رجعتلكم بقصه جديده احداثهه مشوقه انشاء الله تعجبكم اذا حبيتو الاحداث اكملهه 😍😍
#للكاتبه @Um Fatma
عشك بدويه😍
مرحبا اسمي نضال عمري حاليا 27 سنه حسولفلكم قصتي اتمنه تستفادون منهه👇👇
حياتي مختلفه عن حياه البنات بمعنى الكلمه طريقه العيشيه الي عايشتهه وبكلشي انختلف لان احنه بدوو رحل اكيد سامعين بيهم وبكثره ممستقرين بمكان واحد يوميه بمكان عدنه حلال كلش اهواي نرعاه نتاجر بي بين المناطق ونربح اهواي كلش منهم اني الي ارعه الحلال اني واختي اسمهه غدير صغيره عمرهه 10 سنين واني عمره 16 سنه اطلع بالحر بالبرد ارعه متعوده ع هالعيشه عندي اخويه اسمه حميد اكبر منه عمره 20 سنه وي ابوي دائما يتاجر بالحلال حياتنه عاديه اكعد ب5 اخبز ويتريكون ع والجاي ع الحطب واطلع اخذ الحلال اسرح بي هالشي تعودت عليه امي مره جبيره بالعمر تكعد تطبخ هالقاسم الله احنه لادراسه لاشي حته مانعرف نقره ونكتب اسمع عن المدرسه من البدو الويانه وشلون يسلفون عنهه اتمنيت ادرس واعرف اكتب واقره ولو شي بسيط بس ماتصير ولا راح تصير😟
فد يوم كان الجوو بي بروده شويه خيط الفجر هستوه طلع كمت ع السريع اركض خبزت ولبست البوشيه وصبيتلهم وطلعت اسرح بالحلال اباوع ماكو احد بس اني والصحراء اوف ياربي تعبت احس بروحي اريد استقر 😢
بعدت كلش وصلت النقطه عسكريه بصحراء السماوه كانو جنود بيهه جنت كلش عطشانه كعدت مااحس اجه عليه جندي لابس لبس جيش عيونه يخبلن عسليات وكلش حلو ضليت صافنه بي خله بحضني عصاير وماي وجبن كالي اشربيهم ارتاحي
نضال:رحم الله والديك خويه
منتضر:كل الهلا بيج خويه اي شي تحتاجي صيحي منتضر اجيج ارتاحي
نضال:ربي يوفقك خويه ويحفضك (ضليت افكر باسمه اشكد حلو مثله)😍
كعدت شرب ماي واكلت ورجعت بالحلال للبيت اتغديت وكملت نمت ع المخده لسه الولد براسي عيونه اتخيلهه اوف ربي شنو من حال هذه اني نضال نامي وراج شغل بكد رحمه الله
نضال👇👇
موصفاتي كلش مرتبه مو سميه ولاضعيفه ماعرف وزني بس جسمي حلو بيضه كلش وشعري اسود كلش طويل مااكصه ابد ابوي ميقبل دائما بالحجاب ماانزعه حته من انام لان يموتني اذا شافني بدونه وعيوني خضر فاتح كلش حلوات طالعه ع امي احنه بدويات دائما حلوات هيج مو بس اني حته اختي تشبهني وامي هم حلوه 🙂
نضال👇👇
نمت وكعدت ب4 كمت رحت للحلال اوكله واشربه ماي ومشيت بي مسافه مااحس رجليه ودتني ع مكان الي شافني بي الجندي اسمع من بيعد صوت
تلفزيون ماعرف شنو يغني صار عندي فضلول اكثر
تقربت اكثر اتصنت وكعدت ماحسيت اله صار الغروب بدت الدنيا تضلم ابوي منبهني انو مااتاخر الهيج وقت بس غفلت مااحس ثواني غربت الشمس متت خوف ياربي حته الطريق مانتبهت عليه بهالضلمه وين ارجع 😢ياربي دخيلك كمت اشهك والحلال عطشان حرت شسوي مااحس واحد اجه عليه يركض من النقطه مال الجيش متت خوف بكلبي كلت يسوي شي بيه ويذبني منو اليدري
بسرعه لميته روحي شردت ركض وراي واني ابجي وهوه يصيح لج اوكفي اني منتضر من سمعت بااسمه وكفت مااعرف السبب اجه عليه يلهث
منتضر:لج اتخبلتي اشبيج اتركضين
نضال:😢اريد لهلي ارجع حباب
منتضر:اهلج بعيدن لوقريبين منا
نضال:مااعرف تيهت بضلام مااشوف بعد الطريق 😭
منتضر :خويه طبي جوه للصبح اول مايطر الفجر ويبين الطريق عندج روحي
نضال:ابوي يذبحني
منتضر :معليج اني احاجي يله تعالي
نضال:الحلال عطشان 😢اذا ماتن مااخلص من اهلي هاي كل مايملكون
منتضر :ولايهمج عندي مي كلش اهواي هسه اخليلهن بس كافي بجي يله امشي
نضال:يحجي وياي بس مااشوف منه شي واني مبوشه مايشوفني رحت وياه مالي حل ربي ينقذني من الي حيصير
شرايكم بالاحداث اتحبون اكمل لو اقطع رائيكم يهمني 😍😘
