#دارت الايام
البارت الثالث عشر
ل وردالعامري
اسراء: خابرو كريم هسه
زينب: اييي وشصار
اسراء: وليش هل لهفه هاي معقوله عدج امل بعد كل هذا
زينب :ماعرف اكول يجوز يغير رئيه و..
اسراء: اي صح غير رئيه هواي يتساوم عل فضيحه يحذرهم تره عدهم بس اليوم وباجر
زينب: شنووو
اسراء: اي مثل مسمعتي امي كالتله لازم نشوفك حته نفهم لموضوع ونتفاهم
زينب: اييي
اسراء :وجعي كلها شويه واخابر عندي شغل
زينب: يمكن من وره ابوه اي هوه كلي ابوه ميريد ايساعده وهوه مضايق كلش يجوز يتندم لان حجه هيج يمكن بعصبيه لاتباوعيلي هيج اسراء مرات لواحد يحجي بتهور
اسراء: ماعرف شكولج بصراحه بس بالفعل حالتج يرثى لها الي بعد كل هذا بعدج عايشه بوهم فارغ
زينب: عافتني وطلعت يمكن صدك عايشه بوهم بس لان محتاجه ل اي امل احس بيه ان هل حب الي حبيته اله مجان بالمقابل خدعه جنت اتمنه ويفصل دماغي دقايق واكول اني احلم هسه اكعد ويطلع كل هذا كابوس
دخلت اسراء كالت خابروه خابروه
طلعت اركض وكفت يم باب الهول اسمع لان جان سبيكر مفتوح حته تسمع امي
ام شيماء :ياريت تتفضل يمنه للبيت حته..
كريم: هههههه قديمه هل سوالف حجيه لااطب بيتكم ولاغيرها لعده شي ويايه يجيني مواجيه
ام. شيماء: ليش خايف من شي شو تكول اني معليه وانتو تردون تبلوني بعد ليش خايف من فوتت بيتنه
كريم: اخاف ع سمعتي هههههه موبعيد ترتكبون عليه لو اتهموني
ام شيماء: حقك مو النذل عباله لناس مثله
كريم: الله يطولج ياروح هسه انتي مخابره شاردين فضيني تره مفارغلكم
ام شيماء: اولا انت تعرف كلش زين هل موضوع بس درته بحجه احنه الي ده انتهمك بيه
كريم: هههههههه اكول غير هل حجي شعدكم تره ضاع نص النهار مبقه شي ويأذن الضهر وانتو بعدكم
واذا تشوفون نفسكم موقادرين كولولي ليش اضيعون وقتي ع قليل اروح لاابوها
ام شيماء: ليش شعبالك هيه سايبه والله ارفع عليك دعوه و.
كريم: شوفي درب لمحاكم تندلوه لو اديلكم عليه والي عنده شي عليه يجي يواجهني بيه انتو معارفين تربون بتكم اني شكو
ام شيماء: احترم نفسك بتنه متربايه احسن منك واكو تحاليل تثبت الي مسويه
كريم: هااا خوش روحو سوو تحليل بس احب انبهج ع شغله اذافاتت فتره ماكو تحليل يثبت وخصوصا اذا كان ماكو اي شي يثبت
ام شيماء: نحلل ونشوف ليش خايف من لتحليل اذا موانت مثل متكول
كريم: ههههههه خايف ههههه لابالعكس بس حبيت انصحج لان لاتنسين مجال اختصاصي هذا وبنفس لوقت لان مااريد اضيع وقتي فااسمعيني زين
روحي حللي بس احب اكولج اذافات اسبوعين او اكثر فاللتحليل هوه ولهوه هاي واحد
اما ثنين فالتحليل يعتمد ع حمض نووي هههههههههه وخلي بنت اختج لمصون تفهمج ع هل سالفه وله اكول انتي فهمج كفايه
