فصليتي حلاويه

البارت٢

غرام صارت كعدة عشاير وطلبو فصليه هنا جانت الصدمة انو جانت الفضليه اني
شنو ماما اني فصليه ليش اني شكو شنو ذنبي ماما ماا مستحيل اقبل غلطتهم ليش يورطونه بيها ماما
الأم مو بيدي يايمه شسوي هسه بنيتي حتروح مني يربي افرجها يا ربي
ام عدنان..فدوة يمة اذا ماقبلتي ابني يروح مني وحيدي يمه الله يوفقج تقبلين الله عليج
غرام :خلص ماما راح اوافق مو بيدي بعد😭

غرام:ياربي شنو راح يصير بيه شنو مصيري راح يروح دلال شون حعوف اهلي😭
بعد اسبوع
في منزل  يزن
بعد مرجع اخوي وصار احسن رجعت للبيت اجتي سيارة وبيها بنية ورجال ومرة البنيه جانت مبوشه مشفت شكلها
هه اكيد جكمه مغطية وجها😂
غرام :لميت ملابسي واشتريت كم شغله وحفيت وصبغت شعري لون زيتوني وطلعت اهبل 😂طبعا اني محجبة لبس بوشيه ومخليت مكياج خفيف ورحت ويه عمي وامي

دخلنا شفت رجال جبير ويه ٣ شباب بعمري واكبر دخل عمي وصه عليه الرجال وعرفت انو هذا ابو الي حيصير  رجلي ودعوني ودموعي متخلص كلت الله اعلم شنو حيصير بيه

دخلنه الغرفه كلش حلوة تخبل وهوة اصلا البيت يجنن وبغداد يعني اني جان حلم حياتي اتزوج ابغداد بس بضروف افضل

كعدت واني مبوشه منزعت البووشيه واجه سيد ويا زلم ٢ كبار و ولد شاب بس شنو يمه يجنن فدوة الكلبه الطول والجسم واللحيه والعيون ملونه كعد وعقدلنه السيد بس مبين علي عصبي كلش وميعجبه شي عرفت اسمه يزن

يزن:عقدلنه السيد واني مشفتها بس صوتها نازك كلش كلت بس لاتطلع موحلوة وابتلي  بيها ياالله اني شويه عصبي مبين عليه واني جنت اصلا ضايج منها وماريد هل زواجه  لان عندي حبيبه بعدين تعرفون منوهيه فدخلت هية يم امي واني رحت يم عمامي برا
الام٢:اني ام يزن عمري ٤٦ سنه وسبورتيه عندي ٤ ولد وبنيه وحدة مدلله اسمها ازل عايشين الحمدلله وحالتنه الماديه كلش زينه
دخلت بنيه مبوشه اجتي باست ايدي واني خليت ايدي ع راسها كتلها شنو اسمج يمه كالت اني اسمي غرام كتلها عاشت الاسامي كتلها نزعي البوشيه يمه محد غريب كل احنه اهل فنزعتها ماشاءالله سبحان الخالق عيون كبار عسليه وحلك يخبل وخشم ماكو مسح وبياض الله يحفضها ماشاء الله حبيبتي شنو هل جمال شوفو جنتي عيني
غرام😄😄شكرا خاله
الأم لا حبيبتي منا وهيج اني امج موخالتج وهاي سما اختج وكلهم ذوله خوتج وان شاء الله ماكو مشاكل
غرام ان شاء الله خال اقصد ماما ان شاء الله أكون عند حسن ظنكم وماقصر😊

سما  ،، هلاو اني سما عمري ١٨ توني نجحت من سادس معدلي ٩٨ وبعدني ممقدمه امي كلتلي اوصل مرت اخوي الغرفتها طبعا اني فرحت لان اجتي بنيه بعمري للبيت حتصير عندي اخت واخيرا اخذتها وصعدنه الغرفت يزن هلاو اني سما
غرام، هلاو حبي او اني غرام
سما الله اسمج يخبل
غرام شكرا حبيبتي انتي الاحلى
سما يله حبي هذني غراضج اخذي راحتج هاي غرفتج صارت اذااحتاجيتي شي اتصلي عله غرفتي من هذا جهاز
غرام   ماشي حبي   راحت سما واني فرحت انو طلعو حبابين بس خفت من يزن لان ممبين مثلهم الغرفه تجنن لونها اسود والبردات اسود وابيض نفس مجنت اريد غرفتي كلش حلوة وباردة نزعت ملابسي  وسبحت ولبست دشداشه قصيرة  لون اسود كلش حلوه وفتحت شعري توني دااخلي مكياج ودخل يزن 😣😣😣 اني كلش استحيت لان لابسه قصير وشعري مفتوح طبعا اني شعري طويل كلش ف ضليت صافنه ماعرف شسوي
يزن :صعدت الغرفتي داابدل ملابسي تبللن دخلت والمفاجئة الكمر بغرفتي ياالله شنو هاي معقولة بنيه هاي سبحان الخالق والله كمر والشعر مفتوح يجنن شطوله كلتلها منو انتي اني ادري بيها مرتي يعني منو مثلا😂
غرام ؛؛؛ ان اني غغغ غرررام اسفه ببس سما
كلتلي هنا غرفتي
يزن :عادي ما صار شي هيه هاي غرفتي ومدام انتي هنا هم غرفتج ممكن ادخل ابدل
غرام اي هسه حطلع اخذ راحتك
يزن ها وين شعدنه وين طالعه مواخواني ولد عمي بل بيت طلعيلهم هيج
غرام هاها مو انته تريد تبدل
يزن عادي ابدل بل حمام يله حته ننزل نسلم على عماتي وخالاتي
غرام ماشي اتفضل
هوة دخل يسبح ويبدل واني ختلت ورة الكنتور ابدل لبست فستان تركي وردي وشال نيلي لفيته لفه تركيه وشحاطة نيلي تكرمون وطلع يزن لابس نيلي و وردي😂شوف صدفه طالع يجنن يومة فدوة 
يزن :طلعت من الحمام  جنت لابس قميص وردي وبنطرون نيلي وصدفه جانت غرام  لابسه نفس اللبس  بس طالعه حلوة تجنن نزلنه سويه و امي فرحانه كلش بينه وكامت تغمزلي عود لان لابسين نفس الشي😂

غرام :سلمنه عليهم كلهم  وفرحانين كلش اتعرفت ع اخوانه كلش حبابين علي الصغير وامير وسيف التوم اصغر من يزن ب سنه وكلش عائله سبورتيه وفكاهيين 

ورة نص ساعه اندكت الباب وفتح امير الباب  ودخلت بنيه ومره جبيرة البنيه موراحه مبينه وتباوع صفح دخلت سلمت عليهم ومسلمت عليه وكالت وينه يزن

جانت الصدمه انو هيه .....،

توقعاتكم البارت ٣ ومنو هاي البنيه  و شنو حيصير