#مساجلة_للتاريخ
تتناول قصة الحجية شهية مع زوجها ...........
__________________________________
القصة حقيقيه
أكو شايب ومرته بالخمسينات عايشين وحدهم بالبيت ،بعد ما اتزوجوا ولدهم ،والبنات تزوجن .
كان زواجهم أثر قصة حب ألى حد الجنون . أحد ألايام، رجل شهية گاللهه ماتگومین تسویلنه استکان چاي
فعدهم چوله جابت القوري وخدرت الچاي، الچوله گبت بیها النار من جوه وهي ماتدري ، المهم احترگ ذيال ثوبها ، الشايب ركض يريد يطفيها ، هنا چانن عويناته رچاچ مایشوف بیهن ، جاب تنکة نفط رشگها بیها عبالة ماي ،،،،،، (#ماتت_شهية)
انطه خبر الى اولاده وأخوته ... بچلمات (الله وکیلکم بس تخلص الفاتحة الحگها ما اظلن ) صدك ثالث يوم الفاتحة بليل بليل توفه الشايب
عدنان البدران تكلم عن لسان حال الشايب
حسن أبو الحديد تكلم بلسان حال شهية مرة الشايب
شهية حچت
شلهبت بیه النار......... بطراف الهدوم
وحدنه كون انخاك وانه ادري متگوم
حسن نجم
______
الشایب رد
رچ شوفي وتعرفين....... بيه شكثر هم
هااا شو صدك عطاب من صوبچ اشتم !
عدنان
______
ردت شهیة
خل خفت روحي تصير هاي بدَوْي النار
فدوة الك بس لا صوت بيه يسمع الجار
حسن نجم
______
رد الشايب
يعيوني هذا الماي هسه آنه اطفيچ
بظلوعي احس النار يشهية مو بيچ
عدنان
______
المهم هنا من احترگت حچت
ردت اعله بختك ماي ياراعي بيتي
اتذب نفط وتصيح... ها ما طفيتي
حسن
______
رد الشايب
ها ولچ هذا الماي..... يونفط بيدي ؟
احرگت بیه الیوم صفحت چدیدي
عدنان
______
ردت شهية
اي نفط والله وياك هل هذا اجه الموت
راح آنه اروح وياااااااااه ولملي تابوت
حسن
______
حجه الشايب
بس مآتمك أيام تگضي...... واجي بساع
خلافك وحك عباس عيب امشي عالگاع،،
(((صراحه القصه بجتني لئنها تذكرني بيبيتي الله يرحمها نفس الموته)))
