عدالة السماﻋ خلف الابواب

البارت 4

أهم شي أريد اني منكم لايك كومنت لوف يووو💋💋💋

ضليت اباوع عليه وجمدت بمكاني

ماعرف شلون اردة ..

شمرت عليه الصوندة والماسحه
ركضت طبيت للبيت ..
اتزحلكت ..ووكعت بالكاع ..
جوي جهالي عليه..
كتلهم طببو الغراض وقفلو الباب
كمت من مكاني وجريت جهالي وطبيت ..
جوة وزنجلت الباب ..
وطببتهم بالغرفه وشغلت كارتون ..
ضليت اروح وارجع واباوع من البردة
ياربي شسوي اللهي ..
انت العفو اعفو عني
لا تفضحني استر عليه ..
ياربي ..
شيريد مني هذا ياربي ..
اليوم اعترف لسجاد ..اي لو اعرف يموتني ..
لا شعترف ..منو كال بس اموت
جهالي شنو ذنبهم ..
بقيت اروح وارجع ..

حسيت ..برد بجسمي ..
صار ثلج ..
رحت غطيت روحي وجنت اهتز من البرد ..
الدنيا ثلج صحت ..
ع جهالي ..
يوسف احمد
يوسف ..وسنوني اصك ..صك ..

وكلي ارجف ..
اجه يمي
كتلهم غطوني جمدت ..
غطوني ..
بكثر من غطه موجود ..

دك ع ابوك يجي ..
جابلي الفون وفتحه ..
اريد احجي وياه ماكدر ..
يوسف جاوب ابو ..
كله ماما بردانه ..
تعال ..
مدافهم سجاد شيكوله
بابا تعال ماما دترجف تعال ..

ضليت ارعش جوة الفراش ..
ماذكر شكد ..
بس حسيت بحرارة كبت بجسمي نار ..
واجة سجاد
يحجي ويايه
بان شبيج ..
ويلزم راسي ..
اووو شبيج صايرة تنور ..
بان حبي سمعيني ..
لزمت ايدة جريتها ..
وكوة فتحت عيوني كتله سامحني ..
ضل يمسد ع راسي شبيج بان
بس سامحني واني اصير زينه

ضل يروح ويرجع
مسامحج
ولج عباتج وين ..
واسمعه يحجي بالفون
ها يمه تعالو يم الجهال
داكولج تعالو بان مدري شجاها يمه ..
اسكتي يامي ..رحمه لاهلج تعالو بسرعه ..
اريد اخذها للمستشفى ..

جنت اغمض عيوني وافتحها
احس جمر بعيني ..
جاب يمي طاسه بيها مي ..ويغسل الي
واسمع الجهال تبجي ..
فتحت عيوني ع فزة المي البارد
لمحتهم يم رجلي كاعدين يبجون
جان المي مثل البسامير ع وجهي ..

غسلي ايدي وجهي ..
وكومني وابسني عبايه فوك هدومي
ورجع اسمعه يحجي بالفون

دقايق واجوي اسمعهم ..
شالني وطلع بيه ..
للمستشفى ..
هناك ويفززني صوته ..كومي اصحي
من شدة الصخونه انام مدري افقد ..
وصلنا وبدت المغذيات والتحاليل درجه حرارتي تعدت ال40

كم ساعه وارجع اصخن ..
بس ينشال المغذي ..
بقيت بالمشفى 4ايام ..
زرفوني تزرف
ولا اعرف شي بالحياه ولا اعرف اني عايشة لوميته
وهناك واسمع صوت سجاد
يمي يقرا قران
لو صوت احد من اهلي ..يحجي ويايه
اصحى اكعد واكل شي خفيف
وارجع انتكس بصخونه
ساعه يكولون فايروس
ساعه سل
ساعه جرثومه
بعد الاربع ايام
طلعت ..ووداني لاخصائي بعد التحاليل والكشف
اول سؤال سالني انتي مهبوطه
لو السكر عدكم وراثه
بقى رجلي يباوع عليه
كتله امي بيها
شكد عمرج
27
سكرج مال واحد عمرة سبعين
البنكرياس عندج متوقف .
المهم حميه غذائية وعلاج وتتحسسين
بس الصخونه مو من السكر ..
نحتاج اكثر تحاليل ..
طلعنا منه ..
والطريق كله عيني ع الجامه