زواج غصب

البارت 8

#زواج غصب
……………………………………
فرح: من سمعت اخويه هيج كال ماعرف شسوي دموعي نزلن و اني صافنه ؏ احمد

احمد: الكل ضل يعاين ؏ فرح تبجي وهي صافنه عليه

رحت للمستشفى اني وعلي زرناه زين حالته يكدر يحجي

احنه بعدنه يم باسم ونتصلت فرح مافتحته عليها

فرح: من راحو اخواني ردت اكلهم اخذوني وياكم بس ماكدرت نتصلت ؏ احمد مايجاوب

ياالله وين اروح شلون اعرف هسه هو شلونه اجت امي ام احمد كعدت يمي اصبر عليه

كتله ماما اطلب منج طلب وماريد احد يعرف اني لكايلتلج

امي: وكم بنيه عندي وارفضله طلب كولي مامه

فرح: حاجي احمد خلي يوديني للمستشفى اريد اشوف باسم ماريد احمد يعرف اني الكتلج

امي: يايمه بس انتي تعرفين اخوانج مايقبلون بهيج شي

احمد: سلمنه عليهم وجاي نطلع ابو باسم كال ابني احمد عندي شغله وياك

كتله كول عمي مقضيه ان شاءالله
ابو باسم: ابني باجر خلي فرح تجي تشوف باسم هو من يشوفه يرتاح

احمد: ماكدر اكله لا ابنهم بالمستشفى ان شالله باجر اجيبه

رجعنه دخلت للبيت اجتي فرح تركض كالت باسم شلونه

علي: شلونه ماعتقد يطول الباجر العمار بيد الله

فرح: من كتلهم شلون جواب علي موتني

احمد: لا فرح مابيه شي ودالج سلام

فرح: لعد ليش علي هيج يكول

علي: اشاقة وياج حبيبتي مابيه شي والله امي الحمد الله على سلامته يمه فرح

فرح: الله يسلمج ماما  كعدو اخواني منتظره امي تحاجي اخويه احمد 

امي: يمه احمد باجر حتروح الباسم

احمد: ان شالله ليش

امي: يمه خلي فرح تروح وياك خطيه خلي اشوف خطيبه

احمد: اي ابوه هم وصاني عليه باجر الصبح تحضري انتي وياهه امر عليكم ونروح

امي: ان شاءلله وليدي

فرح: سمعت اخويه كال باجر ياخذني للمستشفى طرت من الفرح

دخلت غرفتي ضليت كاعدت بوحدي اسئل بروحي ليش اني فرحانه مو هو نفسه اني ماريده شنو الغيرني صارت حالتي مثل الشعر ليكول

{🌹ماريدك وريدك حرت وحتاريت العفتني والبقيت ثنينهن  بلوه من اشوفك عمري يخلص يوم ويوم يضيع وبنفس الوقت جن منولد توه صدفه الجابتك مو موعد ونظرت وصدفه الحب يجي مايجي بلكوه🌹}

اني حبيته ولازم اعترفله بحبي اله من يوم النخطبنه واني حته كلمه احبك ماكايلتله

باسم: اجه لليل واني كعدت افكر بفرح شنو حالته من سمعت اني بالمستشفى