نوڤيلا «أجواء العيد» -كاملة-

* الفصل الثالث *

الفصل الثالث والأخير

انتهت صلاه العيد ليبدأ بعض من الناس بالنهوض متجهين خارج المسجد.

خرجت حبيبه برفقه إيمان ومريم من المسجد واخذوا يبحثون بابصارهم عن خالد وعبد الحميد وفوزى ، فمن المفترض ان يكونوا ايضاً خرجوا...

_اهو بابى وخالد وبابكم واقفين هناك..
هتفت بها مريم لحبيبه وإيمان عقب ان رأتهم واقفين ويبدوا عليهم انهم منتظرين مجيئهم ، فاتجهوا مسرعين نحوهم ، ثم......

_ ايه يا جماعه ايه اللى اخركوا كده ، احنا قلقنا عليكوا.
_ معلش يا خالد .. ماانت شايف ان دنيا زحمه اد ايه!!
_ بقولكوا ايه يا جماعه.. انا عاوزه اشرب حاجه .

هتفت بها مريم ليقول عبد الحميد :
_ طب تعالوا نقعد فى الكافيه اللى هناك ده ونتكلم مع بعض شويه .

اومأ الجميع رأسه وبالفعل اتجهوا نحو الكافيه ودخلوا سوياً ليجذبوا المقاعد وجلسوا ، ولكن كانوا يريدون مقعدين اخرين ليجلس خالد وحبيبه ، فاضكر خالد ان يتجه نحو مائده ماا وجذب مقعدين وعاد إلى المائده التى يجلس فيها العائله ثم جلس هو وحبيبه بجانب بعض ،ثم.....

إيمان : فى سؤال نفسى اسألوا ؟؟ليه فى بعض من الناس مش حاسين بطعم العيد ، رغم ان العيد رمز من رموز الفرح.

خالد بجديه : هقولك ليه ، لان معظمهم عنده مشاغل ، يعنى فى منهم مبيعملش حاجه فى حياته غير الشغل  ومنهم اللى عنده وشايل مسئوليات ومنهم اللى شايل هم ، فلازم ميحسوش بطعم العيد.

عبد الحميد : للاسف فى ناس اصلاً شايفين ان العيد مش بنستفيد منه حاجه وكمان مش عارفين احكام عيد الفطر .

حبيبه : عندك حق يا انكل ، يعنى العيد من احكامه هو صله الرحم بمعنى زياره الاقارب والاصدقاء ، والصلاه والزكاه على الفقراء والمساكين والغارمين وغيره وغيره..

مريم : وفى حاجه تانيه ، فى ناس اصلاً متعرفش احاديث الرسول (ص) ويعرفوش ايات ربنا على فضل العيد ، يعنى ربنا قال سبحانه وتعالى ( قل بفضل الله وبرحمته فبذلك فليفرحوا هو خير مما يجمعون )
وده معناه اننا نفرح وان عيد الفكر يعتبر رمز من رموز السعاده يعتبر كمان جائزه صيامٍ شهرٍ كاملٍ.

فوزى :حلو كلامك جداً يا مريم ، وعلى فكره الرسول (ص) قال عندما قدم المدينه وقد رأى ان اهلها حددوا يومين يلعبون فيها ( قد ايدلكم الله تعالى بهما خيراً منهما يوم الفطر ويوم الأضحى)

عبد الحميد : وفى حديث تانى وهو انه قال جبير بن نفير (كان النبى (ص) إذا التقوا يوم العيد يقول بعضهم لبعض : تقبل الله منا ومنك )

إيمان : وعلى فكره رسول (ص) كان لا يغدو يوم الفطر حتى يأكل تمرات (شرح سنه) .

خالد : بجد يا جماعه الكلام ده حلو جداً ، بس فى حاجه عاوز اقولها لحبيبه.

ثم نظر إليها وقال :حبيبه ..انا عاوزك الاسبوع ده تجهزى نفسك .

_ليه..؟!!
_عشان نتجوز يا حبيبتى .
_ايه!!!!!
قالتها بصدمه وقد نهضت من مكانها وهى تترك العصير على المائده واخذت تكح ، فاخذ ينظر لها بابتسامه تثير الاستفزاز ، امّا هى فنظرت اليه وهتفت :
_ايه اللى انت قولته ده؟!!!
_ايه يا حبيبتى ، سلامه ودانك ، قولت انى هتجوزك اخر الاسبوع اللى جاى.
اشارت بسبابتها وهو ما زالت واقفه وعيناها متسعان من صدمه حديثه ثم هتفت :
_لا طبعاً

جذبها من إصبعها لتجلس بجانبه على المقعد ورمقها بنظرات توحى الحده ثم قال :
_اسمعى بقاا يا حبيبه ، انا هتجوزك يعنى هتجوزك.

زمت شفتيها بضيق ولم ترد بل عقدت ذراعيها امام صدرها واراحت ظهرها على مسند المقعد ، بينما تحدث فوزى قائلاً :
_ ايه يا بيباا ، شكلك مضايقه مش مبسوطه.
_يا بابى انا متوتره وبصراحه خايفه يتغير معايا بعد الجواز.

نظر إليها خالد باندهاش وصدمه وهتف قائلاً :
_ معقول يا حبيبه ، ده انتى تعرفينى من اربع سنين وعمرى ما زعلتك او ضايقتك .

حبيبه بتوتر : عارفه ، عارفه والله ، بس زى ما بيقولوا "توقع غير المتوقع".

امسك خالد كفى يدها وقال وهو ينظر لها بعمق :
_انا ممكن اتغير ، لكن يستحيل اتغير قدامك واعملك وحش ، انتى اغلى حاجه فى حياتى .

صمتت حبيبه ونظرت للارض بحياء ، فاكمل بابتسامه :
_موافقه ؟؟
نظرت إليه وقد بادلته الابتسامه : موافقه.

نظر لها بسعاده ورفع يدها وقبلها برقه ليهتف عبد الحميد بسعاده :
_الحمدالله ..ومتقلقيش يا حبيبه ، انا وخالد وفوزى مجهزين كل حاجه وخالد خلاص فرش الفيلا اللى هتقعدوا فيها ، مفضلش غير فستان فرحك ! وطبعاً انتى اللى لازم تختارى يا عروسه.

نظرت إليه بابتسامه بسيطه ممزوجه بالخجل ، واخذ ينظر إليها خالد وقال بنظرات تحمل العشق :
_ربنا يقدرنى واعرف اسعدك يا حبوبتى.

                    ............................................

الحب هو صندوق الحياه ولا احد يملك المفتاح السحرى إلا العاشقين .

                                    ...............

مهما كبرنا ، ومهما تعددت وكثرت مشاغلنا ، واخذتنا الايام والليالى من كثره المشاغل ، فسيظل عيد الفطر رمزاً للسعاده.

                                                        تمت بحمد الله