انت ما اريد

الجزء الثاني

وحط ايدة ع جتفي ودفعت ايدة حيل ...كتلة انتي شلون تتجرا وتحط إيدك ع جتفي انتة تعرفني ..... جان يكول ولله اني اسف بس كتابج نسيتي اني الصراحة استحيت كلت بكلبي لعبت طوبة بي ومنطيتة مجال يكول شنو يريد... جان يكول يبنية كتلة جانيار اسمي جان يكول بصوت ناصي اويلي لك حتى الاسم يموت مثلهة ....كتلة كلت شي جان يكول اي اني علي ومدلي ايدة جان لزمت ايدة الثانية واخذت الكتاب كتلة هاي إيدك الي بيهة الكتاب وعفتة ومشيت وضليت ادردم. .... وية روحي مثل المخبلة شلون ميستحي لا لا لا الولد جاب الكتاب شنو اسمة..اااااا. علي اوكي خلي اراجع ابرك من الحجي. ....

راح اوصف شكلي اني حنطاوي عيوني كبار عندي عضلات بس خفيفة وشعري ليورة ارجعة وطولي وسط وعمري17 عندي اخت اسمهة دعاء صف خامس علمي واخ برة يدرس كم سبوع ويرجع للعراق اسمة قتيبة مامزوج ماما اسمهة الاء وبابا اسمة غازي عندة معرض سيارات بدبي وبلعراق ومرات يسافر...

وصلت للصف لان دك الجرس واخذت غراضي واني ادخل للصف اتأكد من اقلامي كلهة موجودة .... وكلت صباح الخير وردو قريت اسمي قبل الأخير بثنين ضليت اراجع وية نفسي وراهة اسمع أحد يكول جانيار اندريت يمنة يسرة جان اشوف رحلتة يمي جان يكول شنو هل الصدفة. ....كتلة قصدك أكبر صدمة درت وجهي الحمدلله اجتي الأسئلة وجاوبت وطلعت من كملت لميت غراضي ضليت امشي لحد ماوصلت باب المدرسة وشفت ازاد يأشرلي رحت لبست جنطتي وكتلة بشر كال اصعدي اني صعدت اخذت فوني ضليت العب بي اشوف الرسائل والفيس واسمع أحد يكول للك شنو هل المعجزة اندريت لكيت علي كاعد بلسيارة كتلة انتي شسوي هنا جان يكول هذا صديقي وكل يومية يوصلني انتي الكبل مالتة متوقعتج هيج  بكلبي اكول هاي حبيبت صديقي شلون حبيتهة لازم اعوفهة لالالا ماكدر اموت. ... هي يمعود انتة وين صفنت جان يكول لا هيج .... كتلة مفتهم الموضوع غلط جان اجة ازاد كتلة يمعود كول لهاذا صحابك اني شصيرلك لان عبالة احنة كبلات ... جان يكلة لا يمعود هاي تكون استاذة جانيار بنت عمي جان ذاكة يرد علية يكلة ريحتني ثنيناتنة اني وازاد كلنة شنوو جان يكول لا قصدي ريحتني لان راح تاخذني بلسيارة يمعود مابية حيل اسوق

كتلة يلة امشي تأخرت ع البيت وشغلت اغنية مجنوني وكلشوية انتبه علية بلمراية يباوعلي واني دخت بعيونة واحاول اتجنبة بس مكدرت اكو شي يشدني الة بعدين نزل سلم علية وراح وكلة مو تنسة كلة لا حب مانسة جان كتلة شتنسة جان يكولي باعي راح احجي شي وياج مو تفضحينة بصوتج العالي وجاوبي بكل صراحة اوكي كتلة كبر شبيك خوفتني كول باعي هذا علي صديقي لستوة نزل هوة يحبج ومعجب بيج وهوة ترة خوش ولد وحباب واهلة اغنياء طاكين ومدلل اهلة عندة اخت اسمهة دعاء وهوة جان يراقبج ويتبعج مثل خيالج ومن زمان وهوة كايلي عليج لمن كان يجي يمي يشوفج لمن تحجين وية غيث وانوار وانتي هذا الشي راجعلج

شوف ازاد اساس الحب متبادل من الطرفين واني ماكدر احب شخص هوة اجة وكلي احبج حتة لو جان عندة بيت فلوس لتنسة اني هم حالتي المادية كلللش زينة وني صح حبيتة لان هوة حباب بس اسفة كلة متكدر تحبك  لان تدري اني قطعت وعد ع روحي ماحب بعد اي شخص ورافضة الارتباط راح احجيلكم القصة..... قبل سنة تقريبا حبيت ابن عمتي اباذار وهوة عشكني مو بس حبني وعشنا احلة ايام حياتنا الا ان اجة يوم بابا كال لاباذار شفتللك عروس حاول يرفض بس مكدر يكول لباب لان اني جنت صغيرة وافق واتزوج وبعدهة اني انعزلت عن العالم وكمت ماضحك ودخلت حتة بصدمة نفسية بس محسست اهلي بموضوعي وبعدهة سمعت اخبار انو مرتة مديصير عدهة اطفال ومرتة شوية خفيفة وتنقل حجي لاهلهة انو همة موتيهة من الجوع بس هوة جذب اني جنت مرات اروح ابات يمهم عدهم بنات هيلين وسيلين ومقتدى وجانو يعملوني احسن معاملة ويدللوني ماعرف ليش هية تجذب و ..........................................................اخذت غراضي ونزلت نزعت حذائي وطبيت للبيت اجوي ولد خاليي الاصغار مريم وعلاوي وكتلهم هلاووو ياحلوين شلون اجيتو منو جابكم كالوو بيبي والسايق كتلهم روحو لعبو يلة
.......رحت لبيبي هلاووو ياعطر امي اشلونج كلتلي هلة بجوجو هية تكلي هيج لأن تكول اسمج صعب ومرات تنسا فكلتلي هاي شنو صايرة كيكة لو الله يهديج ناخذج لقاسم او لسجاد  اني كتلهم عن اذنكم لتحسبون حسابي بلغدة صعدت لغرفتي وسديت الباب قوي عرفوا صرت عصبية
الام:يمة ليش كتيلهة هيج هل تدرين تضوج ماعرف شيصير بيهة لمن تسمع  سيرةالزواج

شمدريني اني أدري بنيتج شبيهة يايمة

راح اصبلكم غدة عيني

اني ورة مادخلت لغرفتي اخذت شاور ونشفت شعري لبست تراك التشيرت ابيض والبجامة وردي فاتح ونمت نوووم عميق   كعدت ع حس الخدامة تصيح مدام تأخرتي ع الدرس كتلهة بيش الساعة انطيني فوني ع الميز جابتة واجتي اباوع الساعة صارت 4:17واني طفرت حتة معدلت فراشي ونزلت واني اصيح من الدرج  ليش مكعدتوني هاا اتأخرت امي كالت اي غير انتي مسوية اللافتة ع كلوز وتدرين انتي بعد كتلهم حضرولي الغدة مسوين بامية اكلت وصعدت ع السريع اختاريت هدوم ورتبت غرفتي ولبست بنطرون ابيض شوي مشكك وقمييص بيتنجاني وشلت شعري ذيل وسويت باف واخذت جنطة سودة ام الضهر احط القلم والكتاب والدفتر ولبست حذاء اسود وحطيت ايلاينر ومسكارة ومرطب اني احب هذا المرطب لان يجنن يسوي الشفة وردددي ونزلت ع السريع اذكرت وصحت نسيت فونيييي وصعدت اخذتة وطفيت الاضوية ونزلت اتصلت ع ازاد كتلة اني جاهزة جان يكول اني بلسيارة بلباب سلمت ع ماما ورحت ع السريع كتلة هلاووو كال ميت هلة قبل كلشي لتعصبين اني راح أروح لعلاوي لان دخل ويانة بلدرس كتله بعصبية استغفرلله تدري اني ماطيقة يعني راح تورطني وتورطة شبيك انتة غبي شوية شغل عقلك وفتهم كلامي جان يلزم التلفون يريد يدك ع علي اخذت الفون من عندة كتلة اوك امشي اخذت الاوكس وشغلت اغنية سمعني نبضك هاي الاغاني يحبهة اباذار وضليت موهمة حتة الولد صعد وسلم واني صافنة كتلة أسفة هلاووو ورجعت كملت صفنتي طلعت اغنية واذا مانسوني ونزلت دموع مني لا ارديا اخذت كلنسة ومسحتهة بدون ماحسسهم وصلنة نزل ازاد شاف حبيبت الكلب شذى وراح اني نزلت حتة المطي عاف السويج اخذتة وقفلت السيارة ونزلت أعدل بنفسي عيوني تحركني ازاد طب للمدرس واني عيوني كامت تغوش صحت علي تعال مداشوف لمن ذيج الفترة بجيت ع ابذار تأذت عيوني وكالولي عيونج مرات ترة تغوش صحت علي اجة بسرعة كلي شبيج وهوة خايف كتلة عيوني ماشوف بيهة تغوش أخذ كلنسة ومسح عيوني وبعدين بدة ينفخ بيهن شوي شوي حسيت بحساس حلو وراهة لزم ايدي كلي احسن هسة كتلة اي راد يوخر ايدة لزمتهة كتلة الزمني اخاف اعثر بضحك اكلة بس لعباللك احنة كبلات اوعشاق كام يضحك ضلينة نمشي لحد ماوصلنة وشاف الاستاذ عيوني حمرررر كلي بابا شبيج علي راد يهد أيدي خاف لزمتهة اقوة كتلة لا أستاذ شوي غوشت كال سلمات علي صاح ع ازاد كلة للك البنية اجتي توكع ع  وجهة وانتة مستعجل لو ما اني وياهة جان شصار بيهة كلة ع كيفك عيني ندري تعشكهة بس مو لهل الدرجة كلة اسكت ماكو داعي لهل الكلام كدام الطلاب كعدت بعيد شوية عنهم اجة علي كعد يمي وكال شلون صرتي كتلة احسن كملنة ورحنة للسيارة شوي وصلنة للبيت وعلي اجة ويانة اني اخذت غراضي ونزلت كتلهم باي وكاللولي باي طبيت للبيت سلمت ع ماما للتفاجؤن اخوني دائما برة واختي وية خطيبها سلمت ع ماما وصعدت بدلت وشلت شعري كعكة وكلت خلي ابااوع من الشباك لأن شباكي مطل ع الشارع باوعت لكيتهم برة بعدهم يسلفون انتبه ازاد وعلي انتبه علي علية صافن شافني باوعلي بخزرة عرفتة عرف جوابي درت وجهي وسديت الستارة وضليت افكر ليش رفضتة ترة هوة حباب لو انطي فرصة صار سنتين واني ع حطتي خلي اشوف حياتي بعدين كلت لا اتعهدت محد يمسني واحد يحبني واحبة غير اباذار وبعدين كلت بس يمكن شوية عجبني اندكت الباب طبت اختي ازلات كالت هاي عشقي حبي حضري روحج راح نطلع نتعشة برة كتلهة اوكي شوية واجهز كالت جاوو وسدت الباب وطلعت و............

لهنا ينتهي البارت انشالله اشوفكم بارت جاي قريبااا احبكم