍﻧﺎ ﻓﺮﺡ ﻗﺎﻟﻲ ﺷﻨﻮ ﻣﻦ ﻓﺮﺡ ﻗﺘﻠﻪ ﻓﺮﺡ ﺍﻟﻲ ﺗﺤﻜﻲ ﻣﻌﺎﻙ ﻓﻲ
ﺍﻟﺘﻔﻠﻮﻥ ﻗﺎﻟﻲ ﻣﻨﻌﺮﻓﺶ ﻭﺣﺪﻩ ﺍﺳﻤﻬﺎ ﻓﺮﺡ ﻗﺘﻠﻪ ﻛﻴﻒ ﻧﺴﻴﺖ ﻳﻌﻨﻲ
ﻗﺎﻟﻲ ﺷﻨﻮ ﺗﻘﻮﻟﻲ ﻭﻭﺟﻌﺘﻨﻲ ﻭﻗﻌﺪﺕ ﻧﺒﻜﻲ ﻗﺘﻪ ﻣﻌﻘﻮﻟﻪ ﺷﻜﻠﻲ ﻣﺎ
ﻋﺠﺒﻜﺶ ﻗﻮﻝ ﻣﻌﺠﺒﻨﻴﺶ ﻣﺶ ﺗﻘﻮﻝ ﻣﻦ ﻓﺮﺡ ﺣﺴﺒﻲ ﺍﻟﻠﻪ ﻭﻧﻌﻢ
ﺍﻟﻮﻛﻴﻞ ﻭﻃﻠﻌﺖ ﻧﺠﺮﻱ ﻭﻳﻘﻮﻟﻲ ﺍﺳﺘﻨﻲ ﻳﺎ ﺑﻨﺖ ﺍﻟﻨﺎﺱ ﻟﻜﻦ ﺧﺪﻳﺖ ﺍﻟﻲ
ﻓﺎﺿﻞ ﻣﻦ ﻛﺮﺍﻣﺘﻲ ﻭﻃﻠﻌﺖ ﻭ ﺭﻭﺣﺖ ﺑﻜﻴﺖ ﻟﻴﻦ ﻋﻴﻴﺖ ﻭ ﻣﻦ ﺍﻟﻮﻗﺎﺣﺔ
ﻳﺘﺼﻞ ﺑﻴﺎ ﻭ ﻧﺴﻜﺮ ﻋﻠﻴﻪ ﺍﺧﺮ ﺷﻲ ﺑﻌﺘﺘﻠﻪ ﻣﺴﺞ ﺍﻟﺮﺳﺎﻟﻪ ﻭﺻﻠﺖ ﻭ ﻛﺎﻥ
ﻋﻨﺪﻙ ﺷﻮﻳﻪ ﺭﺟﻮﻟﺔ ﻣﻌﺶ ﺗﺘﺼﻞ ﺑﻌﺘﻠﻲ ﻣﺴﺞ ﺷﻦ ﺗﻘﻮﻝ ﻟﻴﺶ ﻫﻜﻲ
ﻗﺘﻠﻪ ﺧﻼﺹ ﺍﻟﻲ ﺑﻴﻨﺎ ﺍﻧﺘﻬﻰ ﺑﻌﺘﻠﻲ ﻣﺴﺞ ﺗﻢ ﻭﺍﻧﺘﻬﻰ ﺍﻟﻤﻮﺿﻮﻉ ﻋﻠﻲ
ﻫﻚ
ﻭﻗﻌﺪﺕ ﻟﻤﺎ ﻧﺨﻄﻢ ﻣﻦ ﺑﺤﺪﺍ ﺍﻟﻤﺤﻞ ﻧﻌﻄﻲ ﻓﻴﻪ ﻓﻲ ﻧﻈﺮﺍﺕ ﺣﻘﺪ ﺑﺲ
ﻭﻭﺍﺟﻌﺘﻨﻲ ﺭﻭﺣﻲ ﻭﻫﻮ ﻳﺤﺮﻙ ﻓﻲ ﺭﺍﺳﻪ ﻳﻤﻴﻦ ﻭﻳﺴﺎﺭ ﺑﺘﻊ (ﻻ ﺣﻮﻝ
ﻭﻻ ﻗﻮﺓ ﺍﻻ ﺑﺎﻟﻠﻪ ) ،،،ﻭ ﻟﻤﺎ ﻳﺒﻌﺘﻠﻲ ﻓﻲ ﻣﺴﺠﺎﺕ ﻛﻠﻬﺎ ( ﻣﻨﻚ ﻟﻠﻪ ﻭ
ﻋﺸﻤﺘﻴﻨﻲ ) ﻭﺍﻧﺎ ﻛﻨﺖ ﻓﻲ ﺩﻭﺍﻣﻪ ﻭﻣﺶ ﻓﺎﻫﻤﻪ ﺷﻲ
ﺍﻟﻔﻀﻴﺤﺔ ﺍﻟﻜﺒﻴﺮﺓ ﺑﻌﺪﻳﻦ ﺍﻛﺘﺸﻔﺖ ﺍﻧﻪ ﺍﺧﺘﻲ ﻭﺍﺧﺪﻩ ﺭﻗﻢ ﺻﺎﺣﺐ
ﺧﻮﻱ ﺗﻮﻓﻴﻖ ﺍﻟﺘﺎﻧﻲ ﻭﻫﻤﺎ ﺍﻟﺰﻭﺯ ﻧﻔﺲ ﺍﻻﺳﻢ ﺍﻟﻲ ﻭﺍﺟﻌﻨﻲ ﺍﻟﻮﻟﺪ
ﻳﺤﺴﺎﺑﻨﻲ ﻣﻬﺒﻮﻟﻪ ﻛﻞ ﻣﺎ ﻧﺬﻛﺮ ﻟﻤﺎ ﻗﺘﻠﻪ ﺍﻥ ﺷﺎﺀ ﺍﻟﻠﻪ ﻣﺘﻐﻴﺮﺵ ﺭﺍﻳﻚ
ﻉ ﺍﻟﺨﻄﻮﺑﻪ ﻧﻤﻮﻭﺕ ﻃﺮﻑ ﻃﺮﻑ ﻭﻭﻭﻭﻙ ﺑﻨﻤﻮﻭﻭﺕ
ﻭﺍﻟﻜﺎﺭﺗﻪ ﻟﻤﺎ ﻳﺤﺮﻙ ﺭﺍﺳﻪ ﻳﻤﻴﻦ ﻭﻳﺴﺎﺭ ﻣﺘﻊ ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ
ﻳﺤﺴﺎﺑﻨﻲ ﻣﻬﺒﻮﻟﻪ ﻭﺍﻧﺎ ﻧﺰﻳﺪ ﻧﺎﻛﺪﻟﻪ ﺑﻨﻈﺮﺍﺕ ﻣﺘﺎﻋﻲ
ﻭﻧﺘﻤﻨﻰ ﺗﻮﻓﻴﻖ ﻣﺘﻊ ﺍﻟﻤﺤﻞ ﻳﺠﻲ ﻳﻮﻡ ﻭﻳﻘﺮﺍﻫﺎ ﻭﻳﻔﻬﻢ ﻻﻧﻲ ﺑﻨﻤﻮﺕ
ﻟﻌﻨﺪ ﺍﻟﻴﻮﻡ ﺗﺰﻭﺟﺖ ﻭﻛﻞ ﻣﺎﻧﺨﻄﻢ ﻣﻦ ﻗﺪﺍﻡ ﺍﻟﻤﺤﻞ ﺍﻛﻴﺪ ﻳﻘﻮﻝ
ﺍﻟﻤﻬﺒﻮﻟﻪ ﺗﺰﻭﺟﺖ ﻭﻭﻭﻭﻙ
