قدر مكتوب

6

قراءة مشووقة

#قدر_مكتوب

الكاتبة. Zainab Farqad
بارت 6

لا شيء يحدث عبثا
داخل كل قدر سر ....... يمهد الطريق لقدر أخر ...........

🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀

وصلنة لبيت جبير مبين هو هذا دار الايتام بس ماكو لافتة ولا اي شي كأن بيت عادي كالت ادخلن

اول ما دخلنا ، شفنة بنات اصغر من عدنا @واكبر من عدنا وبعمرنا ، تفاجئنة بلبسهن كله قصير ومكشف معقولة هيج لبسهن ماخذات راحتهن

صاحت ع وحدة من البنات تدلينة ع حمامات نسبح. سبحنة وغيرنا ملابسنة طبعا الشال لبسنا رئسا تحفضا لاي شي

اجتي وحدة كالت ست سعاد تريدكم ، طلعنا وكالت

سعاد : اكعدن هنا

وديان : جانت كاعدة وتشرب نركيلة ، كعدنة متفاجئين ، كالت

سعاد : انزعن الشالات ماكو احد هسة

وديان : شنو قصدهة ماكو احد هسة ، اخواتي نزعنة واني هم نزعتة بس خليتة ع ركبتي

سعاد : احجلي قصتجن

وديان : حتى تعبت هلكد ما حجيت ، بديت احجيلهة ،

سعاد : مياادة تعالي اخذي البنات للغرفة الي جهزتوها حتى يرتاحن

وديان : كمت اريد اروح كالت

سعاد : انتي اكعدي اريدج بشغلة

وديان : خواتي ضلن يباوعلي ، اشرتلهن بمعنى روحن ، نعم تفضلي ضليت خايفة شتريد مني

سعاد : شوفي حضري نفسج ورا شوية راح يجيني شخص مميز وراح اخلي البنات ينطنج فد شي مرتب

وديان : ما فهمت يعني شنو احضر نفسي

سعاد : هههاي يعني انتي لحد هسة ما فهمتي شنو هذا المكان وليش جبتجن

وديان : انتي مو كلتي دار ايتام

سعاد : انتي صدك ثولة هذا دار ايتام برأيج ، شوفي راح يجي الرجال كومي حضري نفسج

وديان : اهناا وصلت الفكرة. كمت اخاف ياربي تورطنا شجابنا بهذا البيت هذا بيت دعاارة

سعاد : لج مو احجي وياج

وديان : الله يخليج لا تسوين هيج ، اني ماادري راح يصير هيج

سعاد : لا تخافين اليوم دورج باجر يجي دور خواتج

وديان : لا الله يخليج الا خواتي مااريد فدوة لا

سعاد : شايفة هذني البنات كولهن اول مااجني مثلج بس بعدين تعايشن ويا الوضع

وديان : شتريدين اسوي الا هاي ابشغلة ، نشتغل خدامات ننضف الببت اي شي تريدين نسوي بس مااسوي هذا الي كلتي عليه