#طفولة_مشوهة
#زهرة
ج 2
سوزان المندلاوي
جفلت من صوته ..
اشر تعاي وصعد بايتين عاينت ع الجهال تلعب
هجي بينه 25جاهل اكثر
كلت اروح اصعد والعب شو كلها تلعب
ليش فد انه اتعور منها ..
اهم شي الزحاليك وديلاب الهوى
اي اروح
رحت يمه نفضت هدومي ..
وضميت الجنطه جوة هدومي
وصلت يمه ..
جر ايدي وصعدني وياه ..
سطحنا جبير ..
ومالته السياج من طين ..بس معلي ..لان يخبزن فوك ..
اهلنا ..
اكو تانكين ..بنص السطح ..
وقفص مال دجاج وطيور بزويه
وتنور ..
وسكراب
ضليت اعاين كتله منير باردة
جر ايدي ودخلني ورة التاناكي ..
وضل يتلمس جسمي هوة اكبر مني بقاطات
كتله
عف عني تعورني هجي
انطيك دينارين .وماللعب ..
مسمعني حتى ..وبقى مدة وعافني ..
رغم صغر عمري بس جنت اكرهه للعبه حييل
واكرهه كل تفاصيلها ..
واكرهه نفسي مع العلم ..
هي للعبه والكل يلعبها ..؟
وخر مني ..
نزلت هدومي ..ونكتتهن ..
كتله يلا وديني للملاعيب ..
كال اوديج ميخالف
بس اريد منج شي ..
اهوووو مو لعبت شتريد مني بعد ..
نلعب لعبه احلى من هاي
شنو ..
باعي باجر يروحون للمكابر ..
لا ترحين وابقي
نصعد فوك ..واشوفج افلام تخبل
وشيسون نسوي ..
يعني ماتوديني ..
كلي دروحي ماودج ..الا شوفين الافلام
طلعت من التانكي ..
ودفعته ..وضربته ..
كتله والله بعد ماللعب وياك لو تموت ..
والا اكول لخضير انت بايك دعابله هذني الي يلمعن
حرامي حرامي ..
.....احيانا اكرهه طفولتي
واكرهه نفسي لظني انها للعبه وكل الاطفال يمارسوها ..
وانهزمت منه احسه جر شعري قبل لا انزل
كال شوفي
زهرة والي سماج زهرة
اني كم سنه والتحق بلجيش
وينطوني سلاح
اخذة واجيج
واترس جسمج طلق حتى امج اكتلها
اول مرة احس بتهديد مرعب بحياتي
احس رجلي جمدت
وبطني لوتني ..صدك
وكفت كباله ..
هزيت راسي اي
ويعت شعري ..
يلا ولي وباجر لا ترحين وان رحتي وياهم
انتي ونايمه ..اجي اجرج واذبج بلجول الي بي جني
انهزمت اركض ..
من خوفي من كلامه والجن والطلق ..
سويت حاجتي جوايه ..واتنكعت
طبيت للحمام اركض وابجي
منه اخاف منه
وابجي هدومي خربن
واذا امي عرفت تعدمني ..
اخذت مي وغسلتهن ..
وبقيت ابجي ..وحدي ..
بلحمام ..
كملت وعصرتهن حيل وبلستهن
وطلعت ..
لبستهن مبللات واطكطك من البرد
ركضت تكترت بصف الصوبه ..
واعاين ع هوستنا
كل شي يخوف كل الوجوة ..
بديت استوحشها
ثاني يوم تمرضت مرضه قويه كلش
ونمت بلفراش وبقت جنان اداريني
مرت الايام ..
واتكررت شغله منير ..صارت واجب يومي واللعب اجباري
