فهاد الأسبوع تقربت من اسد لدرجة كبيرة وليت كنعاودليه كلشي و هو كدالك اه حقى تعلمت نسوق 😇 موهيم ولينا نخرجو و نتساراو
لاكن علاقتي ما كنتش غير مع اسد لي مطورى بل حتى مع مؤيد فريمون هاداك شخص توب مع ضحوكي فوق لقياص و كيقتلني بضحك منين كيبدا يعاير فريح حيت خسرليه شعرو ههههه
اما بخصوص باقي لكليكا فا وليت معاهوم مزيان كنتعاملو عادي الى ايمان لي كتحسبني بحال ختها و بيناتنا هي معجبة بمؤيد ولاكن داك لموصيبا راه موستاحيل يسوق ليهو و هو حاضي غير شعرو وحوايجو
للإشارة مؤيد ماشي من داك نوع ديال لي مبنت ولاكن كيبغي يحافض على مضهرو لخارجي وعلى وسامتو
لموهيم ليوما فقت على صوت تيلي كيسوني جاوبت وعين محلولا و لخرى مسدودا
انا : الو
....... : وعتقي روح المسخوطا
انا : الو ويلي مالك اش واقع
....... : وا تيشورط لي فيه لبيض ولموف لي شريت انا وياك من بعد ما شفنا ماريانو دي فايو لابسو وبقينا نقلبو عليه حتى سخفنا
انا : اه مالو
........ : راه لبستو و هبطت سلمت على ضياف وحد لبعلوك قاصولي بشوكولا و منين كنت غنبدا نعاير لواليدا رغبتني وقلتلي هيا لي غتصبنو
انا : ايوا
....... : و منين مشاو عطيتو ليها تصبنو و هيا فاش ما بغاتش تمشي منو طبعا درتلو جافيل ولا كولو مطبع
انا : مؤيد
هو : نعام
انا : الله يحرقك ويحرق طاسيلتك وطاسيلت مك و طاسيلت ماريانو دي فايو واش داك نهار طيبتيلي رجلي باش تلقاه و دابا مخسرلي نعاسي باش تعودلي هاد لخرايف تفو ناس مصاحبا مع ناس و انا مصاحبا مع حمار
قطعت عليه و انا مفقوصا حيت خسرلي نعاسي نضت دوشت ولبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وهبطت فطرت انا و جداتي هيا خرجات و انا مشيت نجمع دنيا شويا و هو يتاصل بيا اسد
