Par3
وهنا قرر ابويه يزوجني حت بعد ماعرف اني بريئه...
بس خاف لتصير مصيبه ثانيه وياي
والكل وافقه
وحت امي الي جنت ابجي وأتوسل الها متنطيني انطتني واني بنتها الوحيده
مرات انقهر لان معدي اخت بس اكول حمد الله ماريدها تتعذب مثلي هي بس وحده اني وشلون عايشه بقذره الالهيه
جنت دائما احلم بعائله يسودها الاحترام والهدوء والحنيه...
ولكن تسري السفن بما لا تشتهي الرياح...
حضروا كل شي وكأن عال عليهم يردون بس يخلصون مني
اصلا ليش استغرب؟
ابويه مباوع بوجهي يريد يخلص من عاري
واخواتي يركضون بعرسي وحضروا كل شي
الي خطبني من اصدقاء ابويه
رجال عمره ٣٠سنه واني عمري ١٥سنه بس
حت ماعرف اَي شي عن زواج
لا عدي ام مثل البنات تكعد تفهمني لو تعلمني لو تنصح ماكو هذاا شي ملتهيه ٢٤ساعه بس خطار وشيوخ وديوان
أخذتني خالتي للصالون قبل يوم الحنه حفت لي ورتبتني واني بدون نقاش جنت اسوي الي تريده
وحت بدون متوكع لي دمعه يمكن مات كلبي ماتت مشاعري ماتت احاسيسي...💔
رجعت واشوف البيت كله مكلوب خطار عماتي وخالاتي والكل موجود. حت يبارك لي صعدت فوك للغرفه
نزعت عباتي
ومددتت ع جربايه
تذكرت كل شي سيى وياي
اريد بس ابجي حت ارتاح بس ماكو دموعي خلصن...
وحت مناضري بعد متكسرن مسويتهن من جديد ...
ضليت ع كعدتي لحد منمت
كعدت وكت مغرب
لزمت السجاده وخليتها
كعدت اصلي خلصت بديت اقر قران ووصلت
قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ (53)...
حمد الله وشكر يارب
لعله خير يمكن الله يحبني
يمكن احسن لي من ان ابقي هنا
يمكن اكو بنات اسوء من حالتي
كمت بدلت ملابسي ونزلت جوه كعدت ويه بنات خالتي وهنا بس يبسمرن...
ع ابو هنيالها عريسها ضابط جبير واله رتبته...
ميدرون اني اصلا من عرفت من عدهم هو رجلي لان كل ترتيبات عرسي صارت بااسبوع واحد فقط
ضليت لليل كاعدين وهنا سوالف وضحك واني كاضيتها بس أجامل بيهن...
صارت ب٨تعشوا ...
اني كملت واستأذنت حت انام وراي كعدي
خالتي ام محمد...خاله تعالي اريدج
احتباس ...حاضر خاله
ام محمد...خاله انتي صح زغيره بس كلنا من زوجنا ازغار لضوجين هذاا قدرج خليج كد مسوليه واحترمي رجلج وبيتج ولتصرفين بشي بدون علم رجلج وشيطلب منج سوي وتذكري الرجال اهم شي عده كرشه...
احتباس...اسمعها واني ساكته بدون اعتراض كتلها تأمرين خاله وعفتها ورحت نمت
كمل اليوم بتعب
واني احاول أتأقلم
.........
كعدت الصبح ب٧صبح
وكبّل للصالون
ضلت تشتغل بيه
لحد مهلكت شكد أكرهه المكياج
باوعت ع روحي
طالع شكلي فد شي مو طبيعي
حت ام صالون كالت احلى عروس سويتها بحياتي
ماعرف شويه شكلي غير من نفسيتي وصرت اضحك
اكيد مو من كلبي
بس اهون ع نفسي
دخلت لبيت حنه وديجي وصوت عالي
والبنات يركصون
اني اضحك عليهم
صدك لو كالوا
العرسان ثنين والمجانين الفين😂😂
كملت الحنه واني صرت طحين من تعب
وكل شويه واحد جاي مبارك لي ...
رحت ذبيت نفسي ع جربايه من نعس مفكرت باي شي
وثاني يوم ركض بركض
لحد مااجتي الزفه
طب واحد طويل كشخه كلش والكل يبارك له ويهووسون له...
كعد يمي وباوع لي وصلى ع رسول
اني ابتسمت تلقائيا
طلع وأخذني وياه
بس شكله حلو وكريزما
يعني صح جبير بعمر
بس ممبين عليه كلت ييالله
بلكي ولعله يطلع خوش ادامي...
ومو متخلف
وطلعت الزفه
والطلقات ترست المنطقه
.....................
ارائكم......
ماكو تفاعل حتوقف عن تنزيل القصه
أنت تقرأ
حــېْــٱہ مــعتمه
General Fictionقصه.حقيقه...حدثت في ثمانينات القرن الماضي...تتحدث عن ضلم الاهل تحت منطوق عادات وتقاليد*ومن ثم.........
