اروى : انام من الوقتى دا انا لسه هبدا يومى
ادهم : انا ماشى مع نفسك بقى يا برنسيس
برنسيس نعم فهذا هو الاسم الذى كان يطلقه عليها دائما وذهب للنوم فقد مشى كثيرا هذا اليوم بسبب البحث عن القطه مع طفلته ونام وهو يتمنى ان يراها مرة اخرى
يا ترى هل سيراها مرة اخرى وكيف اختفت ولم يجدها وكيف اختفت بدون وداع
.................
وفى الصباح
محمد (والد ادهم) : يلا يا ولاد الفطار يلا يا وردتي
ورده ( والدة ادهم ): بلاش كده يا محمد الولاد كبروا
ادهم واروى فى نفس واحد : هايل بس يا ماما احنا مكبرناش
ادهم : كمل يا بابا كما دا انت استاذ ايوه الله استاذ
اروى : بس يا ادهم خلينى اسمع كمل يا بابا كمل. دا انت بتقول درر والله
ورده : بس منك ليها كل ده عشان قالى وردتى
محمد بضحك : اومال لو سمعوا الباقى هيعملوا ايه
ورده : محممممد بس بقى
ادهم .اروى : ههههههههههههههههههههه احنا نقوم ونيجى فى وقت تانى
محمد : اعد يا واد انت وهى وبعدين فايقين علينا كده ليه من الصبح وانت يا ادهم ما شاء الله فرحان يعنى وانتى يا اروى صاحيه بدرى
ربنا يستر
اروى : انا هفطر عشان اخرج اتمشى شويه
اروى : تتمشى ولااا
ادهم :بس يا بت
اروى : ماشى ماشى وانا يا بابا عايزه اتفرج على البلد لو سمحت ممكن تخرجنى معاك
محمد : ماشى يا حبيبتى من عنيانفطر ونخرج احنا الاتنين وانت يا ادهم تيجى معانا
ادهم : اممم ماشى مش مشكله
ورده : طب افطروا بقى وبطلو كلام بعد الانتهاء من الا فطار توجه محمد واروى وادهم للتمشيه فى البلده والتعرف على اهلها ولكن وقف ادهم ونظر الى مكان ما وابتسم وقال لابيه: انا همشى انا يابابا وهبقى اجى على الغدا سلام
اروى ومحمد : سلام خلى بالك من نفسك
ادهم : ماشى وذهب ادهم الى تلك الطفله التى شدته اليها بعينيها وبرائتها الجميله ووجدها تلعب مع قطتها فى مكان هادئ ومن حولها كثير من الاولاد ولكنها تلعب وحدها فذهب اليها
ادهم : ازيك يا روح بتلعبى لوحدك ليه
روح وهى تعبس بشده وطفوليه : العيال مش راضيين يخلونى العب معاهم بيقولو عليا صغيره
ادهم لم يحتمل هذه النظره الطفوليه فاقترب وجلسه بجانبها وقبلها على وجنتيها وابتسم وقال متزعليش انا هلعب معاكى ممكن ولا لا
روح بابتسامه جميله : ممكن جدا بس هنلعب ايه
ادهم بتفكير : انتى حابه ايه
روح بتفكير ايضا : حابه العب كوره زى العيال دى
ادهم : كوره بس الكوره للاولاد بس وانتى بنوته حلوه مش ينفع تلعبى كوره
روح بتفكير : طب نلعب ايه
ادهم : تعالى نروح نتمرجح هناك
روح وهى تقفز من الفرح : بجد هتمرجحنى بس انا مش معايا فلوس عشان اتمرجح
ادهم :انا معايا يلا بسرعه قبلما حد يروح قبلنا
وبالفعل ذهب ادهم وروح الى المرجيحه وظلو عليها فتره كبيره وهى تضحك بشده وادهم ايضا سعيد لذلك لايعلم لماذا ولكن هو احب اللعب معها جدا وبعد الانتهاء زهبوا الى الارض بجانبهم لكى يجلسوا عليها
ادهم: اتبسطتى يا روح
روح : ايوه انا بحبك اوى يا ادهم تعالى العب معايا على طول
ادهم : ماشى من عنيا بكره الصبح هجيلك ماشى استنينى هنا يلا عشان اروحك
روح : يلا بينا
واخذ ادهم روح. للمنزل وسلم على ابويها ورحل وكان ابويها ايضامن القاهره وجاؤوا لكى يقضوا الصيف معهم هنا فهم لهم اقارب هنا
ادهم دخل المنزل : ماما انا جيت
ورده : حمدالله على السلامه يا حبيبي باباك واروى لسه برا. اما ييجوا نتغدى بقى
ادهم: ماشى هطلع ارتاح شويه
ورده : ماشى يا حبيبي
ودخل ادهم الى غرفته ويتذكر قول روح
انا بحبك: هههههههههههه انت اتهبلت يا ادهم دى عيله مش فاهمه حاجه
اروى من خلف الباب : اه والله عيله وانت اعيل منها
ادهم بفزع : اروى
اروى : ايوه اروى
بس بصراحه كان شكلك حلو على المرجيحه النهرده
ادهم وقد اتسعت عيناه
:انتى شفتينى وبابا كمان
اروى بضحك: لا انا بس بس بابا لا كان مشغول بالكلام مع الناس
ادهم : الحمد لله كان هيقول عليا عيل اكيد
اروى : اكيد بس قولى هى دى البت اللى حكيتلى عليها
ادهم : ايوه شفتيها
اروى : لا بس شفتك بتضحك جامد وانت على المرجيحه قولت يبقى اكيد معاك
ادهم: ههههههههههه مش عارف البت دى بتشدنى كده ليه
اروى : عادى بتخليك تحن لايام الطفوله
ادهم : ممكن برده بابا جه يلا نتغدى احسن جعان
اروى بصدمه : انت كويس يا ادهم غيك حاجه يا حبيبى
ادهم : لا فبه ايه
اروى : مفيش بس دى اول مره فى حياتى اسمعك بتقول جعان لا اابت دى ليها تاثير
ادهم : يلا با بت من هنا
ونزلوا الاسفل وتناولوا العداء وذهب كل منهم الى غرفته لكى يرتاح وغط ادهم فى نوم عميق
............
.....: ادهم يا ادهم متسبنيش انا خايفه
ادهم : مين ؟ روح انتى فين
وجد نفسه فى ارض كبيره خضراء وممتلئه بالاشجار ويسمع بكاءها فظل يجرى ويبحث عنها ولم يجدها وهى تصرخ باسمه وفجأه وجدها تجلس بجانب شجره كبيره وتحتضن قطتها وتبكى فذهب اليها بسرعه وحاول ان يمسكها ولكنها اختفت بسرعه
ادهم بصراخ: روح يا روح انتى فين
........:: ادهم يا ادهم اصحى
ادهم : روح
اروى : روح مين يا شيخ روح منك لله انت كنت نايم وبتحلم
ادهم: حلم
اروى : اه حلم وشكل البت دى فعلا ماثره فيك اوى يا ادهم قوم اغسل وشك احنا بقينا المغرب
ادهم وقد استيقظ ولم يعرف معنى حلمه الا انه ذهب واغتسل ونزل الى الاسفل وجلس مع والديه حتى مر اليوم ولكن لم يهدا لادهم بال مما رآ ه فى حلمه وفى الصباح استيقظ وذهب بدون افطار الى منزل روح ولكن كانت المفاجأة........
أنت تقرأ
انتقام الصقر الجريح
Actionادهم : رجل اعمال يبلغ من العمر 30،عام من عائلة الصقر الشهيره رئيس شركة الصقر اخذ كلية ادارة الاعمال بامتياز واخذ ادارة الشركه بسن صغير بارد قاسى لا تعرف الابتسامه مجالا فى وجهه له جسم رياضى من يراه يظن انا عارض ازياء بوسامته وقامته الممشوقه عدى...
