🎀غّلَطٌـتُي لَن تُغّتُفُر🎀
بّآرتُ آلَثًآلَثً
#_بقلمي_فاطميه_زينبيه
(فاطمه)
#بيج_قصص_ليل_وعشگ
🌱🌱🌱🌱🌱
بعد مرور يومان
يوم الجمعه6 السادسه مسائا
رحيق🌹
مر يومين على اخر مكالمه بيناتنه
فوني تكسر تكسر بس بعده يشتغل
رجلي شوي تحسنت بس توجعني ومستمره على علاج
جنت كاعده بالمطبخ والفون بيدي وايد الثانيه خالتهه على خدي
امي_اكلج ريم اختج شلون بيهه حته من تمرضت كامشه الفون بيدهه
عوفي يا ماما
ريم_ماما والله كتلهه عوفي مترضه لازمته وحته من تنام تخلي جوه مخدتهه
امي_اكلج ولج رحيق اني وضعج معاجبني دومج صافنه وعينج على الفون خيرج ولج
رحيق_هاا.. لا ماكو شي هيج بس تعبانه
كمت وكفت اخذت الفون وامشي على رجل وحده الثانيه رافعتهه
صعدت على الدرج خليت رجلي على الدرج ردت اطيح من فوك ليجوه بس كضتني مرت اخوي
زهراء_هسه يا عيني شعندج صاعده كعدي جوه همزين مطحتي
رحيق_اخذتني لغرفتي كعدت على الجربايه واكل باضافري
اليوم لازم اروح باليل الساعه ب11
شلون راح اطلع واصلا شلون راح اندل وين صاير مكانه
وخايفه يصيرلي شي واروح بيهه
اتصلت بيه ودخلت للحمام
رحيق_اسمعني اني راح اجيك اليوم باليل ب11 بس مااندل المكان وين صاير بالضبط
سمير_انتضري خل انطيج العنوان سجلي يمج ............
رحيق_اووك
سديته وطلعت من الحمام
لازم اخذ الصور منه اووف
اختي اجت دكت الباب ودخلت
ريم_رحيق تعاي ناكل اني وياج هنا
كعدت يمي خلت الصينيه وبدينه ناكل
ريم_اكلج رحيق امي تكول شمالج هل ايام اشو كلش صايره حته ماتحجين
رحيق_مابيه شي سلامتج
ريم_😒مم(صدكتج)
رحيق_ريم اذا جايه تردين تعرفين شمالني ف اكلج ماابيه شي ليش ماتفتهمون هاااا (نترت بيهه)
ريم_على كيفج شكلنه لا يجي اخوج يصعد
رحيق_😒هفف
شربت الحليب وكمت من يمهه ادري بيهه تريد تعرف شمالني
