فاتو ليام والين مزالهاا تخمم الا تقبل ولا لا و معز لقى صحاب لمشكلة ولي بسبابهم راح صاحبو في رجلين و عداا عامين و سبعة شهرحبس
معز : نشالله تنجح خطتنااا يا ربي
انشالله هادي لمرة نلقو لقبض عليهم ويخرج انور 😉
شوف هداا سلاح ماتستخدموش الا عند ضرورة و رناا نتبعو في كل حاجة ومتخافش اوكي و متخليهمش يشكو دير روحك تحوس على خدمة اسيتت ههه
شوف كون هاني علاجال صاحبي و خوياا ندير كلش حياتي فدااء ليه لمهم يخرج براءة هداا مكانن هياا نتوكل على ربي ونروح ربي يوفقنااا
راح معز لشركة طبعاا كيما موالفين نفس لوقت و نفس لاسم مي بدلو تجارة دوروهاا صبابط ههه وتحت صبابط لهبوب السبعة
مشى معز بكل ثقة و لابوليس يراقبو في لبلاصة مي هدي لمرة راس لكبير موجود دخل لشركة و استقبلوه وهواا مزود بكاميرات مراقبة مخفية في قشو
لمهم حكاا مع واحد واقالو دوكاا حتجيناا سلعة ومن غدوة ارواح تبداا لخدمة
ام سلعة يالا وجدو روحكم لازم نكنوو واجدينن قادرين يوصلو في اي لحظة ولازم لحكاية ليلة تم اوكي حظرات
جات سلعة و زدمو عليهم لابوليس و هوما جماعة مسلحة صرات معركة تنجمو تقولو راح ضحيتهاا الراس تاعهم مي لحاشية تاعو ولي جابو سلعة القاو لقبض عليهم
و تصاوب معز في ايدو جات لاسعاف و داوهم لسبيطار
بعد نهارين من لقضية خرج انور من لحبس ونهار لي خرج فيه فرحان لقى صدمة كبيرة تستنى فيه
الين راح تتخطب و يديه انسان اخر 😠😠
انا في بلاصتو تصدمت حبيبت قلبو واسيرتو راح تتخطب اه لمكتوب 😞
راح معز وتقي باه يجيبو انور من لحبس اخيرا خوهم وحبيبهم خرج بريء مالقري رحو من عمرو عامين ظلم و تمرمد و عاش عيشة لكلب اهانة و كلش و حتى انهم قريب يقتلوه في لحبس
خرج وشاف لحياة عاودت ضوات في وجهووو وشاف حبابو
معز :😔😿 حبيبي خوياا الحمدلله على سلامتك لحمدلله وتحضنوو
انور : اه يا خو توحشتكم بزاف 😥😞 الحمد لله
تقي : اروح دير عزة لعمك يا خوياا توحشناك الحمدلله يا ربي اي نروحو يماا راهي تستنى فيك
ركبو وراحو لدار لقاو زهور قدام لباب كاس لحليب و تمر تحسوه جاي من لحج الله غالب لفرحة ولمحبة
مع وصل تلاح يلملها على راسهاا و حضنها حس فيها لحنانة تاع اموو وريحة عايلتو لانو يعتبرهاا هي امو بعد اموو وزهور فرحتها ماتتوصفش تبكي و تزغرت وتحمد في ربي
تقي: يماا نباتو هناا هندخلو شوفي حالتوو لازملو حمام عروسة 😘😘
معز: ايا ندخلو كملو فرحتكم لداخل ليضربونا بالعين 😂
دخل و لدار لقاهاا دافية وحس بالحنانة وكلش لي مشفهاش عامين وزايد غير لحبس لبارد ساف سقف لقاه نضيف ولرض كيفاه تنفس لحمل ثقيل و طاحتلو دمعة سخونة ماتفهمش لفرحة ولحسرة وكلش ولوحش اه لوحش تاع الين لي اكبر بقاا يخزرر في كل دار بلاك راهي حاشمة بلاك من لوحش ما هبطتش ابري نطق بلهفة
انور : الين 😧 الين وين راهي مشفتهاش
زهور :اه الين خرجت مع صحبتهاا تشري حوايج ضركا تجي
معز : يماا هياا وجدي النور دوش وقشو حطيلو لقمة يهز بيها روحوو 😉 هيا حبيبي دوش عندنا ما نحكوو 😚😚
تقي : انا تروح ضركاا ابري نشالله 😉
زهور : اولدي روح لدوش راني موجدتلك كلش و دتلك لبغرير و موجدتلك واحد لبسبوسة تهبل اي وليدي روح ادوش
انور : ربي يحفظك خالتي ربي يخليك فوق روسنااا
راح انور دخل لدوش وهوا فرحان وبستنى وكتاه يشوف حبوو
معز متحسر على صاحبو كيفاه كون يعرف بلي غدوة جاين يخطبوهااا با ربي كيفاه نقولوو كيفاه يتقبل لوضع افف انا في بلاصتو مش منجمم هواا كيفاه 😩 هداك زهرر اه يا صاحبي اسمحلي مش بايدي والله
زهور: معز واش بيك وليدي يدك لباس روح لطبيب شوف لجرح
معز : لا يما لباس متتحيريش دويتهاا و راني انتيك
لفرحة بركك 😅😊
زهور :😍😊 ايا انا نروح للكوزينة نوجد لغدااا اسمع معز لازمني حوايج راك عارف غدوة جاين ناس يخطبو اختك لازم تكون لخطوبة بالطبع وشان راهي وحيدتي 💓 والله كبرت و راح تتزوج و تخليني وحدي 😿 م
