😍انتي لي فقط 😍
الكاتبه طيبه TA
البارت السادس
ذو الفقار : رحت للمختبر لكيت ام السان ماموجوده ضجت من مالكيته تعودت على وجوده مع رغم واحد مايحجي وياء الثاني بس على كد السلام بقيت ضايج خابرني صديقي كال خلي نطلع نتونس انطيت علم لكرار وفعلا اجى عليه صديقي ورحنه للمول كاعد نفتر بالمول ومن بعيد شفت ام السان عسل وراه ولد يتحارش بيه اني شبت النار بكلبي كبل رحت ضربت الولد ونوب رحت لعسل لزمته من ايده
عسل : ذو الفقار 😯😲
ذو الفقار : اي ذو الفقار شتسوين اهنا وشنو هذا لبسج 😠😡
عسل : انت الي شتسوي احنا عوف ايدي اشعدك لازمه ماتستحي وانت شعليك بالبسي 😠😡
ذو الفقار : شنو شعليك ولج لا تخبليني تراى هنا ارتكب بيج جريمه واشعدج تمشين وحدج بالمول فهميني تعالي وياي😠😡
عسل : ذو الفقار عوف ايدي عفيه ماجايه وحدي وياي اهلي ورحت اشوف اخواتي وين صارن لان طولن عوف ايدي 😠😡
ذو الفقار : امشي يله كدامي ولا حرف اسمع 😡😠
عسل : عوف ايدي وين امشي وراك عوفني ولك شوف الناس كله كامت تباوع علينه 😠😡
ذو الفقار : واني شعليه بالناس امشي مو تكولين اهلي موجودين وجايه وياهم اريد اشوفه يله وهذا لبسج اله حساب ثاني افتهمتي 😠😡
عسل : اوكي ماتقتنع امشي ذولاك الاهلي شفتهم😠😡
ذو الفقار : يله امشي وياي اتعرف عليهم يمكن مو اهلج 😒😒
عسل : وانت شعليك ليش مهتم بامري هلكد فهمني 😡😠
ذو الفقار : لان انتي لي فقط يعني انتي تخصيني اني فقط افتهمتي لو لا😏😏
عسل : انت شتخربط شتحجي خربيك مشه وعافني😡😠
ذو الفقار : السلام عليكم
منى وام عسل وستار ابو عسل ومصطفى وياسر : عليكم السلام
عسل : بابا هذا ذو الفقار هسه شفته بالمول وسئلني ويامن جايه كولت اله وياء اهلي وكال خلي اسلم عليهم
ابو عسل : هلا بيك ابني استريح
ذو الفقار : لا عمي رحم الله والديك مستعجل بس حبيت اسلم عليكم
ابو عسل : بس عمي اكعد الك اشويه خلي انضيفك
ذو الفقار : لا عمي زاد فضلك ان شاء الله غير مره جاي وياء صديقي وينتظرني اهناك
ابو عسل : ننتظرك ان شاء الله عسوله خو مومضوجتك بالسانه
ذو الفقار : ام السان لا بلعكس مونستنه بس اشويه السانه 😂😂
عسل : بقيت صافنه عليه هذا منو الي يمدح بيه ولكم اني بحلم لو بعلم باوع اليه خزرني وراح ياااا هذا اشبي
ذو الفقار : رجعت لصديقي شفت اهل عسل طلعو طلعت وراهم رجعت للبيت طبيت اخذت شاور وصعدات قبل لا انام صفنت على نفسي اني ليش ضجت من مالكيت ام السان عسل بالمختبر وليش تعاركت وياء الولد من شفته تحارش بيه وضجت وليش كولت اله انتي لي فقط معقوله حبيته ضحكت ونوب نمت😪😪
