فصليه ليث 💔

تحدي

ساره * رجعت للبيت عادي عندي اصلن مهتميت طبعي هيج طبيعي ولاكئنما صاير شي طبيت للبيت لكيت ماما ومروه سلمت عليهم وطبيت لغرفتي سبحت ونمت

ليث * اول مره أتعرض لهانه ولرفض متت بدمي من العصبيه انتي الي إلا إكسر خشمج اليابس لج اني ماستحي اني ماعندي اخوات بسيطه اراويج المستحه شلونها بسيطه كسرت الغرفه اسمع امي تبجي بر

أم ليث * بجي ولك يمه شبيك راح تموت روحك ع كيفك افتح الباب ليث تخبلت افتح شبيك ولك يمه افتح ماسمع بس التكسر وصباح انتي الي عرفت صاير شي

مريم * رجعت للبيت بعدني بل الباب اسمع امي تبجي وتدك بل الباب ركضت اشوفها تبجي وتصيح يم باب ليث اسمع بس التكسير اني اعلمج بسيطه مو اني الي انرفض متت بدمي ليث اذا عصب يكلب الدنيا لو أمي كدامه ميشوفها عرفت صاير شي شخلصج يساره وكعتي بدين ليث اعرف راح يسوي الي اباله رحت يم امي

ماما تعالي عوفيه براحته تعالي معليج بي الي برأسه يسوي أخذت ماما لغرفه وسولفتلها ع ساره حباب مودبه حتى طريقه كلامها تنحب اسمها ساره

أم ليث* ولج يمه خاف يسوي شي للبنيه حطها برأسه ميعوفها ابد

مريم* هو ميعوفها اني وياج بس شنو الي صار ماعرف خاف كلها ورفصته أو كلها هانته ماعرف بعد

ليث* نهارت اعصابي ورب الكعبه انتي الي بس شلون رفضتيني راح اخليج تتمنين الموت وماحاجيتها بسيطه الج اني ماستحي اني تهينيني اخخ لو احضه بيج بس اصبريلي شويه شوفي شسوي بيج .. اباوع للغرفه حتى الكنتور بكبرها وعرضه خليته طحين للكاع فلشتها

ساره * نمت محسيت إلا وماما تكعدني كومي تغدي نريد نروح للزياره كمت نزلت لكيت بابا وخوتي سلمت عليهم وكعدت

رحنه حضرنه غذاء تغدينه وكملنه لملمت الأماعين غسلتها

أبو ساره * يله حضرو نفسكم

ساره * كولمن راح يحضر نفسه اني رحت أخذت حمام لبست بنطرون سماوي وبدي أسودطويل شال سماوي اني بيضه خليت ميكب خفيف مرطب شفه وعطر حذاء سماوي رياضي وطلعت لكيتهم مكملين

ليث* طلعت من البيت بوجهي وصلت يم باب بيته بقيت انتضر طلع رجال يمكن أبوها وبنيه سافرة وبلوتي خرب اهلج ع جمال بس بسيطه الج ضامها مابقى شي انتضريني

سارة* رحنه اني ومرت اخويه وماما وبابا للإمام علي زرنه وكعدنه شويه رجعنه للبيت ب 6 بابا رجع للشغل رحت لغرفتي سبحت ونمت

ليث* رجعت للبيت اني تفكيري كياني قلبي وعقلي يمها شلون رفضتني أخ ربي لو الزمها طبيت لكيت امي كبالي

أم ليث * ليث شبيك ليش هيج تسوي بنفسك

ليث* يوووومه شبيه اني مابيه شي رايح للغرفه خلي مريم تسويلي جاي