ساعديني أنساچ يلمشتاگلچ
أدري غيري يعيش هسه بداخلچ
الكسرتيله گـلب ماحب سوا چ
عمره مافد يوم كاسر خاطر چ
ساعديني وموّتي بيه الذكريات
آنه حتى بحلمي چنت معاشر چ
گـلبي يوجعني وأحس خنگـة بهواي
من أحس چف أيده كض ضفاير چ
لاتلوميني رخصت من گـد غلاچ
وحتى على الـخـذلان منچ عاذرچ
آنه مابعتچ أجه منين أشتراچ ؟
لاتقنعيــني إنتي غير چ جابرچ
يمكن... يمكن من أحضاني خلصت مشتهاچ
وجبتي كتّـالي على گـبري يسامرچ
#الزعيم
أنت تقرأ
اشعار
Poetryماشي وياك بطمع؟ حاچي عليك؟ بايگك بليل؟ ماخذ حاجتي؟ طايح وما شايلك؟ شمتان بيك؟ عايفك من زينه صارت حالتي؟ وانا بكلهن راضي بس كلي م̷ـــِْن اموت شلون الك عين وتشيل جنازتي ؟!
