وهيا قاعدة تتكلم حست بأيد انحطت فوقها وتتلفت وتصكها عيييطة
قصي : تى صكككككري فممممك بتفضحى بينا
شهد : بعددد من علياااا شن تبي فياااا وانت ناطلى في كل مكااان
قصي : احترررمى نفسسسك خييرلك
شهد : منبييش نحتررم وبعديين انت كيف تجى لقداام حووش نااس براانية افرض انهم مش لابسين
قصي : من البرانى !!ياحلللوة هدا حوووشنا
شهد انصدمت : قصدك انت خو نسرييين !!؟؟
قصي : ايييه
شهد : كييف ماعمريش شفتك !! والا لحظظة لحظظة انت قصي اللى كنت مسافر والعزومة على خاطرك
قصي بغرور : اييييوه اهو تعرفينى لاكن منحسابش رووحى مشهور للهدرجة
شهد شبحتله من فوق للوطة : ياااااي على اسااس يعنى
قصي عض شاربه : تبي كففف على وجهك انتى
شهد فنصت فييه : جررررب مدهااا ايييدك مش نكسرهااالك بعدهااااا من تحساااب رووحك يابابا
قصي : خشي لدااخل خيييرلك انتى النقاااش معااك عقيييم
شهد : خااااشة من غيير ما تقوول تحسابنى ميته على هالخليييڨة
وخشت تجري لان قصي واااضح عليييه ان تعصببب وعيوووونه كااانو حمررر فشهد خاااافت وخشت طووول
نسرين : خيييرك تجري يابنت من يجري ورااااك
شهد داهشة : وووووه ياماما عيوونه يخوفو
نسرين : تى من هوااا اللى عيووونه يخوفو
شهد : دراااه الكبد خوووك
نسرين : منوو قصي !!؟؟
شهد : اييه تى هدا شنووو ناااار خوووك
نسرين : نهاااارك يابنت شن درتيله راهو قصي واااااااااعر هلبااااااا
شهد : حكتلها شن صاار
نسرين : تى ربي يحببببك انتى تى تعررفي كان انى راااهو من اول كلمة عطاااانى كففف جابنى في حجر اممى
شهد : يملللح حستينى خفت منه
نسرين : من غير دوة تعالى انمدولهم قعاد لغدى
عند قصي
من اول ماهزبااته شهد وهوا يغغغلى ويسحححن ويتوعددد وحطهاااا في راااااسه وياااااوييييل اللى قصي يحطه في راااسه ( ناااار ياحبيبي نااار 😂😂 )
لين سمع نسرين تنادى عليه
قصي : نعمم
نسرين : هياا ضبح على لولاد ياخدو لغدى
قصي : بااهى و تحرركى البسي عبااية نشوفكك طااالعة هكىىى نقتللللللك
نسرين : تى لابسة بلوووزة طويييلة وسروااال واااااسع
قصى فنص فييها : شن قللللت انى !!
نسرين خافت منه : باااه حاااضر
وخشت تجري لبسة عباية ( الخووف باهي😂)
ونادت على شهد وشدى يرفعو معاها القعاد
قصي اول ما شاف شهد ناااااار وركبت فييه على خاااطر لبستهاااا
قصي : تعااالى تعاااالى
شهد : تكلم فيااا انى !!
قصي : لا لا انكلم في الجنوون اللى وراااك
شهد بأستفزاز : اها نحسابك تكلمم فيااا
قصي : الصبررر ياااربي الصبرررر ياربي متخلينييش انديير حاااجة نندم عليييها
شهد خافت منه : نعم
قصي : امشي البسي عباااية ويين طالعة هكى بيين لولاد
شهد : وانت شن دخلللللك اصلااااا شن قااري فياااا فااااتحة والا من باااقيت اهلك انى 😣
قصي قرب منهااا وعيووونه ناااااار
شهد خافت وقعدت توخرر لين خشت في المخزن وقصي خش وسكر الباب وراه
شهد رعششششت : حوووول افتح البااااب ياماااماااا
قصي قرب منهااا : عيطى لغضوة الصبح مفييش حد حيسمعك
شهد بترجى : والنبي حووول وخلينى نطلع حرررام عليييك شن تبي فيااااا
قصي : ويييين مشي لسااانك توااا ااااه
شهد : خلاااااص اسسسفه وعد معش انجى جييهتك ولا عااااد نحررقلك دمممك
قصي : شن الفاااايدة بعد ما رفيييتيييلي ضغطى
شهد : انى اسسسفة واللى تبيييه اندييره
قصي : اللى نبييه اللى نبييه !؟
شهد : ايييه وعدد
قصي : تمااام تخشي لداااخل ومعش نبي نشبح وجههك برااا ولو لقييتك طالعة براااا يا وييييلك منى فااااااهمة
شهد : اوووووف بااااه
قصي قرب منها اكتر وفنص فييها : شنى والا لسااانك
شهد : لالا خلاص اهو سكتت غر خليينى نطلللع ومتجييش جيهتى
قصي حول من عليها ووسعلها الطريق : حنخلييك تطلعى لاكن اهووو حدرتتتك نلقاااك طاااالعة رجلييييك نكسسسرهم
شهد وهياااا بتتطربق : باااااهى قدااااش مرة تعاااود فيها حفظتهاااا خلااااص
قصي عض شااربه : انتلفي
طلعت شهد تجري وهيا راااعشة
وخشت للحوووش معش طلعت وقعدت تعول معاعهم وغسلت معاهم الماعين وقعدت تعول لليل لاكن شدى وسميرة روحو
شهد : هي بااااي نسرووونة بنروح خلاص ليييل وانشاء الله نعولك في عرسسك
نسرين : صحيتى شهودتى وسامحينى على تعببك
شهد : لا تعب لا شئ هيا بااااي
نسرين : تعالى جااى وين ماشية مروحة بروووحك استنى نكلم قصي يروح بيك
شهد رعشت لما سمعت اسم قصي : لالا شن بعده الحووش خلى الولد يرتااح كيف مروح من السفر
نسرين معدلتش عليها ومشت تنادى على قصي ( طبعا نسرين راس بنت وقصي راس ولد وعييلتهم فوووق الرييح لاكن مع هدا متواضعين وعمرهم ماتعاملو بالفلوس )
مشت نسرين لقصي وقالها باهى قوليلها تطلع
شهد : وااااااك يا نسرين قتلك مش لاااازم
نسرين : بري ملحى شن انخلييك تروحى برووحك في الليل والشارع معبي مردف وبعدين حسستينى ان هوا بروح بيك بالسيارة تى هوا بيوصلك على رجلييه
شهد : اووف باهى باااي
طلعت شهد ولقاته واقف ومتكى عالباب
قصي قام حاجبه : بتروحى هكى قصددك !!
شهد : ايييه شن تشبح فيا طالعة عريااانة !!؟؟
قصي عض شاربه : مفييش فااايدة منك انتى لسااانك زي ماهوا مكأنيييش مهددك شكلك تبينى اندييرلك حاجة تستأدبي بييها
شهد ادكرت المخزن طووول خااافت : لا خلاااص اسسفه لاكن انى هكى جييت من حوشنا
قصي : بري خودى عباية من نسرين
شهد : والله حلوة حتى هااادى شن دخلك بيااا
اعتقنى خليييينى في حااااالى يا أخى
قصي قرب منها : انتى شكلك تبينى نعاود المشهد واقوا من قبل
شهد : لا خلااص اهو بنمشي انجيب عباية
خشت شهد خدت عباية من نسرين وطلعت ووصلها قصي لحوشهم ووقف قدام الباب بيكلمها وشهد سكررت البااااب في وجهه بقوة قوتهااا
قصي عصببب ( هالحمااااارة هادى يا وييييلها منى لاكن رغم طوولة لسانها لاكن تهببل الفرخة )
اما شهد خشت وهيا رااايقة حست ان هيا خدت بتااارها ( يستااهل شن يحسااااب رووووحه هااداا لاكن طررررف مش عاادى لولا غروره ووعااارته بس )
ورقدت شهد وناضت تانى يوم بدلت وطلعت بتخطم على نسرين ومشتلها لقتها مقعمزة في السيارة طقطقت عليها
شهد : صبااااحوو
نسرين : صبااااح النووور
شهد : من بيرفعك ؟؟؟
نسىرين : قصي قالى معش في مشي ومرواح على رجليك انى نرفعك ونجيبك
شهد : وووووه منه خووك هدا ما حرفه قصدى جاااي من برااا مفرووض يكوون متفتح مش راسه مسكر زي لحمار
وفجأة تسمع صووت وراها
الشخص : .......
شهد قريييييب مااتت
يتبع .......
