ما بعد الفراق

الجزء الاول

#مابعد_الفراق
مرحبا اسمي ريماس راح اخلي امي تحجيلكم قصة حياتهه وبعدهه ارجعلكم 😊
جوري.مرحبا اسمي جوري عند اخت وحده اسمهه بسمه اكبر مني بسنتين و اخ واحد مصطفى اصغر مني ب3 سنوات امي وابويه ماتو اثر حادث سير اني جنت اول متوسط وبسمه ثالث متوسط ومصطفى رابع ابتدائي اخذونه بيت عمي اكبر واحد هيثم بكد مصطفى وعدهم ولد ثنين صغار وبنيه بعدهه ممسجله المهم بالبدايه جانو يعاملونه تعامل حلو ويعطفون علينه وبعدهه مرت عمي بدت تضوجنه متحملتنه واحنه عدنه بيت بالمنصور ممضطرين نكعد يمهه اذكر بسمه خلتنه نرجع لبيتنه هيه جانت سادس اعدادي واني رابع اعدادي يعني كبار وزمن قبل جان امان ماكو خوف مثل هسه رجعنه لبيتنه وراتب ابويه باعتبار حاله حال الورث النه احنه فبسمه جانت تصرف علينه جنه نحسهه موبس اختنه الجبيره جانت امنه شكد تتعب علمودنه احنه ماعدنه خالات بس خال واحد ومسافر بالامارات ماطول عليكم احنه الثلاثه واحد يحن على الثاني مجنت مصوره بيوم حنفترق جنه موبس اخوه اصدقاء حتى صوفي جان مومثل اي اخ متعصب بالعكس يحبنه ونعتبره صديق النه مره من المرات مصطفى وداني لصديقة عمري ريم حتى ادرس يمهه جنت. صف خامس اعدادي واختي بسمه مرحله اولى تربيه رياضيات المهم صوفي وداني على ريم ورجع لبيتنه ريم اعز صديقه صديقة الطفوله لحد هسه مفرقنه والدهه الله يرحمه كرايب والدي لذلك علاقتنه قويه المهم خلصت دراسه رجعت للبيت بس تيهت وبوقتهه مجان اكو موبايلات جان بس الارضي بقيت ادور منين نطلع شفت ولد يمشي سألته
عفيه اني وين متيهه
الولد.ليش وين بيتكم
جوري.بالمنصور
الولد.اي هو انتي بالمنصور
جوري.اي بس موهنا بيتنه تيهت
الولد.زين متعرفين اقرب مكان يمكم
جوري.شارع الاميرات قريب علينه
الولد.والله هو اني هناك رايح امشي اوصلج
جوري.شكرا
الولد.العفو ولو
جوري.شكرا اخويه منا بيتنه
الولد.ماشي خل اوصلج وصلتهه لبيتهه كلش عجبتني هيه وشعرهه المبرمن شايله كتب بيدهه مبينهه طالبه
جوري.ابتسمتله هذا بيتنه شكرا
الولد.ولو اخذت كتابهه كتبت رقم التلقون الارضي مالتنه ممكن تخابريني واكونلج ممنون
جوري.ليش اخابرك
الولد.من تخابرين عود اكلج
جوري.ماشي باي وشكرا مرة ثانيه
الولد.ههه مره الف يمكن.العفو عيني
جوري.دخلت للبيت.لك مصطفى تعال
مصطفى.هاشكو
جوري.ليش عفتني موتدري بيه ماندل
مصطفى.مو وصلتج شكد غبيه محفظتي الشوارع
جوري.واني شمدريني تيهت متت يله وصلت للبيت
بسمه.شكو تصيحون
مصطفى.ماكو شي يله بسمه تعاي قريني
بسمه.يله امشي
جوري.راحو يقرون كعدت وحدي بالهول احنه عدنه تلفون ارضي واحد والثاني نكسر فمطنه محد يكدر يفتحه من غير مكان ويصنط طلعت رقم الولد الشيطان لعب بعقلي خابرته هو جان كلش حلو طويل وحنطي وعيونه كبار بزمنه مجان اكو كفشه ولا اكو لحيه مثل شباب هسه جانو يزينون لحيتهم بس شوارب وشعرهم يكلبو ليوره المهم خابرته بس محجيت شي
الولد.بقيت كاعد وحاجز الموبايل انتضرهه تخابر اول مدك شلته
الو منو الو تردون لو اسده عرفتهه هيه ردت بصوت ناعم وناصي
جوري.الو
منو ويايه
اني البنيه المتيهه
ها عرفتج
شنو ردت دكولي
ماكو بس حتى تخابرين
عيب عليك يله باي
اوكفي بس خل نحجي
ليش
حبابه ماطول
ماشي انت احجي
شنو اسمج
جوري
الله حلو اسمج اني خالد
شكرا انت هم حلو اسمك
العفو عندج اخوان
اي اخت واخ واحد
حلو لا اني عندي خوات 2 و اخ واحد
الله يحفظهم واهلك عايشين
اي الحمدلله عايشين وانتي
لا منطيك عمرهم صار خمس سنوات
الله يرحمهم اي انتي بيا صف
خامس اعدادي
كتكوته
وانت
كليه مرحله اولى
بكد اختي
اي اختج بيا كلية
تربيه قسم رياضيات
لا اني هندسه ميكانيك
حلو شاطر
ههه اي نعمت عيوني بس اقره بس اخويه مهند اشطر مني
ليش دكتور
لا هو مرحله ثالثه هندسه معماري
ها خوش قسم
اي وانتي شاطره لولا
يعني تكدر دكول متوسطه
هاا يعني ياهو اشطر انتي لواختج
اختي قبل جانت شاطره بس من شالت مسؤوليتنه نزل مستواهه وطلعت تربيه
خطيه الله يساعدكم
تسلم اكلك يله باي
متخابرين بعد
لا بعد ماخابر وانت لتخابر
ليش
اني بحياتي ممتكلمه ويه ولد والله اذا اختي درت تموتني يله باي
موبكيفج اذا متخابرين بعد صدكي اجي لبيتكم واكول لاخوج
هذا تهديد مو
شلون متفكرين فكري
ماخابر وشتريد سوي
ماشي من سمعتج تصير علج بين جوارينكم عود يفيدج عنادج من اكوللهم جوري تحجي ويا ولد
لا حباب لسوي هيج شتريد مني
خابريني يوميه والا
ماشي اخابرك بس لدكول لاحد وتشوه سمعتي والله احنه منملك شي غير السمعه الزينه
ماشي اذا تخابرين ماسويلج شي
اي بس هسه حروح ليسمعوني اختي واخويه
ماشي باي.مرحبا اسمي خالد ابويه عنده معمل وامورنا الماديه الحمدلله زينه اني ملعب وابو بنات هواي بنات عندي وحلوات من الكليه وطالبات عجبتني جوري كلش مردت اهددهه بس جبرتني لانهه مبين اول مره تحجي ويه ولد وهيج بنيه متتفوت وهيه حلوه وصغنونه تفيدني اهمشي بريئه تعبت من ذني اريدهه جديده اني استخدمهه وهيه بيتهه قبلنه بكم شارع يعني قريبه عليه
جوري.كمت اضطر اخابره حتى ميهددني شفته سرسري كلش خفت منه وخفت اكول لبسمه خليتهه على الله
بسمه.جوجو اني حطلع اسوك تردين شي
جوري.لا سلامتج اخذي مصطفى وياج
بسمه.لا خلي يمج اخاف عليج يله باي طلعت دروح للسوك اجا حرامي اخذ الجنطه من ايدي اويلي شكد حراميه بهذاك الوقت ركضت ورى معفته فلوسنه كلهه بهاي الجنطه بقيت اركض مثل الخبله وهو يركض شفت ولد كمت اصيح حرامي هو قريب عليه حاوطه و وكعه بالكاع ولزمه ركضت جريت الجنطه وشكرت الولد كلي اودي للشرطه كتله لا مبيه حيل شرطه ودوخه راس رحت للسوك تسوكت ورجعت
جوري.خل اساعدج
بسمه.اي فدوه تكسرت اخ ولكم حرامي راد يبوكني الله ستر اجا ولد لزمه
مصطفى.كولي والله
بسمه.والله العظيم
مصطفى.عوفي المسواك بعد اني اسوك اخاف عليج
بسمه.ياقلبي شكد احبك واحبك من تخاف عليه يازلمة البيت
جوري.واني اشو مطنشتني
بسمه.ههه تعاي يروحي انتي شعندي غيركم
مصطفى.انشاءالله نبقى طول العمر هيج
بسمه.انشاءالله يولو اني دائما افكر بشي
جوري.شنو تفكرين
بسمه.عوفكم من التفكير من نزوج ويصير عندي بنات منو ياخذهن بيكم
جوري.اني اخذهن بناتج وانتي اخذي بناتي
مصطفى.واني منو ياخذ اطفالي
بسمه.نتقاسمهم كل واحد ياخذ من الثاني
جوري.واذا اطفالج حبو غير اطفالي شنسوي
بسمه.موبكيفهم اجبرهم يحبون اطفالكم وماخليهم يزوجون غربه
مصطفى.هذا الكلام وعد موتخلفون الوعد
بسمه.ههههه وعد
جوري.وعد ماخلفه ههه.بعد اسبوع واني بقيت احجي ويا خالد مجبوره ماكدر اعوفه لان يهددني واني كلش خوافه وبعدني مكلت لاختي. جنت راجعه من المدرسه شفت خالد اباب بيتنه واكف بلعت ريك فتت من يمه لزم ايدي
خالد.ماكو مرحبا
جوري.روح الله يستر عليك استر عليه لحد يشوفنه
خالد.تره احنه بالمنصور مو بالقريه
جوري.الله يخليك روح عمي مراقبنه والله
خالد.ماشي لعد ركبي ويايه بالسياره محد يشوفنه
جوري.لا لواموت ماركب
خالد.لحد هسه ماسك اعصابي لوتركبين لو ابقى وماتحرك من مكاني
جوري.شتريد مني
خالد.تركبين باعي الناس شلون تباوعلنه تؤتؤ اكيد يكولون هاي البنيه شعدهه واكفه ويه ولد
جوري.اذا ركبت وين توديني وشسوي بيه
خالد.وحق القران ماسويلج شي بس هيج ركبي ويايه
جوري.يجوز انت تحلف كذب
خالد.اهو تركبين لولا؟
جوري.ماشي صعدت مشينه
خالد.باعي هذا بيتنه
جوري.قريب علينا
خالد.اي وين تردين نروح
جوري.رجعني الله يخليك برطمت ودموعي بعيني
خالد.وكفت السياره لزمت ايدهه شبيج خايفه
جوري.عوفني شتريد مني
خالد.ماشي حرجعج لتبجين نقهرت عليهه رجعتهه نزلت قبل لتنزل لزمت ايدهه عود خابري ترة اسوي شي ميعجبج
جوري.ماشي نزلت فتحت الباب دخلت بسرعه
مصطفى.وينج ليش تأخرتي
جوري.هيج تعبانه ورجعت على كيفي
مصطفى.اكيد
جوري.طبعا قابل من شوكت اكذب عليك شبيك متثق بيه
مصطفى.لا طبعا اثق بيج يله احميلنه الغده
جوري.اي غيرت ملابسي بسمه تسويلنه غده من اليل واني احمي بين متجي اجتي كعدنه على الميز بسمه ومصطفى يشاقون واني مويمهم صافنه بغير عالم
بسمه.وين صافنه
مصطفى.يولي بسمه تحجي وياج
جوري.هاشنو
بسمه.سلامتج اشو ماكلتي شي
جوري.شبعانه
مصطفى.اكوم ارد مدري يامزعج ديخابر
جوري.مصطفى اني ارد هاي اكيد صديقتي
مصطفى.ميخالف اني ارد
جوري.راح يرد وكلبي احسه حيوكف حتى بسمه نتبهت عليه اجا
بسمه.منو
مصطفى.ميردون صوتي راح واني اكول منو اخر شي سدو
جوري.اكيد صديقتي لان هيه مترد اذا صوت ولد
بسمه.يلا كملو غداكم
جوري.الحمدلله شبعت
بسمه.بالعافيه روحي ارتاحي اني اغسل المواعين
جوري.ماشي رحت لغرفتي تمددت وره شويه كمت لكيت مصطفى نايم غطيته رحت لغرفة بسمه قررت اكوللهه على كلشي
بسمه.هاجوجو تعاي
جوري.بسمه اني ماخبي شي عنج
بسمه.اي ادري
جوري.اني اسفه
بسمه.ليش
جوري.بسمه اني ضامه عليج شي بس والله خايفه منج
بسمه.شبيج جوري من شوكت تخافين مني
جوري.اوعديني متعصبين
بسمه.ماشي وعد
جوري.سولفتلهه على خالد وشلون التقيت بي وشلون هددني اني احجي وهيه مصدومه من الشي الدتسمعه
بسمه.عزى العزاني عوفي خيولي هالصاقط
جوري.كمت ابجي ولج يهددني والله يسويهه
بسمه.الكلب كافي لتبجين اني احلهه تندلين بيتهم مو
جوري.اي موكتلج من ركبت ويا بالسياره
بسمه.اي خوش باجر نحلهه
جوري.شنو راح تسوين
بسمه.باجر تعرفين
مصطفى.ها كاعدين واني وحدي
بسمه.ههه تعال
مصطفى.شبيج جوجايه ليش تبجين
بسمه.مابيهه شي تذكرت ماما وبابا
مصطفى.اكلكم خل اطلعكم يلا بدلو
بسمه.هلا بصطوف احلى اخ
مصطفى.ههه يلا بسع
جوري.اي دقيقه(طلعنه ثلاثتنه تونسنه رجعنه بوقتهه للصبح بقينه نضحك ونشاقه ثاني يوم بسمه كالت لمصطفى يروح لبيت عمي يدرس هو وابن عمي هيثم لان بكده
بسمه.يلا حضري روحج خل نحل مشكلتج
جوري.فهميني شحتسوين
بسمه.من نروح افهمي يلا
جوري.غيرت ملابسي وطلعنه كالتلي دليني على بيتهم دليتهه وصلنه دكت الباب اني بقيت خاتله وراهه فتحلنه الباب ولد
بسمه.هذا انت
مهند.انتي الي الحرامي راد يبوكج مو
بسمه.اي وانت ساعدتني
مهند.اهلا وسهلا جايين على احد مو
بسمه.اي جوري متأكده هذا بيتهم
جوري.اي هو كلي اسمه خالد
بسمه.خالد موجود
مهند.اي بس منين تعرفو
بسمه.بس ناديليا بعدين تعرف
خالد.هلو جوجو جايتني
مهند.منو ذني خالد
بسمه.اسمع انت خالد ياويلك اذا بعد هددت اختي فاهم خاف عبالك تبقى تهددهه واني اسكتلك باوع اني بالف رجال صدكني انهيك
خالد.ههه خلصتي
بسمه.عوف اختي احسلك وتهدديك بطله لان اختي طفلة ومتعرف تتصرف بس اني اعرف شلون اتصرف وياك
مهند.شنوالسالفه
بسمه.حظرت جناب هذا يهدد اختي اله تخابره
مهند.صدك خالد هيج تسوي
خالد.اي ومخايف من احد ولسه اهددهه جايبتلي اختج عبالج حخاف منهه خبله انتي
بسمه.احترم روحك ولتتكلم بهاي الطريقه
خالد.اوي اوي شلون اتكلم علميني
بسمه.الله يخليك عوفهه بعدهه طفله
خالد.هسه كمتي تتوسلين مفهمنه ساعه تهدد ساعد تتوسل
بسمه.انت متخاف من الله ماعدك خوات
خالد.المطلوب شنو
بسمه.تعوف جوري ومتتقرب منهه حرام عليك احنه ماعدنه لاحول ولاقوه
مهند.خالد اعتذر منهن وحسابك عندي
خالد.هنودي لتدخل يله فوت انت الجبير
بسمه.طلع زلمه جبير مرتب شايل سويج
ابو مهند.سلام عليكم ليش واكفين هنا مهند ومنو ذني
مهند.بابا ماعرفهم
بسمه.عمو انت ابوهم
ابو مهند.اي يابه
بسمه.عمو ممكن نحجي
خالد.خزرتهن بعيني اني واكف وره ابويه كتلهم كدام ابويه التهديد حيتنفذ
ابو مهند.اي يابه تفضلو
بسمه.لا عمو خل يفوتون ذوله هنا احجي
ابو مهند.ماشي عمو فوتو مهند خالد
مهند.عقابك اليوم ههه السيارة حياخذهه والمصرف ماكو
خالد.انجب اني اعلمهن
مهند.اش تعال نصنت من وره الباب
بسمه.عمو ابنك خالد يهدد اختي
ابو مهند.ابني اني يهدد اختج وبشنو يهددهه
بسمه.اي عمو يهددهه اذا متحجي ويا يشوه سمعتهه ويكول لاخويه انو هيه تحجي ويا
ابو مهند.لا اله الاالله ماشي يابه اني اصرف ويا لتخافين عمو اني اصرف
بسمه.عمو ابنك موخوش فوك مويتيمه هيج يعاملهه والله حرام عليه
ابومهند.لتخافين عمو بعد ماخلي يقرب منكم
بسمه.شكرا عمو تعبتك يله اني اترخص
ابومهند.هلا بنيتي لا عمو ماكوتعب اني ابني ممؤدب اعذرينه هاي اخيتج
بسمه.اي
ابومهند.عمو اخذيهه من شاربي بعد ماخلي يندك بيج
جوري.الله يخليك عمو تسلم
ابومهند.هلا عمو
بسمه.يلا عمو احنه نترخص
ابومهند.الله وياكم يابه بسلامه
جوري.رجعنه للبيت احس مي ونزاح من صدري اف ارتحت خل يبقى يهدد دنشوف شيسوي تعشينه وبعدهه نمنه لولا بسمه مجان عرفت شسوي
ابومهند.خااالد
خالد.هابابا
ابومهند.شنو هاي سوالفك
خالد.ياسوالف
ابومهند.البنيه كالتلي كلشي تربيه سز متستاهل تعبي وياك
خالد.بابا شبيك قابل شسويت
ابومهند.لك ملگيت غير هاليتيمات ولك ماعندك غيره ماخفت على خواتك
ام مهند.ليش تصيح على الولد
ابومهند.تعاي شوفي ابنج المحترم يهدد بنات العالم وفوكاهه يتيمات هاي وين صايره فهميني
ام مهند.يا بشنو يهددهن
ابومهند.لازم وحده يتيمه ويكللهه لوتحجين وياي لواشوه سمعتج واكول لاخوتج تحجين وياولد
ام مهند.عزى العزاني ولك صح كلام ابوك
خالد.اي
ام مهند.ياويلي يكول اي مكيف بعمايله
خالد.لعد اكذب واكول لا
ام مهند.ولك متصير مثل هنودي مؤدب وعاقل
ابومهند.وهذا نفس الشي
مهند.اني شكو وحق الله ساعدتهه هيه هاي الاجتي حرامي راد يبوكهه وساعدتهه
ابومهند.عفيه متصير مثل اخوك هذا قدوتك
خالد.هههاي
ابومهند.ادبسز يضحك على عمايله
خالد.بابااا هواي تجاوزت عليه
ابومهند.جيب سويج السياره
خالد.شمرته عل ميز
ابومهند.وياويلك اذا كررتهه لو تريد تنتقم منهه وتشوه سمعتهه متلوم اله روحك
خالد.اسوي الي اريده اني موصغير
ابومهند.اشو متحترم
ام مهند.خالد روح وليدي ابوك حيعصب
خالد.طلعت ركعت الباب رحت لبيت صاحبي نمت يمه كعدت رحت لمدرسة جوري الحقيره وكفت مكتف ايدي عل حايط مرتجي فاتت من يمي
ها وين ياحلو
جوري.انت شتريد مني
خالد.اريد سيارتي واريد ثقة ابويه عرفتي شريد خزرتهه
جوري.دنكت راسي انت جبرتني هيج اسوي
خالد.اذا ماندمج اني مواسمي خالد اصبري وشوفي مشيت وعفتهه
جوري.رجعت ارجف شنو حيسوي ياالهي ساعدني وصلت للبيت قطرة دم مابقة بجسمي غيرة ملابسي اجتي بسمه ومصطفى تغدينه خلصنه غده
بسمه.هاشلون يومج
جوري.بسمه لحكيلي هذا هددني يگلي الا اندمج لان ابو ماخذ سيارته
بسمه.ماكو غير حل واحد
جوري.شنو
بسمه.نروح لبيت عمي لحد مينسانه ونرجع
جوري.ومرت عمي
بسمه.تولي هو بيت جدنه قابل بيتهه موزين كاعدين بي
جوري.ومصطفى شنكله
بسمه.خليهه عليه امشي نروحله
مصطفى.ها
بسمه.ابوالصوف احنه نريد نرجع لبيت عمو لان اكو حراميه هواي
مصطفى.اني موجود لتخافون
بسمه.ميخالف فتره مؤقته هم انت تبقى ويه هيثم تدامون سوى
مصطفى.ماشي موافق يلا نحضر غراضنه
جوري.مو كل غراضنه بس الضروريه.حضرنا غراضنه وبعدها اجرنا تكسي ورحنه لبيت عمي عمو كلش فرح من شافنه ارتاح ومرت عمي هم فرحت لان احنه ننضفلهه البيت ونطبخ هيه بنتهه بعدهه صغيره ماعدهه احد يساعدهه المهم صارلنه تقريبا اسبوعين يم بيت عمي ونداوم بعدنه
خالد.يوميه اوكف يم بابهم حتى بليل من افوت من يم بيت جوري اشوفه اظلم مابي ضوى واخابر محد يرد بقى بالي يمهه معقوله حبيتهه سألت جيرانهم كالو راحو لبيت عمهم بقيت متندم عل سويته بسببي عافو بيتهم من يوم كتلهه حندمج اختفو كلش نقهرت وتندمت رجعت كلت لمهند انقهر عليهم ثاني يوم وكفت اباب المدرسه حتى اشوفهه اكيد بعدهه تداوم
جوري.جنت طالعه من المدرسه شفت خالد بوجهي لابيه اروح ولابيه ارجع بقيت صافنه والبنات ديطلعن هوسه هو شافني بعد ماكدر انهزم
خالد.تعاي جوري اريد اكلمج
جوري.مشيت لان هسه يجي مصطفى
خالد.اوكفي بس اكلمج
جوري.شرايد مكفاك كل هذا هججتنه من بيتنه بعد شتريد
خالد.اني اسف مردت تعوفون بيتكم وعد بعد مادخل بيج
جوري.ماشي روح هسه يجي اخويه ويشوفك
خالد.سامحتيني مو والله متندم
جوري.اي مدام اعتذرت
خالد.شكد طيوبه انتي
جوري.ماشي بس روح حيجي اخويه
خالد.فهمت وكفت كدامهه واباوعلهه مستحيه كلش حلوه وتجذب النظر اجا ولد شكله بالمتوسطه اكيد اخوهه هو هذا والله عبالي زلمه ههه مشيت وراهم اجرو تكسي وراحو يمكن بيت عمهه بعيد شعليه منهم رجعت للبيت
مهند.هاوينك ولك
خالد.هذا سؤال لوجواب موكدامك
مهند.اقصد وين جنت مختفي
خالد.ولك ذوله ابيت عمهم
مهند.ترى كتلي
خالد.اي بس هسه شفت جوري وحجيت وياهه
مهند.شحجيت
خالد.كتلهه اسف و....
مهند.خوش تعرف تعتذر بس زين منهه سامحتك
خالد.اي
مهند.عاجبني اشوف بسمه
خالد.منين تعرف اسمهه
مهند.شنوهالغباء موانت كتلي
خالد.اي وين تريد اشوفهه
مهند.شمدريني
خالد.والي يلكالك حل وتشوفهه
مهند.صدك
خالد.روح اسأل بسمه عمار بالتربيه قسم رياضيات
مهند.الله عليك صدك
خالد.والله شبيك بس شعندك تريد تشوفهه
مهند.عاجبتني حلوه وسبعه
خالد.تخطبهه
مهند.مادري شوف القسمه.ثاني يوم رحت للكلية مالتهه سألت محد عرفهه بس بنيه كالتلي بالقاعه رحت لكيتهه كاعده واكو بنات يمهه
بسمه.شفته نصدمت بقيت اباوعله اشرلي انو اروحله كمت رحت يمه.نعم
مهند.شلونج
بسمه.الحمدلله
مهند.ممكن نحجي
بسمه.تفضل
مهند.بصراحه ماعرف شلون احجي
بسمه.شنو
مهند.من الاخير اني معجب بيج كلش
بسمه.انت هم مثل اخوك
مهند.لاوالله اني رايدج بالحلال
بسمه.تريدني هذاك بيت عمي روح اخطبني منه
مهند.اذا خطبتج توافقين