وفاء " طبعا اول ماخشينا كاان المنظر خياااال يجنننن😍👌 قعمزنا ع طاوله اني والبنات وعمتي وشوي تاني دخلوهم طبعا كانو عروستين طالعات طروووف والفرخه نسرين مابطلتش تقريم ..المهم طبعا عمتي عندها معارف هلبا ف خلتنا ومشت وقعدت اني سندس ونسرين "
سندس : وينها مرت محمد.
وفاء: يلي ع اليمين.
نسرين : حليوه وهاديه مرته اما التانيه تنط زي الجربوعه.
سندس : ههههههه😂😂 خزي
وفاء : سادك تقريم ماعييتيش
نسرين : ههههه😂
"وطبعا ولعو أغاني في يلي ناض ورقص وفي يلي صفق كلا نسرين اول ماولعو نطت قعدت تصفق معاهم ....وبعد تقريبا ساعتين دخلو عروس وخلو مرت محمد حطو ع أسماء الله الحسنى وخش محمد وملامح الفرح مرسومه ع وجه😀 "
نسرين : ههههه😂 غير شوفو كيف متحشم.
"خش محمد حول الطرحه وباسها ع راسها وقصوا التورته ووكلو بعضهم وهكي "
سندس : طلع صاحب خوي طرييف😂.
وفاء : هاده يلي هامك انت.
وفاء " تمنيت بس لو حتى اني تزوجت عن حب يعني حد نحبه ومتعرفه علي أحسن بهلبا من زواج جبروني عليه واحد بارد وعصبي ...المهم خداها محمد وطلع وبعدها دخلو العروس التانيه وخش شاب حلووو بالمره😘😙 البنات قريب كلو بس حسيته مش عاجبه شي اتقول ضاربينه قبل مايخش المهم وامشي وحوللها الطرحه"
نسرين "مصدومه وقريب تبكي": هوااا😱
سندس : من !؟
نسرين " حكيت اعيوني بقوه وشفت بس هواا فعلا قلبي طااح💔 انصددمت كيف هكي دموعي نزلو ..ستين سؤال في بالي كيف هكي يدير فيااا وعلاااش اصلا ...لا نسرين اكيد غالطه مش هوا ..لا هوا شبحت العروس الابتسامه في وجها وفرحانه ..قعدت توكل فيه بيدها حسيت بحرقه في قلبي😢 ..نسرين هدي مادريش في روحك هكي... قعدت نشبح ومحرووقه من داخل ودموعي ع خدي ومش قادره ندير شي حطيت يدي ع وجهي مانبي نشبح شي وقعدت نبكي بعبره وصوت الاغنيه مغطي عليا ...ولما رفعت وجهي كانو بيطلعو هوا شادها من يدها ...علااااش دير هكييي ع علاااش 😭😭لعبت بمشاعري وخليتني.. كي كيف بس وهوا كيف بيطلع جت عينه في عيني حسيت بنخصه في قلبي وقتها "
رواد " اووووه هاده يلي كنت خايف منه ..شفت عيونها حمممر وتبكي وتشبح فيا بنظره ماعتقدتكش هكي خاين ...بس وقتها مش عارف شدير وقفت في مكاني .. بنت عمي "العروسه" قعدت تشبح فيا ومستغربه نسرين حولت عيونها وحطت يدها ع وجهها "
هديل "بهمس": روااد خيرك الناس تشبح.😞
رواد " بس وقتها كنت خاطري نمشيلها ونحضنها دموعها نقطة ضعفي مقدرتش نمشي ونخليها ع الحاله هادي ..تمنيت بس لو هيا تكوون من نصيبي بس هاده يلي كاتبه ربي مش بايدي شي ..حسبي الله فيك يابوي حددلي مصيري واني غافل مانعلم بشي... كملت طريقي وعيوني ع نسرين يلي كانت تشبح فيا وتبكي بعبره"
وفاء : نكلم فيك اني .
نسرين "مسحت دموعها وتكلمت بصوت مبحوح ": بنات خلاص نوضوا نبي نروح معاش نقدر."وخدت فونها وشنطتها وناضت وهي قريب تموت من الوجع"
سندس : غير اصبري ماما وين.
وفاء "استغربت من نسرين الصراحه وجهها رايح احممر وتبكي ": به امشي سندس مع نسرين وكلمي واحد من خوتك واني تو اندور عمتي.
سندس : خلاص تمام .
وفاء " لقيت عمتي لاهيه في الهدرزه "
مراه: مشالله تبارك الرحمن جمااال 😍...هادي نسرين صح كبرت.
وفاء"شن تخرط هادي"😒
سالمه :لالا هادي مرت نضال وليدي الكبير .
مراه : اها...ايه يستاهل نضال جماال زي هاده .
وفاء "ببتسامه صفره": شكرا.😆
"ومشينا لبسنا عبايتنا ولو اني خاطري نقعد الجو حلو لكن مشي الحال ...طلعنا لقينا نضال جنب السياره واقف يتكلم مع شخص وجنبه خالد ومراد وولاد شايفتهم قبل ممكن يكونو ولاد عمه ولما شافنا طالعين سلم عليه وركب السياره ركبت عمتي القدام واني والبنات اللوراه طول الطريق نسرين متلفته لجيهة الروشن وتبكي وكل مانسألها تقولي شي حيرتني الصراحه وصلنا نزلنا ونضال امشي اما عمتي غير احوايجها ومشت لحناهم"
- - - - - - - - -
مراد : بتقولي ولا نسكر.
أنغام : مراد علاش هكي انت.
مراد : اوووف يلي بيناتنا انتهي انغاااام أفهميي.
أنغام : علاااش.
مراد : أنغااام قولي يلي بتقولي الزح مش فاضيلك.
أنغام : مرااد حرام عليك.
مراد : سلام"وسكر"
أنغام: تفوووو سكر عليا الكلب.
بشرى : احمااره ماتعرفيش تتصرفي.
أنغام : تعرفي اتصلت بخوه نضال
بشرى : ايه شن صار.
أنغام : مش عارفه سمعت صوت صراخ وتهزيب شكيت تكون مرته ...غير انشالله مش متزوج نبيه اني.
بشرى : ياغبيه حاولي تعرفي معلومات عليه باش تقدري تصيدي.
أنغام : ااااه حبيته تعرفي طرررف ...منحاول نعرف عليه
بشرى : ومراد انسيه اني مناخده هههه
أنغام : مراد حبيته في البدايه...بس بسبب اهماله ليا ومعاش يعدل علياا كرهته ..بس تو يشوف الوسخ......."وسكتت شوي وقالت" ..به كيف نوصل لي خوه .
بشرى : اتصلي بيه مره تانيه.
أنغام : ايه أكيد...بس انت مافهمتيش قصدي..يعني نبي نعرف عليه.
بشرى : انيي نقوولك.
- - - -- -
"في الدار ...نسرين حكت لي وفاء كل شي وهي تبكي😭 ومش مصدقه حاسه روحها في حلم"
وفاء "حضنتها": خلااص نوسه والله ماتستاهلي واحد زي هاده
وفاء " وجعتني نسرين والله ماتستاهل قعدت
جنبها لوين مارقدت نضت واني مضايقه بفستاني نبي نروح بس نضال ماجاش فاضطريت نمشي بروحي وخلاص جبدت عبايتي ولبستها وخديت شنطتي و نزلت لوطه لقيت سندس تحضر "
سندس: مروحه وفاء.
وفاء : ايه..اضايقت بالفستان مش قادره انتحرك بيه.
سندس : اها غريبه نسرين مش معاك .
وفاء : خليتها فوق راقده....هي تصبحي ع خير.
سندس : وانت من أهل الخير.
وفاء"طلعت سمعت صوت في المربوعه لقيت مراد وخالد قبالتي جايه بنخش بس سمعت صوت حد تالت كملت طريقي وفتحت باب السور لقيت نضال نازل من السياره وجاي جيهتي "
نضال : وين ماشيه.
وفاء : وين يعني منروح.😒
نضال : به هي راجي شوي.
وفاء "وامشي للمربوعه قعد شوي وطلع ركبنا السياره وبما ان الحوش قريب ف وصلنا بسرعه نضال نزل وفتح الباب وخش واني طلعت بالسيف من السياره خشيت حولت عبايتي ووشاحي واني ماشيه لداري نضال طلع من داره "
"نضال قعد واقف سارح فيها ووفاء تشبح فيه باستغراب اتراجي فيه يقول كلمه بس نضال فطن علي روحها وامشي كمل طريقيه للمطبخ اما اني خشيت للدار قعمزت على السرير نفكر في البنت يلي اتصلت ونضال الخاين غيرت احوايجي وحولت تسريحتي بالسيف حولت المكياج ولبست بيجامه ورفعت شعري فوق وامشيت المطبخ درت حاجه لنضال باش ياكلها وحطيتها ع الطاوله واني درت سندويتشه ومعها عصير وقعمزت نحضر لوين ماخداني النوم .."
"بعد مرور تلات أيام بدت القرايه ونسرين في حاله لا تاكل ولا شي كله بكي وكل يوم وفاء بعد مايمشي نضال للشركه تمشيلها وتهديها وجودي تخطط لي ميه خطه😈 ..وأنغام قاعده تتصل بنضال وبس وعرفت كيف توصله وعرفت ان هوا متزوج انصدمت بيه ... طبعا نسرين وحنين يقروا اما وفاء"
في دار نضال:
وفاء : به علاااش.
نضال : .....
وفاء : هيييي نكللم فييك.
نضال"امقعمز ع سريره وشاد لابتوب": قلت لاااا افهمي ...وبلاش نقاش لاني مستحيل نوافق😡
وفاء"واقفه " : وبه كان مشيت .
نضال : جربي بس تمشي.
وفاء"تحاول تقنعه" : تي علااش هيا نحضر محاضره ونروح.
نضال : مش فاضي نبدا نرفع فيك ونروح بيك.
وفاء : مافيش مشكله نمشي امعا نسرين في طريقها.
نضال "متعفلق وبصوت عالي قال": وفاء قلت لاااا ماتفهميش.😠
وفاء : منكمللل قرايتي ومنمشيي غدوا وتو تشوووف."وطلعت وهي تمتم"
نضال"بصوت عالي": انت جربييي وشوفي شن يصييير فيك
"اما وفاء مشت لدارها وسكرت الباب بقوه وقعمزت ع سرير رايقيلها"
وفاء " علاش هكي به نبي نكمل قرايتي اني اووف ياربي صبرني ع البااارد هاده بسس"
وفاء " طلعت شيرن فون الارضي متاع الحوش فتحت عليه"
وفاء : الوو.
المجهول : اهلين.
وفاء : ...
المجهول : شن جوك حبي.😍😙
وفاء "خافت سكرت عليه طوول وهي ترعش😨 ومشت وهي تفكر في ستين حاجه لبست بيجامه ورديه ورفعت شعرها كعكه و ضمت حوستها وكوت احوايج نضال ودارت ع الحوش بسرعه وهي تمسح لمحت نضال طالع من داره ومفتلك روحها قالت أكيد طالع للشركه شبح فيها وطلع اما هيا كملت كل شي ومشت لبست عبايتها وطلعت"
- - - - - -
نسرين "خاشه"
سالمه "طالعه من المطبخ": روحتيي ..شن جو الجامعه.
نسرين "تحول في سبيدرويها": تمام.
سالمه : باش تروحي باختك.
نسرين : به
سالمه : نسرين قوليلي خيرك الايامات هدينا متغيره مش علي بعضك بكل.
نسرين : لاشي ماما مافي شي. "ومشت ركبت فوق قعمزت ع السرير خدت فونها وقعدت تمسح في الرسائل يلي بيناتهم وتبكي بعبره😭 لوين ماوصلت في آخر رساله كان مكتوب عليها " نحبك يااهبله" مسحتها و رمت فونها وارتمت ع السرير تبكي لوين ماخداها النوم"
سالمه: نسرين ..نسرين.. نووضي يااتنباله.
نسرين : هااا باه شوي بس.
سالمه : تيي نووضي اختك نحرقت من الشمس.
وفاء "خاشه تحول في وشاحها": خيرها راقده هادي مامشتش للجامعه امالا.
نسرين : اطلعووو بالله علييكم تااعبه.
سالمة :يااالطييف.. غير جيبي اختك وردي أرقدي خوتك مهنااش.
نسرين"بصوت مبحوح" : به به.
سالمة : بسررعه "وطلعت"
وفاء " قعمزت جنبها ": نسرين خلااص انسيه قلناا.
نسرين "شبحت فيها وعينها يدمعو": مانقدرش وفااء وربي ماانقدر😢.
وفاء : حااولي ع قد ماتقدري ..المهم مادريش في روحك هكي لا يكال ولا شراب .
نسرين "قعمزت مسحت دموعها وسسكتت شوي وقالت": خطرها وينك اليوم في الجامعه حنين تسأل عليك.
وفاء "تنهدت":....
نسرين : نضال صح.
- - - - - - - -
في السياره:
مراد : سووق بالشويه ياابهييم بتودرني معاك ولا شنو.
أيوب: هادي عندك بسرعه
مراد: وين ماشي.
أيوب : منشوف حناي شويه ومنمشو مشوار مع الشباب.
مراد : تمام امالا نشوف الحاجة قبل
- - - -- - - -
في السياره:
سندس : كلبه ماااه😾👊
نسرين : سندس اركبي واسكتي راسي اني.
سندس "ركبت ": به علااش تأخير.
نسرين : ....
سندس : نسرررين.
نسرين : سندس خلاااص اسكتي مش طاايقاتك بكل .
سندس " خيرها هادي شن فيها😞 قعدنا ساكتين ونسرين ساارحه في عالم تاني وكنا خلااص قريب خبطنا في سيااره "
سندس : هيييييي ركزييي وين ماااشي عقلك قريب خبطنا ف سيااره يااكلببه.
نسرين " نسوق وسارحه نفكر في الخااين رواد علاش لعب بمشاعري وخلاني💔..لييش يدير فيا هكي.. تذكرت آخر مره تلاقينا تذكرت لما حضني وقالي انت ليا وبس نزلوو دموعي مش قاادره 😿😿نتحمل خلااص تذكرت كل لحظه حلوه امعاه مش قادره نحوله من راسي نحببه اني قاااعده نحببه علاااش هكي ياربي علاش يخونييي "
سندس : نوسه خييرك.
نسرين "مسحت دموعها ": شي انزلي بس.
سندس " غرييبه الحق نزلت وخليتها"
نسرين " حطيت راسي ع دومان سياره ونبكي وقلبي محررووق نزلت خشيت لقيت ماما ووفاء يهدرزوا في الصاله ركبت فوق ورقدت بعد بكيي طوييل "
- - - - - - - -
في حوش عمهم علي
"ابتسمت وهي تهدي في بنتها يلي دمعتها ماوقفتش" سليمه : لا يابنيتي مضايقيش روحك ان شاءلله تحملي ماتستعجليش عاد.
منال : شن مزال ياماما ليا فتره طويله متزوجه اني خايف مانحملش خايفه نكون عقيم يامااما.
امها: بسم الله عليك ماتفاوليش علي روحك انت قاعده صغيره وشن فيها كان تأخر حملك شويه.
منال : لكن خايفه ياماما راجلي مايصبرش يحب الصغار.
امها : انت مش واتقه انه راجلك يحبك وقلتي ان مافتحش الموضوع امعاك.
منال : ايه لكن والله كان تشوفي كيف يلعب في اصغار خوه ومايخلي مايشريلهم.
امها : خلاص مناال معاش اضايقي روحك مدام مافتحش معاك الموضوع ...احمدي ربك فيه يلي راحت عزوز وماجابتش بكل.
منال " الباين ان ارتاحت من كلام امها": باهي ماما ادعيلي بالله عليك
امها : الله يرزقك بالذريه الصالحه يابنيتي ويبلغلك بحملك عاجلااا غير اجل
منال : آميييين
بثينه " خاشه ": جيعاانه.
امها : زودي كولي"ومدتلها القهوة"
بثينه "شبحت في الصونيه": مافيش حاجه حلوه امعاها
امها : بري المطبخ حطي وكتري.
بثينه":والله مافياا جهد نمشي للمطبخ.
امها : الله عالكسل لله.
رضى "خش خدي القهوه وقعمز": تي وين الناس تحط حاجه حلوه مع القهوه.
امه : بري بثينه جيبي ليك ولي خوك.
بثينه : والله ماخاطري
رضى : تي نووضي تنباله .
بثينه : كان تبي امشي بروحك عندك رجلين وعارف المطبخ وين.
رضى : ايااااه مافيك توا نضتي وجبتي أحسن من هاللسان يلي مدارتيه يامشفشفه
بثينه : مالقيتها لعمرك يافالح دور في المشاكل تدوار.
رضى : به خلاص انطمري
بثينه "مشتله شبحه ع جنب وسكتت"
رضى : ايه صح منوول شدير جايه عندنا.
"منال شكلها سارحه وماردتش عليه"
رضى "ارمي عليها الوساده" : مااتردييش لين نعليي صوتي شورا😂
منال : ااااه رااسي يا حماااار
رضى : حي ع الالفاظ رااك متزوجه وشوي تاني تبدي بصغارك وتتكلمي هكي .
"منال حستها في وسط كبدها كلمه بصغارك ونزلت راسها..امها شافتها حست بيها ووجعتها"
"اما رضى قالها بنيه صافيه مافهمش خيرها تغير جوها فجأه.
رضى : منووله امبصر عليك را وهاده حوشك امتى ماتبي تعالينا.
بثينه : لا تستنى فيك تقولها.
منال : هههه باهي خلااص انت ويااه.
- - -- - - -
الساعه 7:00م
"اما عند نسرين ناضت من نومها شافت روحها في المرايه وجهها راايح حاله أصففر وعيونها منفوخات من بكي وحممر نزلت مالقت حد في الحوش طلعت للجنان حتى هوا مافي حد "
نسرين : الوو مااما وينك.
سالمه : تعالي قاعدين احدا حناك.
نسرين : تي باهي تو معقوله تخلوني راقده وتمشوا
سالمه : شن تبيني نديرلك كان ماتبيش تنوضي دبريي تو شن بيرقدك الليله.
نسرين : به شوي وجايه.
نسرين " سكرت ع ماما ومشيت لبست وطلعت وصلت غادي فتحت لقيتهم في الصاله سلمت ع حنينه وبست ع راسها وامشيت المطبخ لقيت وفاء وسندس قعمزت جنبهم شوي ومشيت معاهم في الصاله شوي وخش أيوب وامعاه مراد وأول ماشفت أيوب نضت طوول مش ناقصه اني يااسر فيا همي وخشيت المطبخ نحس في راسي صداااع يقتل من الوجع قعمزت ع كرسي وراسي ليين خلااص "
"اما أيوب عرفها علاش ناضت خلاهم لاهين بالهدرزه وامشي وراها للمطبخ خش لقاها منزله راسها وحاطه يدها ع راسها وتتوجع وشبح خاتم في يدها قرب لقيه منقوش عليه حرف الآر"
نسرين "حسيت بحد جنبي رفعت راسي لقيت الساامط بحداي "
نسرين : هاااا نعم انشالله خيير علاش لاحقني لاهني.
أيوب : انت إلي خيرك نضتي التمتمي مش عاجباتك جيتي ولا شني"وجبد الخاتم من يدها"
نسرين "انصدمت من وقاحته ووقفت": أيوووب جيب أحسن ماا
أيوب : أحسن ما شنو ...شن مني حرف الآر ولا خيرني نسأل اني ..أكيد حبيب القلب يلي واخد عقلك
نسرين : أيوب رااسي و مش نااقصه مشاكل جييب.
أيوب "عطاهلها : تماام ع راحتك لكن ورب العززه يانسرين حيصير شي مستحييل تتوقعيه
نسرين : شتقول انت
أيوب : انت اصبري عليااا شوي بس "وطلع"
نسرين " تجاهلته معنديش نيه ندير عركه امعاه ومشيت خديت عبايتي وروحت خديت حبه بندول نحس في راسي مصدع درت دش سريع ولبست بيجامه وقعمزت نحضر في الصاله "
شيرن فوني"لقيته حنين فتحت عليها هدرزت معاها شوي حسيت روحي ارتحت امعاها وسكرت عليها بعد هدرزه طويله خشيت المطبخ مندير حاجه ناكلها جيعاانه ونفكر في رواد
يلي قاعد لتوا قلبي مكسوور منه ومش فاهمه علاش دار هكي ماحولتاش من بالي ولا لحظه ونفكر في أيوب شن يقصد من كلامه قعمزت ناكل خش عليا نضال "
نضال : بروحك امالا
نسرين : ايه ..ماشيين قدا احنينه هدرازي
نضال : علااش قاعده بروحك
نسرين : لامشيت شوي وروحت مخاطريش نقعد
نضال "قعمز": به نوضي ديرلي قهوه
نسرين " واني نايضه خشت وفاء ووراها ماما وسندس وخوتي وبابا قعمزنا مع بعضنا في الصاله نهدرزوا وشوي تاني نضال خدي وفاء وروحوا "
يوم التاني
الساعه 4:00م
في الصاله:
وفاء "خشيت اني ونضال لقينا حناهم قاعده وخالتهم وخالد ومراد ومعاهم حد تاني بس ماعرفتاش ممكن يكون ولد خالتها وجودي واختها ريم وبثينه استغربت جتني بثينه تجري حضنتني ومشيت سلمت عليهم وحولت عبايتي بس وشاحي خليته بما ان معاهم ولد خالتهم خشيت المطبخ لقيت حنين ونسرين وعمتي واختها سلمت ع خالتهم ومشيت جيهة نسرين وحنين يلي مقعمزات ع الطاوله في تركينه "
"اما جودي مفتلكه روحها ع االاخر وحاطه عينها ع نضال من أول ما خش😍😍😍 مشت جنبه وقعدت تهدرز معاه وتحاول تفتح موضوع باش طول الهدرزه"
سالمه : جيتي
وفاء : ايه هادي جيتي ..."وشبحت في حنين" شديري اهني
حنين : شن رايك انت
وفاء : به علاش شن فيه متلقطين
حنين "تأشر ع نسرين ": اسأليها شندراني اني
نسرين "سارحه": ....
وفاء "تلوح في يدها ": هييييي وين عديتي
نسرين : ا ل ا لا معاك
سالمه : بروا قعمزو معاهم تو نكملوا الباقي
وفاء : عطيني حاجه نديرها معاكم مدام فاضيه
سالمه : لالا ها قريب نكملو ..ونسرين شووفي حناك بالك تبي حاجه
نسرين : باهي به
وفاء " طلعت جت عيني ع نضال وجودي يلي يهدرزوا مع بعضهم ويضحكو ولاول مره نشبح نضال يضحك لا ومع منو جودي ..وجودي لاصقه فيه لين خلاص .. انصدمت بس درت روحي مانشبحش فيهم وقعمزت احدا بثينه في آآخر الصاله"
مراد : الله يركبلك الكآبه في هاليوم ..انت وهاللون يلي لابستيه
ريم "شافت في لبستها السوده": شن فيها
مراد : تو هاده لبس يلتبس.
ريم : لا خيرها عاجبتني
مراد : اسود كنهاده
منذر : مش غريبه ديمه هكي هي
ريم : مالقيتها لعمرك لابس الفاقع يلي يشعشع من بعيد
مراد "شبح في قميصه": ايه تو هاده لبس يالتبس ترتاحي حتى فيه.. ألبسي هكي شي فاتح...تو منسألك بالله عليك..تو سولتك بالله ماتحسيش بالكآبه منه
ريم: لا بالعكس مرتاحه فيه انت بس عندك خلل
نسرين " شبحت في جودي انصدمت من وقاحتها كيف لاصقه في نضال وتهدرز وجوها تمام تو هوا راجل متزوج شدير عنده صحيحه وجه ..تلفتت شفت في وفاء لقيتها تهدرز مع حنين وبثينه تو معقووله تشبح فيهم وساكته "
نسرين : جوودي
جودي "تلفتت والابتسامه مرسومه ع وجهها": نعم
نسرين : تعالي نبيك
جودي "شبحت في نضال ضحكتله ومشتلها"
جودي : ها خير
نسرين : لا شي بس ما تحشمتيش علي وجهك ل"وفصلت عليها جودي"
جودي : اني حره وهادا ولد خالتي ماهوش غريب "ومشت قعمزت احدا"
جودي " قعدت تاخد وتعطي معاه وتضحك وهاده كله عمدا ومره مره تشبح في وفاء تبي تشوف رده فعلها "
خالد : بلك تبي حاجه احنينه
حناهم : منتعبك معاي وليدي شوفيلي حاجه حلوه ناكلها نحس في سكري هابط
خالد : حاضر هي شوي
حنين : قصدك مانكش مكمله قرايتك ..وين ايامات لما كنتي تبكي واتقولي نبي نكمل
وفاء "تنهدت ": والله نبي بس
حنين : بس شنو
نسرين "فصلت عليهم نسرين ": تعالو انقعمزوا ورا الحوش احدا المسبح
بثينه" نطت واقفه" : هي نوضو
نسرين "ونضنا ناديت ع ريم وجودي وامشينا قعمزنا جنب المسبح كان الجو يهبل وهمه يهدرزوا واني فكري مع رواد يلي خدي قلبي وعقلي معاه"
"ومع المغرب حسينا الجو تسقع شوي خشينا لقينا للولاد مهناش في المربوعه مع يوسف ويونس خوت وفاء.. حولنا اوشحتنا وخذيتا راحتنا أكثر وبعد ماكلينا خشينا المطبخ اني ووفاء وريم نغسلو في الماعين ويدق الباب فتحاته سندس وشوي تاني وسمعنا صييحت سندس طلعت نجري لقيتها نورا فررحت مشيت نجري حضنتها "
نورا : استااااحشتك يااقرده😂
نسرين : اني اكثثر يابقرره😂"ومشت تجري لماما حضنتها وباست ع راس حنينه "
بثينه : ووين الغييبه هادي كلهاا
نورا : ههههه😂 غايره شكلك
بثينه : خديتي مني سراج يااكلبه قعدت محبوسه في الحوش معاش نطلع ..احلمي مره تانيه كان شبحتيه هههه😂
نورا : هههههه😂😂 رد بالك تقربي
ريم : ههههههه شدي راجلك يانورا زيين
سالمه : البنت قريب كليتوها بقشورها حتى الحمدلله ع سلامتك ماقلتوها
الكل : الحمد الله عسلامتك.
نورا : الله يسلمكم
حناها : وين مالا سراج ماخشش معاك
نورا : خليته واقف مع نضال
ريم "جبدتها": تعاالي احكيلنا ع جو غادي
نورا : ههههه حااضر غير خليني نااكل حاجه مييته من الجوع....راجي شويه وين وفاء"تلفتت لقتها مشتلها وحضنتها"
نورا : اهليين كيف حالك
وفاء : علي شوفت عينك كويسه الحمدلله😊
نورا "قعمزت": شوفو يااحننه
"وقعدنا نهدرزوا ونورا تحكينه ع مواقف روحت خالتي ومعاها جودي وريم اما حنين كلمت ولد عمها يروح بيها وتوا قاعده تراجي فيه"
الساعه 12:30في الليل
نسرين "ناعسه😩 ع الاخر ونورا شي مابت تسكت قريب شديتها وارميتها برا الحوش "
"نورا مقعمزه وتهدرز ع جو غادي كيف"
بثينه "ناعسه😩😪": تي هياا منرقد يافرخه كلمي سراج نروح معاك
خالد : هههه😂 مبردك انشالله من بكري تراجي فيها
مراد "وقف وحط يده ع فمها": تي باهي خلااص الزح اسكتي
نضال : ههههه😂 استاكت البنت معاد فيها
نورا : نتكلم مع ماما انتم شن دخلكم😑
بثينه "جبدتها ": باهيي نوضي هي
"طلعت نورا وبثينه لسراج بره وبثينه اول ماشافاته مشت حضناته طوول خش سراج هدرز شوي وسلم ع حناه وطلع ...اما حنين كلمها ولد عمها بره سلمت علينا وطلعت "
حنين "واني طالعه نجري نضربت في حد لين طحت ولما شفته لقيته خالد"
حنين "وجها أحممر: آسف والله ماقصدي😳
خالد : لا عادي ماصار شي غير مره تانيه ركزي بسس
حنين : ههههه انشالله"وكملت طريقي انتبهت لحد واقف حنب باب السور"
حنين : اياااه انت منجديد 😥😤
يونس "كان شاد فونه ولما تكلمت حنين رفع راسه شبح وراه واشر ع روحه ": علياا اني تقصدي
حنين : ومن غيرك قاعد اهني يااغبي ...حول ع جنب منطلع
يونس "حول وهو مستغرب منها":هاا تفضلي غير حسني من الفااظك شوي.
حنين : مادخلكش😡😠
حنين " وجايه بنطلع خش حد قريب خبط فيه ولما شفته كان هوا نفسه يلي توا كلمته تلفت واني مستغربه قعدت نشبح فيهم الاتنين😮 ومش فاهمه شي "
يوسف : ااااووووه شحااته شدير اهني😂
حنين : فيي عيوونك شحااته😠
يونس : تعرفهاا
يوسف : ايه امالا شني..."شبح فيه حنين يلي كانت تحك في عيونها وتشبح من جديد" ههههه😂😂😂 توأم توأم يااهبله
حنين : اهااا به فهموني من الاول ماتخلونيش زي المسطوله بيناتكم...وتوا توكل وحول هكي منطلع
يوسف : شديري اهني انت
حنين : مادخلكش "ودفاته وطلعت"
- - - -- - - - -
وفاء " كنت مقعمزه ع الكنبه وناعسه نبي نرقد شبحت في نضال يلي كان يهدرز مع حناه وبعد شوي ناض طلع واني سلمت عليهم ولبست عبايتي وروحنا خشيت الحوش بدون ولا كلمه ومشيت غيرت احوايجي ورقدت "
نسرين "اليوم احنينه بايته عندنا فرشتلها هيا وماما في دار المعيشه وامشيت ركبت وجايه منرقد جاتني سندس قالتلي بابا يبيك نزلت لقيته في الصاله يراجي فيا مشيت قعمزت احداه"
نسرين : نعم بابا انشالله خير
بوها "عادل": شوفي بنيتي منفتح معاك موضوع وخليك معاي.
نسرين : ايه معاك بابا نسمع فيك
بوها"عدل تقاعميزته وقال : شوفي بنتي.. مانبيش نغصبك علي شي انت ماتبيشي وهادا مستحييل طبعا منشوف رايك قبل لان هاده الاهم..ولو ان اني وامك أدرى ونعرفو مصلحتك ..بس يلي بتقولي اني باهي .
نسرين : باابا قوول
بوها : .....
نسرين : 😱😲
