❤عشقته بجنون ❤

البارت الثالث

تبارك: بعد ما راسلني كرم حسيت الدنيا ما توسعني من كد الفرحه ودي هسه اخابره واسمع صوته لان انا بديت احبه ههه ولج تبارك انتي شجاي تخربطين لو درى بابا واخواني يموتوني بمكاني فقررت بعد ما احجي وي كرم بس سلام بس من حجيت وياها فرحت كلش
كرم : حجينا انا وتبارك اريد بس كون اعترفلها بحبي بس هي كالتلي بس اصدقاء لا اكثر ولا اقل فقررت ما احجي وياها عن حبي وعشقي الها بس كوني صديق اظل احجي وياها وبلكي مع مرور الوقت تعرف انهُ انا احبها مو بس احبها اموت عليها
تبارك :هم راسلني كرم وسلام وحجه شوي ويسال بس انا اجاوب ع كد السؤال اللي يسالني بيه لا اكثر ولا اقل
كرم :راسلت تبارك واحسها مو مثل اول ما راسلتها احسها ما مرتاحه ومن اسالها جاوبني ع كد سؤالي الها وسالتها شبيج
تبارك : ما بيه شيء ليش السؤال
كرم : بس هيج احسج ضايجه مني
تبارك : لا والله ما ضايجه منك بس من الدراسه وهيج
كرم : هاا خوش حسبالي من عندي ضايجه
تبارك : ظلينا نتراسل لمده شهر وانا كمت اموت عليه واحبه واذا ما راسلني اظل مقهوره وضايجه واحس نفسي تعبانه واجىء اليوم اللي اعترفلي بيه كرم بحبه الي وانا كلش فرحت وكالي انتي تحبيني انا كتله اموت عليك واحبك موت كالي والله اموت عليج وفرحت كلش لان كرم طلع يحبني
كرم :ظلينا نتراسل انا وتبارك لمده شهر واعترفتلها بحبي وهي طلعت تحبي وتموت عليه وكمت اسمع صوتها الا انام ومن اكعد اول ما اكعد كبل اخابرها حتى اسمع صوتها
تبارك : ومره راد يشوفني كتله وين كالي اشوفج بالمول تعالي رحت لامي
ماما ماما
الام :هاا يمه شبيج ؟
تبارك:يمه اريد اشتري ملابس لان ما عندي عفيه خلي نروح للمول
الام :هاا خوش نروح بس بالاول نكول لوالدج حتى نروح اوك
تبارك:اوك ماما احبج ❤
الام:😘
تبارك :الماما كالت لابابا حتى نروح و وافق وانا لبست لبست بنطرون وبدي جوه من الركبه شوي وحذاء وردي وشال وردي وجنطه ورديه وجهزت نفسي طلعت اخبل ورحنا للمول وشفت كرم وسلمت عليه بس ما بقيت هواي اخاف ماما تشوفني وشفته وطالع يخبل يمه فديته 😘
كرم:وافقت تجي تبارك للمول حتى اشوفها ورحت بدلت ولبست بدي بيجي  وبنطرون اسود وحذا اسود وعطر طلعت اخبل ورحت للمول وشفت تبارك مو بس تخبل طالعه گمر 🌝
كرم :هلو حبي شلونج
تبارك :هلا بيك حبيبي الحمدلله انتَ شلونك
كرم :الحمدلله تمام شكد مشاقلج حبي
تبارك :😊 وانا اكثر حبي
كرم: يمه فديت التخجل حبيبتي انتي
تبارك :فديتك حبي يله انا اروح لان امي خاف تجي مع السلامه حبيبي
كرم :مع السلامه حبيبتي باي
تبارك : باي 🙋
تبارك :بعد ما رجعنا اني وامي من المول وشفت كرم يمه طالع يخبل مو بس يخبل يجنن فديته للحب مالتي
كرم :شفت تبارك ورجعت للبيت بس كلش فرحان لان شفت حب حياتي طالعه تجنن اليوم واتصل عليها
كرم :الوو حبي شلونج
تبارك :الحمدلله حبي انت شلونك
كرم :الحمدلله حبيبتي اليوم شطالعه غير تجننين حبي طالعه كلش تخبلين ❤
تبارك :تسلم حبي 😊وظلينا نخابر وخلصت مخابره ولليل اجتني رساله من كرم فتحت الرساله لكيت كاتب بيها بعد ما اريدج وانا ما احبج 😳 انا ظليت مصدومه هذا صدك يحجي لو جذب لا لا اخاف مسوي بيه مقلب خلي اتصل عليه واتاكد اتصلت عليه
تبارك : هلوو حبي شلونك هاي شنو الرساله اللي دازها الي
ياسمين :هلا بست تبارك الحب مالتج انتهى واخوي بعد ما يحبج اتركيه وانسيه مثل ما نساج فهمتي يا ام الشوارع
تبارك :انا ظليت متعجبه شحجي شكول كلتلها وانتي منو كالت شنو نسيتيني انا ياسمين والله الا اخلي اخوي يتركج فهمتي لو لا وهسه هو نساج وانتي انسيه مثل ما نساج يله ولي وطفت الجهاز وانا ظليت مصدومه هاي ياسمين اللي وياي تصير اخت كرم وهي تكرهني تموت مني اكيد طلعتلها شيء عليه وكالته لكرم اذا انا بريئه ليش هيج خايفه كرم لازم يثق بيه اذا يثق بيه يخابرني بس ياسمين اكيد كايلته شي عليه وكرهني بس هو لازم يسمع مني لان انا ما مسويه شيء وكمت ابجي وانقهرت كلش واجتي امي
الام :شبيج يمه صمله ليش تبجين هيج وعيونج حمر وجهج اصفر شبيج
تبارك : لا ماما ما بيه شيء جنت نايمه وشفت كابوس كلش بشع وخفت
الام :يمه صمله عليج كومي اقريلج قران شويه وترتاحين
تبارك :رحت وتوضيت واخذت قران وكمت اقرا وابجي وانحب من البجي ليش سوا بيه هيج هو مو يحبني ليش تركني ليش
ياسمين : اعرفكم بنفسي انا اسمي ياسمين عمري ٢٠ وجهي اسمر وطويله وعايشه وي امي وابوي واخوي كرم انا ادرس بصف السادس اعدادي وي تبارك طبعا انا كلش اغار من تبارك لان احلى مني والبنات يحبوها ما يحبوني لان اني  سمرا ومو حلوه مثلها ويوم من الايام اخوي دخلت للبيت شفته فرحان ويضحك هوا مو من عوايده يضحك هوااي بس هالايام متغير سالته خيرك خويه هالايام مبين عليك فرحان كلش اكو شيء
كرم :لا ماكو شيء وليش تسالين انتي كومي اقري وطلعي معدل مثل هاي البنات كومي
ياسمين : اي ع كيفك كايمه كلت بنفسي لازم اعرف سبب هالابتسامه هاي الايام صار يبتسم هواي كلت خلي اخوي ينام واشوف جهازه اخاف مكبل وعنده حبيبه اخوي نام ورحت شفت جهازه وطلعته وشفت 😳😳
🌷🌷🌷🌷🌷🌷🌷🌷🌷🌷🌷🌷
انتظرونا بالبارت الرابع وان شاء الله القصه تنال اعجابكم 😘😘