💞 " العآشِـــــِقَةُ " 💞 حگاية___جزائرية 😍✌✌

⏩ الجزء 1 ⏪

قاعدة في التاقة
نتفرج
في خلق ربي ونخمم
وحدي حتى جات
ماما تعيط 🔉🔉

ماما: عشاق التاقة
مايتلاقا
رايحة تهبلك هذا
التاقة

نهار كامل و نتي
مقابلتها
لو كان تقابلي قرايتك
ماش خير ....😬😬

نضت على سعدي و
شديت زعما نحفظ
بصح
انا مخي كان بعيد
قاعدة نخمم 😰😰

انا ريم في عمري
20 سنة نقرى سنة
ثانية في الجامعة

عايشة مع العائلة الكريمة
دارنا ♥♥ هنا بنات
برك في الدار عندي
3 خواتات
و انا الصغيرة
bien sure
وماما و بابا ... 😋😋

عايشة حياتي مع
الروتين حاجة ما تتبدل
رايحة نقرا ولا جاية
من لقرايا بصح نكذب
عليكم لوكان نقلكم
صح نقرا

نروح على خاطر
ماما ماتخلينيش نريح
في الدار
si nn

لوكان جات ليا
نديها غير رقاد هههههه
فنيانة علابالي 😂😂😂

لمهم نوصفلكم روحي
شويا انا بلوندا
شعري كحل دايمن دايرة
la petite mèche

بصح برا دايرة خيمار
ماشي حجاب طويل
الله يهديني... 😥😥

ماشي طويلة و ماشي
قصيرة نورمال لاطاي
تاعي مليحة كامل
تعجبهم . . . 😁

ايه نسيت نقلكم انا
بايرة من الطراز
الرفيع هههههه

جامي خرجت و جامي
حبيت في حياتي
كيما يقولو صحاباتي
قلبك ice burg

ههههه وي و فرحانة
بروحي . . .

نحكيلكم على صحاباتي
لي عرفتهم في عامي
الأول في الجامعة
😃😃
صح معرفة عام برك
بصح حسيت بلي
عرفتهم من صغري . . .