#الـبارت_الرابـع ⭐️
#ريـمـااا ...🎀
#بقلم #نـشووووة_السـلطاني
#الناشربارق_العراقي
ابو بشير: اليوم اروح لبيت عمك واني احاجي
ابو ايمن ريما لك ماتصير الغيرك
جان احجي وكوول اريدها ليش ماكلت ايا ملعون تختار من ورانة
بشير / ههههه ماصار شي هسه عرفتو
ام بشير/ منو يكول ينطوها البنيه اكو اكبر منها
بشير/ هذا حجي يفيدهم ريما الي وشوكت مايعجبني اروح اخذها شنو اكبر شنو اصغر
. اني اروح للشغل.. هسة
ام بشير./ يمة عوف الشغل موطايرة الشركة
تعال اكل لگمة مايصير تروح كلشي موماكل
بشير/ عجل صبيلي بس چاي مالي نفس اكل
ريما/ نمت نوووم عميق مرتاحة .. واخيرا اعترفلي بحبه.. كعدت من النوم نشيطة فرحانة سويت ريوك الي وليلى ايه بالمدرسة رحت اكعدها كوومي.. ام اللووول سويت ريوك
ليلى.. دفرت الفراش وشعري مكفش باوعت
ولج اني حلمانه موو..
ريما/ شبيج شكوو انتي وهاي كفشتج
ليلى/ ولج الساعه ٩ شكعدج
ريما/ شبعانه نوم وكعدت كومي سويت ريوك
ليلى/ لا لا ماصدك ومسويه ريوك وينك يصگر
تعال شوف شمسوي بأختي عيني لوندري من
زمان خلينا ينطق ويطلع الدرة😂
ريما/ خرب ولج امي هنا لاتسمعج موصوجج
صوج الي يسويلج اكل..😒
ليلى: / ههههه ولج بالاخير تتخبلين شو هيج احس مادري..
ريما../ تاكلين لو لا احجيلي لاطوليها
ليلى / اي جايه وراج بس اغسل وجهي
ريما/ لمي شعرج لاتخوفين امي...
ليلى / لا بالله دمشي لج شايفه روحج شوفه
عود حلوه دروحي دفعتها ودخلت الحمام
ريما / متت ضحك عليها رحت صبيت الچاي
ام امين: / اليوم كاعده من وكت بنيتي الحلوه
ريما/ واحبج احبج ماما..
ام امين/ شكوو ولج شبيج.. اني هم احبج
بس شجرالج..
ليلى/ يمة بنتج ......؟
ريما/ انداريت عليها 😨😨😨اشرتلها اش🤐 خرب هاي شبيها تخبلت
ليلى/ اقصد بنتج وخبالاتها موتعرفيها..
ام امين/ فدوة الروحها الحلوه تعالو اكلو وعوفو
السوالف..
ريما/ بصوت ناصي اني الج ام اللول بسيطه
ليلى/ ههههه مو انتي حتى الطفل راح ينتبه عليج شبيج مخبوصه خليج ريلاكس ياعيني
بشير/ شغلت السياره وطلعت وافكر بيها واخيرا راح اخطبها وتصير الي الله شوكت ريومه شوكت تصيرين حلالي ..
صگر /بقيت نايم بالفراش وتذكرت فستانه الاسود شلوون جانت طالعه بي وخدوها وهي خجلانه وجف ايدها وهي بين ايدي.. تتراجفً
مخلي ايدي جوه راسي وتأمل حسنها..
ام صگر/ فتحت الباب دشوف صگر نايم لو كاعد ..
صگر/ هلا يأمي فوتي كاعد..
ام صگر/ يبعد امك كوم اكل ليش نايم الخبز
حار واختك سوت الرريوك..
صگر/ اي امي جاي بس اكوم اغسل
زينب/ يمة وينو صگر موكلتي كاعد الجاي برد
صگر/ شكو يولي صوتج عالي صبي الجاي
زينب/ فزيت معبالي ورايه ركضت صبيت الچاي
وخليته يمه وبقيت احوص هسه غير ينطق يحجي
اريد اعرف شصار البارحة.،
ام صگر / زينب كومي الهول هوسة العيد ميلاد
كومي شيليهن ليش لحد الان..
صگر/ كومي زينب ليش ماشلتي الهوسه بس
تعرفين تسوين حفلات..
رينب/ عجل الحفلة مالتي ماسوت شغل.. 😬
صگر/ دحچت عليه يولي سدي حلگج لا اكوم عليج اذا احد عرف بالي صار ادفنج وانتي عدلة
زينب/ دحچ عليه عيونه تجدح يمة كتلو لا شلون احجي قابل طفله اني.. شبيكم
صگر/ اكويلي الملابس قبل كلشي.ماريد اسمع حرف منج يله كومي..👿
زينب/ هففف فوك مارتبلو الوضع موعاجبوو
هو هذا الي ماعندو حظ..
ريما/ مثل الفراشه افتر باللبيت فرحنا كل شويه
اروح على ليلى.. وابقى اسولفلها على صگري
لحد ما ليلى ملت 😵 صار الليل وكل شويه
اطلع للطرمة اريد اشوف صگر يجي اليوم لولا
ام بشير/: بشير احنا رايحين لبيت عمك تجي
بشير/ فتحت باب الغرفة وطلعت.. شتسوون تروحون علمود ريماا
ام بشير / اي ابني نحجي بالبنيه راح تروح ويايه جدتك تجي ويانه موو..
بشير/ شلون مااجي اسبح وجاي وراكم
ام بشير/ فرحانه راح اخطب اللبشر اخذت عمتي وطلعنا
ريما : / انتضرتو ماكو طبيت للبيت وصاح عمي .. ابو بشير..
ابو بشير/ هلا ريماا شلونج عموو..
ريما: /انداريت.. عمي وياه جدتي ومرت عمي
شعجب جايين بالليل.. هلا عمووو اتفضلو صحت ماما اجوي بيت عمي ..سلمت على
جدتي بست راسها وصلتها للمطبخ
رجعت سلمت على مرت عمي..
ام بشير/ هلا بالعروسة شلونج ريما..
ريما/ استغربت شنو عروسه شتقصد.. سلمت
عليها وكعدت.. الوجوه كلها فرحانه ماعرف شبيهم بقيت بحيره شصاير اليوم،،
ابو بشير / صايره حرمة ريما..
ريما/ خجلت ودنكت راسي.. ضحكت
الحجية/ اي والله شلون حرمة معدلة حبيبت جدتها الغاليه..
ام ريما/ اي كبرت بس بعيوني طفلة
ريما/ شبيهم اليوم موعوايدهم يحاجوني هالشكل باووعت صفح على ليلى😏
ليلى/ 😳😳😳😳 مصدومة
ريما/ كمت اريد افوت جوه..
ابو ابشير/ لازم حجي سعدون بالمضيف
ريما/ اي تعشى وراح هو والولد مادري منو هنا
زلم بالمضيف..
ابو بشير/ راح اروح يمهم ..سلمت وطلعت
ريما/ اكوم واكعد مرت عمي عينها عليه
وكفت بالمطبخ واشرت الـ ليلى...
ليلى/ شكووو ولج شبيج.. موكاعدين شتريدين
ريما/ شبيهم اليوم جيتهم غريبة وكلامهم مدري شلونو
ليلى/ كافي تخيلات دوم يجون بالليل اني اروح
اسوي جاي اكعدي يمهم
ريما/ اوو ماعرف شبيه اختنكت راح اطلع بره
شويه ..
ليلى/ ممممم تنتضري موو. الگلب يموو
ريما/ دعوفيني براحتي شبيج مراقبتني عفتها
وطلعت.. عيني عالباب شوكت يجي صكر
صگر كملت العشى وطلعت گلبي محترك حرگ عليها بس اريد اشوفها مشتاگ الها شوك ماينوصف تلكاني قاسم بالسيارة
صعدت وياه وسولفتلو على ريمتي غزالتي
قاسم: / اي عمي ليش لا العب صگر مومثل حضي اوووف
صگر/ ولك لا تخلي عينك علينا مومصدك شفتهاوحجيت وياهه ورضت .. بعد طولي طولها
قاسم / اليوم عازمك امشي ويايه عجل
صگر/ تعشيت يول ماريد اريد اشوفها كلشي ماريد وصلني يمها بداعة الغوالي..
قاسم/ بعد حلفتني بالغوالي عجل اوديك بس
من ترجع تلكاني كاعد بالباب تعال ترة روحي
طاكة مو ماتجي.. وصلت صگر بباب بيت الشيخ
سعدون ورجعت للبيت ..
بشير/ رحت اللبيت عمي سعدون من الباب الخلفي شفت ريما واكفه بالطرمة وعينها عالباب اكيد دتنتضرني مشيت على روس اصابعي
وصلت يمها.. مدي اضمها بين اديه صافن عليها
من فوك ليجوة وهي ماتدري بيه..
ريما/ حسيت احد ورايه.. انداريت بشير عيونو
بعيوني صارت.. فزيت وصحت يمة ...
بدون شعور صرت بين ادين بشير واني ارجف
بشير../ اسم الله على جدامج شبيج يريما
شبيج يبعدي انتي دحجت ريما قريبه مني راسها على صدري .. اووويلي عليك بشير
ريما/ وخرت.. منوو ليش هيج بشير والله حرام عليك وكعت گلبي دحجي دكول سوي صوووت
بشير/ يولي شنو شفتي بعبع يمعوده ردت احجي وانتي فزيتي .. تعالي شربي ماي موزين سحبت ايدها
ريما/ دحجت عليه بعديش بعد ما خبلتني اوو بشير شوف شلون جسمي يرجف
بشير/ يبنت العم والله بدون قصد شبيج
ريما/ يله ماصار شي .. 😒😒😒
صگر../ اجيت اتمشى. لبيت عمتي وصلت
واني امشي شفت ريما ايدها بيد بشير انصدمت هاي شبيها تخبلت شلون تخلي
يلزم ايدها.. شنو الي ديصير..ماضل عقل براسي .. امشي وجهي يطلع نار
يتبـع ....
#الناشربارق_العراقي
أنت تقرأ
قصة ريما بقلم نشوى السلطان الناشربارق
Romanceبنت من عائلة معروفة بعاداتها وتقاليدها بنت شيوخ..ابن عمها حبها حب جنوني لكن هل ستبداله الحب ام قلبها سينبض لحبيب اخر الحب يصنع المستحيل
