الاسيره

مغامره

لبست الاميره نور ملابس خادمات اخذت كيس من دراهم الذهب ودون ان يشعر احد خرجت من القصر اول مره تدخل سوق الخضر  اشترت كل الانواع وراحت المكان الي بي العوائل الفقيره وبدت توزع للعوائل امتلا قلبه من الفرح وهي تشوف العوائل فرحانين اخذه الواهس ثاني يوم اخذت كيس
دراهم وراحت اشترت ملابس وزعته بدو العوائل يحبوهه وينتضروهه حست ان العالم مو كله فرح وسعاده لازم تحس بمعانات الغير بس اميرتنه انطلقت وبدت تاثث بيوتهم خلص صندوق الدراهم الخاص بيه بدت تطلب من امه وابوهه واخوانه مكفاها بدت تجمع الملابس القديمه والاواني وحتى السنادين لاحض الملك غياب نور المستمر سال الملكه نور مموجوده شنو محد يكله الاكل جهز شعجب الى نور تفصم على الاكل جاوبت الاميره دنيا بابه البارحه شفته جمعت ملابسنه الزايده واكسسواراتنا ترست عربتين ورجعت للغرفه بعدين اختفت تعجب الملك هاي شدتسوي كلف احد الجنود بتعقبه حتى يعرف شدتسوي طبعا اميرتنا وزعت المقسوم ورجعت بدون علم احد تتخفى من اهل القصر دخلت جناحه ذبت نفسه على السرير وغمضت عينه يابويه تعال شوف بنتك تكطعت من التعب سمعت صوت والده ومنو جابرج فتحت عينه بقوه واعتدلت بجلسته !بابا اني اسفه مشفتك الملك حبيبة ابوهه راجعه من حفله تنكريه شنو هاذا لبس الخدم لازم خلصت ملابسج بلعت ريقه تحاول تتذكر كذبه مقنعه اختفن كلهن لجات للحل الاخير انفجرت بالبكاء بابا العوال تشردت ببلدك بابا الاطفال جاعو بابا ماعدهم اثاث ولا هدوم بابا لو تشوفهم تبيع حتى التاج تبسم الملك الحيلته البريئه وعاطفته كله لو ما اكشفج تبيعينه هدومنه حضنه حبيبتي اعرف تعاطفج وياهم بس لاتنسين اني ملك بلاد كبيره واحاول اعمل ما بوسعي حتى لايجوعون بس كل بلد بيه الفقير والغني كل واحد يحصل على كد ما يعمل واكو يفضلون الراحه على العمل فيعيشون فقراء حبيبتي اخاف عليج تطلعين بلا حمايه راح اعلمج شلون تساعديهم انطيج اموال تكفي البناء مصنع اقمشه وخياطه وخل يعملون يخيطون دروع للجيش واني انطيهم الاجر بهالشكل راح يعملون وياكلون فرحت نور بكلام والدها قبلته وقالت حبيبي الغالي انته اعضم ملك واب قبله وخرج وهو يعرف بنته متجوز ولاتتراجع فتحت المصنع والكل يعمل والملك يسنده بعمله الانساني ونور تنسه نفسه بين العوائل الفقيره حبت تقوم بعمل هوه مو مكانه بس عقله امره تسوي ان تفتح مدرسه الاتكيت والاناقه وعينت نفسه معلمه بدت تجتمع بالبنوتات وتعلمهم كل ما اتعلمته
على العشاء الملك شعاع لابنه الامير ٠جهزت نفسك للصيد باطراف البلد وصل قطيع غزلان راح يكون الامر مغامره من الصبح نطلع الامير بابتسامه اعشق الصيد لاكن ملكنه العزيز منو يكدر يسبقك الوالدته امي افتخري بالملك