قصـة 💔خـيـاانـه

الحلقه 7

رسآلةه لـ صديقةه عمريُ : 🌸
لآ تخذليني يوماً ✨
فَـ خذلآن الصديقه لصديقتها ؛
موتاً بطيئاً ⚡️💕".

.
.
.
انجو لي قصة الاء ومرام
.
.
الاء تعبت تبي تعرف مرام خيرها تبعتلها ومااتردش🤔بعتت لمرام ومرام شافتها طول ومااردتش😪
خشت الاء ع الانستا لقت مرام مدايرتلها بلوك خشت ع الفيس لقتها مدايرتلها بلوك🙁ليش!! ومافيش سبب
كانت الاء وفيه ليها وتحبها😖شن خلاها مرام ادير هكي آلاء بروحها مافهمتش

قالت اتكلم بنت خالها اتشوفها
كلمتها ردت وقتلها مانعرفش خيرها وماحكتش شي ع الموضوع وقتلها توا انكلمها وانشوفها

.
.
الاء قعدت تستنى وتبي تعرف السبب ماردتش عليها بنت خال مرام
بعتتلها الاء رساله ماردتش
راجت لليوم التاني بيش اتكلمها يوم كامل تتصل بيها مااتردش 😪
الاء قررت معاش ادورها لان وضح كل شي وتحدف ارقامهم
مع انه غدر الصديقه وبالاخص المقربه صعب وطعنه💔💔

.
.
عند الينا
.
حليمه: الحق عبد السلام عاجبتيه وكابره في عينه
الينا:والمطلوب
حليمه: اعطيه فرصه
الينا: اممم ليش
حليمه: هوا الحق شكله يحبك ارجوكي وافقي وشوفي عشاني ياكنتنا
الينا: حبحب شن كنتكم وشن يحبك مايحبك الصبر
حليمه: اسفه بس عشاني ارجوكي
الينا: انفكر
حليمه:. هيييا لو ماعجبكش بعدين سيبيه
الينا:: اووف اوكي صداقه بس
حليمه: الله فرحتيني هوا جنبي هوا
الينا:😕🙃
حليمه: توا انخليك منستأدن بنطلع
الينا: اوكي
حليمه: انهدرزو بعدين⁦❤️⁩
الينا: ان شاءالله خير
.
.
نرجعو ل آلاء
طبعا آلاء من قبل سنتين حصلة طعنه من صديقتها نفس الطعنه والغدر اللي توا حصلاته
وبعد سنه حصلة غدر من صديق تعتبره خوها
🙃🙃💔
مسكينه من الم ل الم💔
.
.
‏أصــعــب شــعـــور؟
‏إنــڪ تــمــثــل الــراحــهہ وقــلــبــك‌ يــوجــعـــڪ🖤🥀.
.
.
-
‏من الممكن للغريب أن يصبح صديقاً دون أن تتوقع ذلك
، فمثلاً يستطيع الكثير من الأصدقاء التحول إلى غُرباء بشكل مفاجىء🥀✨
.
.
فاليوم االتالي...
فالكليه
الينا : اهلا بنات
البنات: اهلين
الينا لما شافت عبد السلام قلبها بدا يدق⁦❤️⁩شوي
وسرحت وهوا سارح
برقو صحباتها شافولهم قالولها:هييي نحنُ هنا
عائشه: هدي سرحت هامت بعيد علينا
مروه: خيرها هيا وياه شن صاير
الاء سارحه وساكته ماكانتش معاهم من الاساس عيونها يلمعو كانه دموع حاصله فيهم
الينا انتبهت ع البنات
الينا: مافيش شي
مروه :!! واضح مافيش شي
عائشه: تكلمي
الينا شبحت ل آلاء لقتها ساكته وعيونها لوطا
الينا: لولي خيرك ماسمعتش حسك
الاء:ولا حاجه
الينا:لا فيك
الاء: مافيش شي خلاص
الينا حستها لو اصرت اكثر ح تنفجر بكي فاحبة تسكت وكانها حست الموضوع من جيهة مرام لان الينا الوحيده تعرف بقصصها من زمان وكيف عانت💔
مروه: هي نمشو للكافيتريا ناكلو حاجه قبل المحاضره
عائشه:اي جعانه..هووي الاء غريب ماقولتيش تبي
آلاء: ماخاطريش مانبيش
الينا: اسمعن يابنات امشن انتن اشرن لينا كلنا واني والاء نلقونا برا نتمشو تمام
عائشه ومروه :تمام
.
.
مشو
والاء والينا بدو يتمشو
الينا اتبرق في آلاء وحاسه بيها مضايقه: لولي حبيبتي 😔احكيلي شن فيك وااضح عيونك فيهم لمعه دموع لووووولي ردي بالله احكيلي ماااديريش في روحك هكي
الاء"بدت تبكي تبكي "
الينا حضنتها ورفعتها الحمامات "حشاكم"اكرمكم الله
آلاء:يالوونا تعبت هدي مره تالته يالوونا يغدرني اغلى شخص وكنت واثقه الثقه العمياء💔😔يالوونا تعبااانه حرام عليهم شن درتلهم اني شن درتلهم عمري مانويت الشر ولا الشين لي بني ادم اني النمله ومانأذيها تعبااانه مجروووحه مطعوونه جرح كبييير يالووونا😭😭💔مش قاادره نتحمل اني لييش اللي نحبهم ليش💔
"'نسيت ماحكيتلكمش آلاء ايام المدرسه من اول الابتدائي لعند تاسع كانت عندها صديقه الطفوله💔 طبعا هما الاتنين تؤام مستحيل حد يقدر يفارقهن
من حبهن لبعضهم لين كل من يشوفهم يحسدهم كانو هما الاتنين يدافعو ع بعضهم كانو مع بعضهم في ضحكهم لعبهم بكاهم لدرجه الاء اتشوف نهى تبمي تبكي معاها ولا نهى اتشوف الاء تبكي معاها
كانو اكتر من صديقاات كبرو مع بعضهم
بعد تمت المدرسه في سنه تاسع فالصيف نهى بعدت ع آلاء مشت لطرابلس بعد ايام روحو من طرابلس
نهى وبوها وخوها فالسياره يديرو حادث💔😔
الاء قعدت منشغله ع نهى ماسمعتش بشي لان اول يوم خشت غيبوبه لان نزيف في دماغ الجمجمه مكسوره وفي عطل فالرئه بسبب الحادث خطير
آلاء انشغلت واستغربت كيف نهى ماكلمتهاش وتتصل بيها مقفل بعد يوم من الغيبوبه توفت
الاء سمعت بخبر وفاتها💔انهاارت😔😭انهيار تام فقدت نصها وحبيبتها💔وصديقتها واختها
آلاء كانت اصعب وقت اتمر بيه وبذات كانت صغيره
كل يوم تتدكر كيف كانو يلعبو وضحكتهم وكانت تتخايل فيها لدرجه ماتقبلتش انها ماتت واعتبرت الكل يكذب عليها😔💔
بعد فتره وسنوات بدت تستوعب فقدانها ليها وقريب مادخلت في حاله نفسيه😔💔وخاصتا لما تفتح الفايبر تلقا اخر رسائل كاتبتهم نهى انه هيا بتموت وتقوللها ماتنسينيش حتى ولو في ترابي وقبري وضويلي قبري بدعائك انخاف الظلام😔كانت تحكيلها ع الموت والاء كانت اتقوللها بصارتك تقيله بلا كلام زايد⁦
.
هذا عليش الاء تعبانه لان فقدت وانغدرت كم مره💔ربي يعينها ويقويها وياخد حقها😪"
بعد ماكملت آلاء البكي وتهدي فيها الينا
اتصلن البنات وسالوهم وين هنا
وجن البنات برقو في آلاء واضح انه كانت تبكي
عائشه:شن في خيركم خيرك لولي شن في
الينا فنصت في عائشه: ولا حاجه لولي كانت مضايقه شوي توا ارتاحت خلاص
عائشه فهمت كانه في شي همست لمروه : آلاء اشبح خيرها متغيره
مروه همستلها :اي خيرها لما ترتاح وتهدا توا اتخبرنا
الينا:هيي اللي يوشوش فمه يلشلش شن اتقرمن فينا قدام عيونا🙃
آلاء ضحكت ع الكلمه
الينا: ربي مايحرمنا من ضحكتك ويبعد عليك الهموم وكل اللي يضايقك😚
وفات اليوم باقيه نفس الروتين فالكليه
الينا لما روحت سلمت ع امها
وهدرزوا وركبت اتبدل دبشها فتحت الماسنجر لقت عبد السلام باعتلها قلبها دق😕
فتحتها كان مكتوب: اهلا
مساء الورد والياسمين
كيف حالك ياغاليه⁦❤️⁩
الينا انصدمت😨😨😨😨😨
ردت عليه بدون مااتفكر حتى ومش عارفه شن جابرها اترد
كتبت:اهلين
مساء الخير
تمام وانت
عبد السلام طول شافهت وكانه كان يستنى فيها
:الحمدلله بشوفتك😍⁦❤️⁩
الينا:🙃🙂
عبد السلام:شن يعبرو الفيسات هدوما
الينا: ع ولا شي بالنسبه ليا😊
عبد السلام :الينا نبيك في موضوع ضروري
الينا لما قرتها حست دقات قلبها ترتفع وكانه ح يدويلها ع موضوع يحبو بعض
الينا تبي تتهرب: ماما تنادي
عبد السلام: تانيه بس
الينا: شنو بسرعه
عبدالسلام: انا طالب الحلال
ونبيك من الاخير عاجبتيني
الينا : هي سلام
.

الينا "شن يبي خايفه نحبه ليش نسرح فيه ليش قلبي يدق لما انشوف واااك ياربي ان شاءالله ماوقعتش في فخه💔😭🙏 شكلي وقعت وفات الوقت ياالينا شن اديري ياناري نبي انهدرز معاه
.

شن رايكم صح قصير توا كتبتها اليوم⁦❤️⁩
لان بدا الحزن مانبيش انكد اكتر عليكم يكفي شوي شوي😭
نتمنى تعجبكم🙏ارجو التصويب ودعم ونشر بليز😭⁦❤️⁩ والله حرام دعم ضعيف
وشكرا لكل من دعمني ح انردهلكم في كتبكم😊😍⁦❤️⁩
#دعم
#تصويب
#تعليق
#نشر
ان شاء الله ح انزل الحلقات اللي بعدهم حلوه🙏ادا لقيت دعم و الا ح انوقف كتابه💔😿💔💔
استنونا في حلقه القادمه
شن ح يصير اعطوني رايكم وشوفو شن يصير🙏😚