قبيحه والحزن يملئ قلبها

الجزء الخامس

طلعت لائن اتفقت ويا صديقتي نطلع نغير جو بالحديقه  وطبعا اكيد لبست العبايه وطلعت
جان انصدم بشخص .........

انصدمت بصديقتي او ما لازم اسميها صديقتي=
قصتي وياها جانت مأسويه

طبعا اسمها (نور)
( مغرورة) وتجرح الشخص يعني من صفاتها

طبعا جنت وياها بالابتدائيه وجانت دائما تجرحني بكلامها
الجارح طبعا اني جنت حيل اتأثر  لائن جنت صغيره وجنت اهتم لأقوال الناس
المهم نور ضلت تعيرني بأني فتاه قبيحه ومشوهة الوجه

وأني ضليت انجرح حيل بسببها

طبعا هاي قصتي وياها لكن الصدمه انو اول ما التقيت بيها لكيت شي غريب بوجها*
والغريب انو وجها مشوه مثل وجهي تقريبا

يعني اني انصدمت من شفت وجها
لكن تألمت بداخلي لائن اكيد راح تحس بمعاناتي مع انو هي حيل جانت تأذيني لكن يضل كلبي حنون اني ما اكدر اتحكم

بكلبي بس شسوي (انقهرت عليها)

المهم انصدمت بيها وهي كلها حزن طبعا مو نفسها نور المغروره والي تتباهى بجمالها

نور: اني خجلانه منج حيل*

مريم: شصاير بوجهج؟

نور: بصراحه سويت حادث سير وكل الكدمات اجن بوجهي
طبعا اني ادري انو هاي جزاة الله لائن جنت قبل حيل اجرحج😔😔

مريم: الله يعافيج

نور: ممكن تسامحيني ارجوج 😢

مريم: (المسامح كريم) اي بس ارجوج ما تجرحين شخص مثل ما جرحتيني لكن اذا جرحتي شخص فأني راح اعاتبج
بالآخره

نور: هو اني اصلا اخذت درس ما راح انساه بحياتي واكيد بعد ما راح اجرح شخص 😔😔 وشكرا لائن سامحتيني صدك انتي بنيه كلش صالحه ومؤدبه وخلوقه وكلبج حنون كلش
صدك اني متندمه شلون جنت اجرحج وانتي تسكتين بس الله جازاني وشكرا مره ثانيه😘

مريم/ رحت لصديقتي الي جنت انتظرها بالحديقه وضلينا نسولف وكذا

رجعنا للبيت*

ثاني يوم ساعه ١٠ ماما كعدت وسوت الريوق(الفطور)

واكلنا وخلصت وابويه كالعاده بالشغل

مريم: ماما

ماما: ها بنتي

مريم: اريد رقم ام الطفل

ماما: خوش اخذي هاج بس ليش؟

مريم: ماما شو بسرعه نسيتي اريده بس علمود اودي الفلوس
(المليون) الف الهه علمود تعافي ابنها(حسوني) فووديته مشتاقتله وحتى علمود اتصل عليها وانطيها الفلوس واشوف ابنها حسوني😇

ماما: هاج بنتي اكتبي رقمها بجوالج
يله اكتبي٠٧٨٠...........للآخر

مربم: اي كتبت هسه راح اتصل عليها 😎

ماما:اوك بنتي

مريم:الو................

                 يتبع إلى الجزء السادس😍