عشك بدويه

الجزء 10

البارت 10
نضال 👇👇
بعد ماطلع منتضر الكل فرحان بالملابس ذوقه يخبل رحت كدرت الدشاديش الجابهن يخبلن حبيتهن لان هوه شتراهن الي😘😍 بس ضميت التراكات اذا شافتهن امي سويلي سالفه غدير فرحانه بالملابس وبالعاب ابوي يضحك لمعه بعيونه من شافنه مرتاحين والافضل كوله المنتضر ربي يوفقه ويخلي مرتاح بحياته دوم بدينه نشتغل اني وامي مانعرف كلشي بس ندني بالغراض امي كعدت تبجي لان ماتعرف شسوي بالبيت كل حنه صفنه عليهه خطيه امي اشكد تعبت صعب عليهه حياه المدينه ياربي شسوي كمت اشلون ماجان ارتب تتصورون ثلاجه خليتهه بالبراني😂 وره ساعتين اندك الباب كل حنه تعجبنه اشو منتضر هستوه راح من الي جاينه طلعت اركض اشوف مريه حلوه عيونهه نفس عيون منتضر وبنيه اكبر مني مبينه لابسه عبايه كلش حلوه ومرتبه ضليت صافنه عليهن
ام منتضر:هلا بيج يمه اني ام منتضر وداني عليكم حته نساعدكم
نضال:هلابيج خاله تفضلي طبي
طبت ام منتضر بس تتبتسم كلش حبابه هيه كعدن شويه يم ابوي سلمن عليه تحمدن ع سلامته وكامن كالن يله نشتغل بالبيت خطيه نزعن العبي مالاتهن ويرتبن كلشي كلشي جديد ومامستعمل كله كراتين اتكومت بالصاله وحميد يذب بالكراتين بره خطيه تعب سون المطبخ بالضبط نفس مطبخ اهل ابو مصطفى عم منتضر يخبل وفرشنه منتضر منسق كلشي نفس الالوان كله نفس الون البنيه اسمهه نرجس اخت منتضر بس تضحك وتتبتسم انتبهت ع حميد من تضحك البنيه يصفن بيهه الضاهر عجبته بنت الناس ☺
حميد:اعرفكم نفسي اسمي حميد اخو نضال اكيد حجتلكم عني عمري 20 سنه عيوني خضر نفس عيون اهلي كلحنه عيونه ملونه اني حلو بس مامعتني بنفسي لان عشت بالبر وي الحلال تعلمت من ابوي الشغل بكل الخطوه وياه ماعفته واكيد حجتلكم اشصار ويانه ذيج الفتره الله يرضى عليه منتضر فضله ماينسه اول ماطبينه جبنه الغراض لبست التراك الجديد وسبحت طلعت حلو كلش
اشو وره ربع ساعه دخلت مره وبتهه سلمن علينه بس سبحان الله مو بت صفنت عليهه هالكد حلوه البنيه اول مادخلت بتسمتلي ودنكت بهاي بتسامتهه اخذت عقلي ضلو يشتغلن بالبيت كله خطوه تخطيهه اصفن عليهه ماشايف هيج بنات حلوات ومرتبات عدنه كله مبوشات المهم كملن البيت خلنه قصر شفته بس بيت التاجر الي بالبصره رحتله نفسه بالضبط كله لون واحد ابيض واسود ذوق منتضر يخبل طبعا
فرشو البراني كومو ابوي راد ينام بالكاع ماكدر😖
ام منتضر :جا منتضر نسه الجرابي ماجابلكم عزه بعينك منتضر اوكو خليني اخابره
ابونضال:جرابي شنو هوه هذه
ام منتضر:خويه هاي تنام عليهه احسلك من الكاع لازم كلكم تشترون كل اهل ولايه هيج صارو انتو صرتو من ولايه
ابو نضال:اي خلي يجي ياخذ فلوس يجب هوه شترلنه كلشي خلي يكمل كلشي
ام منتضر : تددل خويه
الوو
منتضر:ها يمه صاير شي
ام منتضر:لا يمه سلامتك بس انته من جبت الغراض غير اجيبلهم جرابي للبوهم خطيه عمليه مايكدر يتحرك صعبه عليهه نومه
منتضر: اهوو والله نسيتن يله هسه اجيب
ابو نضال:كليله يجي ياخذ فلوس
ام منتضر:يمه هاي الفلوس تعال اخذهن
منتضر:دخليني اشوف بيش يصيرن واني انطي عود من اجي اخذهن يله مع السلامه
ام منتضر :الله وياك
منتضر:وره ماخابرتني امي صدك حجيهه بي 4 غرف فارغات لاجرابي لا بوفيه لمهم نسيت هالشغلات طارت من راسي اجيب غرفه الحبيبتي 😍وغرفه الحميد خاف الله يقسمله يزوج عاد عنده غرفه ابو نضال عنده خيرات الله ضلن عنده 30 مليون(ايا فصعون تحسب وراه😂😂)
رحت لبو الخشاب اخذت صاحبي بالسياره ختاريت بوفيه اتخبل كلش جبيره وغرفه خشاب لمهم وابوهم جبيره كلش
نجي ع البنات جبتلهم غرفه لونهه وردي وابيض تركيه نفرين جرابي منفرده كلش حلوه وكنتور وكلشي كامل بيهه
اما حميد اشتريتله غرفه بيضه وسوده نفس تصميم البيت تركيه تخبل جبناهم سيارات حمل صارن عليهم ب4 ملايين بس شنو روعه اني ماعندي مثلهن 😂
نزلنهن الغرف فارغه شدو مال ابو نضال وامهه امي علمتهه تعلك هدومهه وغراضه7 عاونتهه واشوف حبيبتي كدامي تفتر وتكمز حايره المن تباوع من الفرح عيونهه يخبلن صارن كل شويه كمزت شبكت اختهه غدير شدوو غرفت البنات اسودنت اجت عليهه
منتضر:اشبيج ولج🤔
نضال:شكرا شكرا يخبلن 😄 انته غيرت حياتي كلهه وين جنت وين صرت ماشفت ذني بس بالاحلام 🤗
منتضر:انشاء الله اغير حياتي واخليج اصيرن مرتي😉
نضال:😶
منتضر"يومه فدوه للتستحي 😘
كملنه شد الغرف حميد طلعت غرفته اتخبل خطيه سوو عشه ماخلونه نروح عشاهم بي طعم ماعرف ليش اكلاتهم كلهدسم بدسم 😋
كملنه اني اخذت حميد طلعته للكازينو وفريته وتعرف ع جماعتي بالبدايه مستغرب بعدين ضل يسولف وياهم ويضحك كلش فرحت الهم ربي خليهه الي حسنه بالاخره 🙏
تابعوني شرايكم بالبارت