حيرة أم

حيرة أم وألم أطفالها

يمه حامد انت واخوك عمار ونبيل السوك ايعزل من وكت اليوم روحو وشوفو السوك شبيه وجيبولنه ها القاسمه الله حتى اسوي الكم اكل بس يمه احنه جوعانيين وبدون عشه أش أش أش خاف يسمع عجلان ويسوينه مشكله هسه يولي ويطلع وانتم روحو للسوك يم بيببتكم وبلكت أدز الكم ريوك من هذا المفتح يم الجامع  ومن كلع من البيت عجلان وطرنه من الجوع للسوك ورحنه ل بيبيتي وكعدنه يمهه وكالت ها وين ابوكم سكتنه وهيه ايه ايه بيبي عمار اخذ اخوتك وروحو يم باب الجام ابو الكبه كاعد اهناك كلوله العلويه حبوبتي دزتني يلا الله ومن اتكملون تعالو جيبولي علاليك ابن حيوته ايبوكني من ادزة يلا الله حبوبه كومو اكلو ورحنه يم باب الجامع وكعدنه وعمار كله عمو حبوبتي العلويه دزتنه اي عمو العلويه تأمر وكام انطانه ماعون بيه كبايه وبيه بقيه كبه مهثرمه واكلنه بجوع وكملنه اكل ورجعنه ئل حبوبتي وانطته ل عمار افلوس وراح للسوك واجاب علاليك ورجع الباقي الهه اوف اوف ابن حيوته ايبوكني بيبي كل يوم تعالو الصبح  ورحنه عنهه يم باب الجامع الثاني يم كشك صمون حتى ما صارت الساعه 12ونص والسوك بده ايعزل يلا الله عمار نبيل بسرعه تره امي وجيجيان وناسه جوعانات يلالله حامدها عمار اكمش نبيل بيدك لا اتعوفه حامد روح يم باب الجامع يم ابو الكبه خوش امخضر هناك ابسرعه صار صار رايح الم طماطه وخضرة وشلكي الم لكيت طماطه وبصل وكرفس وشجر كطين ومشيت لعمار وتلاكينه بنص السوك يلالله خويه خاف ايشوفنه واحد وننفضح عمار اشلميت بيتنجان  عمار لا اصير خبيث هذا السوك متروس حامد والله تعبان وما بيه حيل يا خويه عمار خويه غير أمنه وأخواتنه بالبيت يلالله عادي جبت خوش لمه ونبيل هم خوش امخضر لم يلالله الحمد لله ايكفينه اليوم وباجر عمار ها حامد نطلع باجر وهم الم من السوك عادي عمري عادي الله كريم ورجعنه للبيت وانطينه الكونيه يمه يمه يوم ها ولكم اي يمه عفيه خواتكم جوعانات تعالو يمه وئاني هم لميت الخبز وغسلته يلالله يمه الله كريم مايظل حمل مطروح وسوتنه جدريه اتخبل وفتحت امي القبق وفاحت الريحه مال المثروده وطلعت البصل امكصصه الخايس منه وامبقيه النظيف منه يلالله بمه يلالله اكف ابو البصل هاي مو اخوتك امهرفل يمه عمار حامد نبيل مو تكلون لخوكم عجلان ترة يكتلني ويكتلكم ترة هذا يمه اخوكم ميخاف من الله وما عندة رحمه لا لا يمه محد يدري يلالله يا يمه كتلنه الحوع عمار يمه والله
تحجين صدك منو حاس بينه عجلان محتار بنفسه وابنج الثاني عايش وي اختج وما يدري شكو ماكو صدك عمار بمه العصر اخذحامد وروحو للشقه ئل اخوكم سلام وكولوله امي تريدك بلكت يجي والله كريم صار يمه صار