الزواج من نظرتين مختلفين

البداية

البطلة :: فاطمه كريم.    ٢٠ سنة
البطل :: اكرم احمد           ٢٢ سنة
صديقه البطله:: زينب محمد ٢٠ سنة
صديق البطل :: عمرو انس.    ٢٢ سنة

                                           البدايه

فاطمه.      الو
زينب.     الو
فاطمه:: ايه يا بنتي مختفيه ليه من امبارح وانا مش لقياكى
زينب:: معلش يا فاطمه مش جاي لنا ضيوف لما اشوفك  هحكيلك عنهم
فاطمه         تمام هنتقابل امتى
زينب  :::      بكره اجيلك البيت تمام
فاطمه.    تمام خلي بالك من نفسك
زينب.     وانت كمان سلام

اكرم. ::.   الو ازيك يا برنس
عمرو،::. تمام مالك صوتك متغير
اكرم ::::. زهقان شويه لما اشوفك هبقى احكيلك
عمرو :::: تمام نتقابل النهارده
اكرم ::: لا في حوار كده النهارده هخلصه الاول لو كده نتقابل بكره
عمرو :::: تمام بس هنتقابل فين
اكرم ::: اي كافيه عشان نتكلم براحتنا
عمرو :: خلاص يبقى نفس الكافيه بتاع كل مره
اكرم :: ماشي يلا سلام
عمرو ::: سلام
                             

                                                  اليوم التالي

رن جرس الباب

فاطمه :::: استني يا ماما دي اكيد زينب انا هفتحلها
زينب.    ازيك يا طنط عامله ايه
ام فاطمه.     الحمد لله يا حبيبتي وانتى
زينب.   تمام الحمد لله
فاطمه. ازيك يا ماما احنا داخلين اوضتى
فاطمه :: ادخلي يا زينب بسرعه يلا احكيلي من الضيوف الجتلك
زينب :: عريس
فاطمه:: بجد حد انا عرفوا مين بيشتغل ايه يلا خلصي قولي
زينب:::: اهدى عشان اقدر اقولك عريس يا بنتي معرفوش ولا هو يعرفني مامته هي اللي شفتنى في فرح بنت عمي وعجبتها فقالت يمكن انفع لابنها
 
فاطمه     اه فهمت امه المختراكى يعنى 
زينب:::: بالظبط كده
فاطمه         عملت ايه
زينب.         رفضته طبعاً
زينب::: فاطمه هو انت ايه مواصفات فتى احلامك
فاطمه.     قولى انتى الاول
زينب ::::: مش هقولك زي كل البنات عينه زرقه وشعره اصفر انا عايزاه يكون حلو حلو عادي يعني يكون غنى عشان يقدر يجيبلى  كل حاجه وتكون شخصيته قويه

فاطمه :::: يمكن انا مختلفه عنك شويه انا عايزاه يكون شكله عادي و تكون الملامح المصريه بينه فيه و عايزاه يكون بيشتغل شغلانة   حلوه ومش لازم يكون غني  انا عايزاه يكون حالته الاجتماعيه متوسطه و عايزاه  يكون شخصيته من بره قويه بس من جواه طفل جميل وبرئ

زينب :: اه طبعا ما انتى انسانه بسيطه هتكوني عايزه ايه يعني طب تحبي  يتقدملك  ازاي

فاطمه:: عادي يجي من الباب انا عايزاه يجي لبابا على طول

زينب:: ايه انت عايزاه يتقدم من الباب كده على طول

فاطمه:::: اه لانه لو راجل بجد مش هيعمل غير كده وانا هافرح بده

زينب.    لا انا عايزاه ييجى ويركع على ركبته ويقولي بحبك و يلبسني الخاتم

فاطمه::: اه على فكره هو ممكن يعمل كده بعد الخطوبه او الجواز وكده هبقى فرحانه اكتر
  زينب.     تفضلي انك تحبيه وبعد كده يتقدملك ولا ايه بالظبط
فاطمه ::: مبدا انا بحبه.   احلى حب هو حب ما بعد الخطوبه بيكون حب في حدود الاخلاق والدين بيكون احلى حب

زينب ::: لا انا مختلفه عنك كثير انا نفسي في شاب حلو نعيش مع بعض حياه سعيده مش عايزاه يجي ياخدني بالحصان الابيض انا عايز يجي ياخدني  باحدث عربيه في مصر

فاطمه:: ده مش واقعي انك تنتظرى الامير اللي هيجي ينقذ من حياتك دى  و تعيشى معاه حياه مفيهاش مشاكل لازم تكوني واقعيه يا زينب الجواز عباره عن حب و مسئوليه و اكيد في يوم هتعرفي ده
زينب. :: خليكي انتى كده على طول

اكرم.   ايه يا عم عامل ايه
عمرو.   تمام وانت.
اكرم.  :: كويس مع اني زهقان شويه

عمرو. ليه كده
اكرم ::: امي بتحاول تتجوزني على مزاجها تخيل انها خاصمتني عشان مكنتش عايز اروح معاها عشان اشوف البنت اللي هي اخترتها لي
عمرو.   طب ايه اللي حصل اوعي تقولي انك وقعت
اكرم.   لا متخافش البنت رفضتني و الحمد لله انها جات منها
عمرو.       معلش الامهات بقى
أكرم.     اه بس هي لازم تفهم اني لازم اختار شريكه حياتي لوحدي
عمرو.   عباره عن ايه شركه حياتك دي
اكرم.    عباره عن اني اول ما اشوفها في اول مره تعجبني و ببقى حاسس ان هي دي شريكه حياتي اللي هتقدر تمسك مسئوليات بيتى
عمرو.    هتلاقيها ان شاء الله في احلامك انا بقى نفسي في بنت تكون مجنونه عشان نقدر نعيش حياتنا مع بعض في حب ورومانسيه
اكرم ؛:: هتلاقيها ان شاء الله في احلامك
عمرو.     ىماشي ماشي يلا بقى عشان عندي مشوار شغل مهم

اكرم.   ماشي يا عم سلامة
عمرو سلام