تعلقت روحي بها

فرج بعد ضيق

نزل ادم من غرفته عشان ياكل مع اهله
جلسوا وبدءوا ف الاكل ماعدا ادم سرحااان غير عادته

بابا ادم :ايه ي ادم مالك هو ف حاجه ف الشغل

ادم:ها لا ابدا ي بابا الشغل تمام متقلقش نفسك

ماما ادم: ادم متتاخرش انهارده

ادم :ليه ي ماما ف حاجه

م ادم: لا بس طنط ثريا جايه انهارده هي وبنتها وانا عايزاك تقعد معاهم

ادم:باستغراب اقعد معاهم. ليه يعني

ب ادم: انا مش قولتلك ي يسرا سيبي ادم ع راحته هو مش صغير ع اللي انتي بتعملي ده

يسرا :هو انا عملت ايه انا عايزه افرح بيه وهو عشان مش صغير ذي ما انت بتقول

ادم :ماما ارجوكي بلاش تفتحي الموضوع ده تاني وانا اصلا عندي شغل وهتاخر

يسرا:ادم انت مفكر انك صغير اللي قدك اتجوز وبقي عنده عيال وانت مش عايز تتجوز ليه ايه اللي نقصك دا انت بنات الدنيا كلها تتمناك

ادم: ماما انا هتاخر ع الشغل
وقام عشان يمشي

يسرا:ادم انت لو مجتش بدري انهارده وحرجتني قدام الناس انا مش بس هزعل منك لا. ا......
قاطع ادم كلامها :لا وع ايه خلاص انا جااي. سلام

وذهب ادم وراح ع الشركه

ايمن :ايه ي ادم ف ايه مالك

ادم:هقولك بعدين. بس انت عملت ايه ف الموضوع اللي كلمتك فيه

ايمن:انا جبتلك قايمه باللي اتطردوا. اهي (ناولها لادم) بس انا مش فاهم انت مهتم اوي بالموضوع ده ليه

ادم:لم يرد. وفضل باصص ع الورقه اللي قدامه

ايمن:انت بدور ع ايه

ادم:ع اسم الراجل اللي انا خبطه امباوح ما انا حكتلك

ايمن: وعايز اسمه ليه انت مش قولتله انه يتصل بيك لو احتاج حاجه

ادم:مهو متصلش اهو

ايمن :ما يمكن ما اترفدش

ادم:لا. اسمه مكتوب

ايمن:غريبه

ادم:هو ايه اللي غريب

ايمن:انك بتقول اترفد طب متصلش ليه وانك كمان قولتلي انه معندهوش دخل تاني ولا اي حاجه يصرف منها. انا لو مكانه كنت اتصلت فورا

ادم:اصل انت مشفتهوش دا عنده عزه نفس وكبرياء واصاله مش عند حد لما تتكلم معاه ترتاح حد كده انا عمري ما قبلت زيه

ايمن:للدرجاتي خلاص ي عم انت هتقول شعر
انا شويه وكنت هقول انك بتتغزل فيه

ادم:ايمن(قالها بنرفزه وضيق)