-
يفتح عينه، يطالع حوله بتعب و ما يشوف احد فالغرفه! وين شهاب! يرفع نفسه من السرير، و يلقى علبه زقاير عالطاوله و توقع ان شهاب موجود، وينه؟
"شهااب" يناديه، ما يسمع رد، ينتابه الخوف او عبدالله سوا له شيد و بعد الغطا بسرعه و نزل من السرير بس شهق من الالم، و رجع قعد عالسرير مره ثانيه
"اااه اهه اووفف" يحاول ينظم نفسه و يستوعب الالم فرجله، و يفتح عينه على فتحة الباب و يلقى شهاب داخل و شايفه بيطلع
"وين كنت؟ قمت ما لقيتك" يقول له مالك بسرعه
"طيب حبيبي تقوم من فراشك يعني تدور علي؟ ما ابعد عنك دايماً قريب حولك بس ارتاح انت" يقول له يساعده يقعد عالفراش و يغطيه و يحط كيس الريوق عالطاوله
"مدري وش تحب بصراحه ايهم قال لي وش تتريق الصبح انت لذا جبت لك عصير برتقال ما عندهم شاهي اتمنى انك تحبه علشان انزل اغيره" يقول له و يبتسم مالك هاز راسه
"لا احبه عادي" يجاوب و يبتسم شهاب لابتسامته و تتسع ابتسامة مالك بينت اسنانه من ابتسامة شهاب، مو معقول كيف يحبه! يحببه يحبه يحبه
"ليه تبتسم؟" يسأله شهاب مطلع الاكل مع الكيس و يرتب المكان عالطاوله حقت السرير لمالك
"لانك تبتسم" يجاوبه و يرفع شهاب راسه له و كأنه مو متوقع الجواب و عينه حس مالك فيها بريق خفيف و اتسعت ابتسامته اكثر
"و انت ليه مبتسم؟" يسأله مالك
"لانك مبتسم" يجاوب شهاب، و يضحك مالك بخفه لكن حس بألم بسرعه و سكر فمه
"وش فيك؟" تلاشت ابتسامة شهاب مقرب منه بخوف
"احح فميي يألمم" يقول له و شهاب شايف وجهه مالك، مخيط و حاطين لزاق جروح و شاش على عينه اليسار و مغطين جروح كثيره و لزاق جروح ابيض رفيع على شفايفه
"انا اسف... انا اسف بسببي خليتك تروح معهم انا اسف حبيبي" يقول له ماسك يد مالك و مالك رغم انه حاس ان شهاب غلط لما تركهم يحسبونه كذا لكن الموضوع مو لعب اطفال يبي لها ذكاء و تحمل و تضحيه لو يبي يكمل مع شهاب بيصير علشانه
"مسامحك ولا تخلينا نفكر بالزفت لا تنسد نفسي عالاقل" يقول له و يقوم شهاب بسرعه ملتفت عالاكل
"لا الا الاكل لو سمحت لازم تاكله عدل.. رحت لك احسن مطعم مب مطعم هندي اي شي و بالنسبه لي هذا مطعمي المفضل للفطور عطني رايك" يقول له و هو يوكل مالك من يده و ياكل مالك بخجل، عمره ما اكل من يد احد، او اهتم فيه احد
"ليه ماصخ؟" يسأله و هو ياكل البيض
"مو زين الملح يا حبيبي ماراح تموت بدونه بس بتموت بسبته" يقول له و يخزه مالك
"لا شهاب اذا كذا من اولها و عامل لي فيها صحي و اكل و مدري ليش لا حبيبي!!" يقول له واضح انغث و شهاب ماسك ضحكته على شكل مالك كيف ففمه الاكل و يشرح بيده واضح جوعان
أنت تقرأ
تُهمة حُب
Actionارسلوني لعدوهم، و ليس بعدوي، لكنني ظننت أنه كذلك.. حتى وقعت بحبه و كانت هذه جريمه أُعاقب عليها، تُهمتي الوحيده هي وقوعبي بحبه - روايه عاميه bxb
