عدالة السماﻋ خلف الابواب

البارت 1

يومي يمر مثل كل يوم بين بيت واطفال وشغل
وتركيب  وروتين انتظر زوجي يجي بالليل
رغم تعب الحياه بس وجودة بالبيت يرح نفسي ..

اني بان مزوجه وعندي 3اطفال ..ناعمه ممبين عليه عمري
عيوني كبار سود وحنطيه وشعري طويل اسود ..

عمري 27سنه
.
زوجي سجاد يشتغل مدير بشركه اهليه
..عندة محل حاسبات ..يبقى بي لليل
وعمرة 35سنه
شكله عادي ..ابيض متوسط الطول ..صاحب كرش .صغير ..عيونه كبار ولونها عسلي ..
شعرة خفيف ..شكله مقبول ..

زواجي جان تقليدي
لكن حبيته هوايه بعد الزواج
والله رزقني منه ب3اطفال ..
حياتنا هادئة وحلوة نوعا ما ..
زوجي من نوع يحب يطلع هواية
اقل شي مولات وسفرات ومطاعم ..بس ويا وممنوع اطلع وحدي ..لومهما كان السبب ..
سجاد

ممقصر ويانا بشي ابد
يحبني ويحب اطفاله والبيت
واني هم فقيرة ويا وممقصرة  بحقة بيوم ..
ودائما ابتعد عن كل المشاكل
مرات يجي عصبي ويعيط ويصيح احاول ابرد عصبيته
وماخلي يتوتر ابد ..لان ضغط العالم الخارجي كافي عليه  ..
حياتي حلوة وهادئة مابيها ..مشاكل ..
ولا جنت اطب ع احد لا جيران ولا شي
سادة بابي وكاعدة ..

فديوم رحت لاهلي
بتت يمهم
جنت قليل ابات الا هو خارج المحافظه
لان تعلم ع وجودي بالبيت
وميكدر ينام اذا مو يمه
حتى اني نفس الشي ..
بتت هناك لان جان مسافر
والتهيت  وبين لمه الاهل والجيران
الكل تحجي بالفيس ..
ولج بان يخبل
واني بس اباوع عليهم وماعرف شنو هو
شوفوني البرنامج
بي صور وفيديوات شفتة حلو
مجان عندي هيج برنامج بس البرامج العادية اتصل بيها ويا اهلي
مفكرت فديوم احمل هيج برنامج والتهي بي ..
ضلو هم كلمن وبايدة فونه ويكلبون بالفيس واني
حملت للعبة والعبها
بس عجبني ومردت اسوي كلت اخاف ميقبل
يجي واكوله ..
بعد يومين رجع سجاد
واجة اخذني اللبيت ..
ظل ابالي الفيس وكل شويه اريد اكوله وارجع اتردد
مر اايوم وبالي بالبرنامج
الي تكولي اضيفج بكروب بنات بي سوالف تخبل
والي تكول اضيفج بيج بي ملابس وعطور
وغيرها وغيرها
رغم سفرنا وانفتاحنا للعالم الخارجي .
بس مجان عندي برنامج مثلة ..
بليل قبل لا ينام سجاد

جريت نفسي ونمت ع صدرة
حبي ؟؟
نعم ..
اريد منك شي
ضحك كال كولي ..
فلوس ..؟؟
لا مو فلوس
بس اني ضايجة وكاعدة بالبيت وحدي ..والجهال تكمز ع راسي
كال دفضيني احجي ..
كمت ..حبيبي اريد اسوي فيس
رفع حاجبه ..بان شسوين بي ..
شنو شسوي هالعالم كلها عدها ..
اريد اكلب بي واشوف ..وكمت احجيله شلون البنات
مسوين ويسوكون غراض وغيرها وغيرها ..
سكت ..
كال بان بي بلاوي وفضايح ..
يعني عندك انت ..
اي عندي للشغل بس ..
اهااا خوش ..
حلال الك وحرام عليه ..
جريت مخدتي ..وفراشي وطلعت فراش من الكنتور
ونمت بالكاع ..
صاح بان ام عقل الصغير ..
كتلة لا تحاجيني ابد ..
ولفيت راسي ونمت ..
مر يومين واني كالبه الخلقة واعيط واصيح ..
بعد اليومين ..
اجة من الشغل اتغدى ونام ..
وكعد راد جاي ..جنت اسوي كل شي بس كالبه خلقتي عليه
اخذ الجاي مني بابتسامه ..
وجر الحاسبه ..
وكعد يشتغل بيها جنت كاعدة كباله ومقهورة هو اله حلال واني حرام كل شي ..
شوية ودار الحاسبه كال هذا حسابج الج
ع الفيس ..
كمت ذبيت الماعون مال فواكه من ايدي وحظنته وبوسته
وكانما راح اعيش عالم جديد ..
مال اميرات
بدة يعلمني هذا شنو وهذا شنو
وشلون انزل وشلون اضيف
جنت مثل الجاهل واول مرة يروح ملاعيب ..
هيج فرحانه ..
كمل اخذت منه الفون
وبيومها منمت للفجر .واني عيوني مفتوحة واكلب بي
كلما يندار سجاد اشمر الجهاز
لو اطب جوة اللحاف حتى لا يشوفني
عالم جديد جان
شفت بي العجب ..
الي يسويلي لايك ادخل ع كل تعليقاته اسوي لايك
والي يكولي منورة
الا ارد
وكمت انزل منشورات
وكمت اتعرف ع بنات وولد من الفيس
بس بدون خاص ابد
سوالف وشقه للفجر ..
بس مفكرت اخونه بكلمه ابد ..
جنت وفية اله ..
بس بدة النت ياخذني من بيتي وزوجي
وبدة هو يحجي ع انشغالي بي ..
واطلع حجج انت عايفني وطالع ..وين اروح
يعني حسرة عليه اتونس بشي ..
حتى كمت طلعه ماطلع ..ادز الجهال ويا واكعد واكابل الفون
نوم ماكو
اكوم الظهر اكمل كل شغلي في سبيل ..
اتفرغ للفيس
تعرضت لهوايه سوالف
منها اريد اتعرف ..وغيرها وغيرها
بس جنت ماهتم الهم ابد ..
الى فديوم طبيت بكروب جبير مختلط
والادمن   بي  شاب جدا جميل اسمه غيث
سبحان الي خلقة
وكل البنات تصيح باسمه
والي تتغزل والي تشاقه والي والي
جنت اتابع منشوراته وكلامه
وبديت افصل من عالمي ..
وادخل اكثر بالعالم الفيس ..
جان ثكيل حيل ..ولا بنيه ينطيها مجال ..
وصارم بقوانين الكروب ..
يعني مابيها مجال وحدة تحجي ويا وداخلي اميل اله
واتخيل شكله وعضلاته ولحيته ..
وكلما ينزل صورة
اخزنها يمي
بالنهار وبليل احذفها ..
بدة خيالي يرووح بيه بعيد حييل ..
كمت اخيل نفسي وياه ..
واعيش الحب ..
او انام بحظنه واحجي وياه ..
حسيته اخذ عقلي
لا مو عقلي اخذني كلي من كل مكان
وصلت بيه ..
خيالي يدخل باثناء علاقتي ويا زوجي ..
جنت اتخيله هو ..غيث ..