جمعتني بيك الايام والصدفه وكانت احلي صدفه يوم عرفتك وحبيتك ما بقول حبيبتك يس عشقتك هويتك اليوم البنيت فيهو احلامي معاك وكانت احلي احلام شفتها في حياتي بس عشان كانت بيك وليك والاحلي انو نحقق احلامنا دي خطوة خجوة ونتم المني ونبدأ فيها وفي اول حلم لينا نبني بيتنا طوبه طوبه ما مهم لي متين المهم يتحقق حلمي معاك ويجي اليوم المشهود والخايفين منو يوم تجي لي ايوي ويرد ليك بتي حلال عليك قي اللحظة دي بكون مناي ازغرد بس بسكت وانت تعاين لي في غيوني وتقول لي وفيت بي وعدي ليك وبقيت قدر كلمتي ويجي اليوم البتزفه ليك فيهو يا سيد ريديوتكون فيهو زي الامير وانا معاك اميرتك كلي سعادة اني بقيت كاملة بيك .
والاحلي من ده كلو يوم يكون عندي بت قطعه منك واشوفها بتكبر قدم عيونا وتبدأ تتكلم واعملها تقول اول كلمة بابا ولما تتعلم المشي ونمسكها من يدها ونمشي معاها خطوة خطوة وتضغط علي يدنا بقوة وكلها احساس بالامان والاحلي يوم تتعلم تجري وانت تجي داخل علينا من برة وتجي جاريا عليك وتقول بابا جاء وتشيلها وتتعلق في رقبتك واجيك طالعه من برة وملي ابتسامة بي كلتك وانت تكضر لي وشك وافهمك من نظراتك انو من النفترض انتي زاتك تستقبليني واشيلها منك واقول ليها بابا تعبان واقعد معاك في جلسه صفاء وفي نصنا بتنا النرة بتعاين لي وبتعاين ليك وهي مستغربه من نظراتنا وعيونك الفي غيوني واقول ليك بحبك وهي تحاكيي وتقول ليك بحبك ونقعد نضحك فيها .
وحلمي معاك بقي كبير وبتنا البقت في نصنا والكانت بتعاين ليك الحته مننا البنحبها من جوة قلبنا والكل يوم بتكبر قدامنا ويجي يوم تدخل الروضه والبسها هدومها ونطلع سوا للباب معاها وماسكنها ومنتظرين ترحيلها وعي تبكي انا عاوزة بابا يمشي معاي من يومها بت ابوها بتي حبيبتي الما يسألوها بتبا منو بتقول حبيب ماما وتمر السنين وتكبر اكتر ونحنا نكبر معاها ونكون ليها هير اخوان واصحاب ما ام وابو بس بتنا الخا تكون صريحة معانا ويا سلام يوم تصل الحامعه وتبمي لانو قبلوها في مكان بعيد مننا وانت تتجرس لانو حبيبة قلبك بتك مفارقاك وتتخرج ونكون معاها وتحي جاريه عليك وتحضنك وانا امها اغير منها لانها في اللحظة دي بتكون قريب ليها اكتر مني وتبكي من الفرحة ونمسح ليها دموعها ونقول ليها نحنا جنبك ونعاين كلنا ونبتسم ابتسامةةكلها حب ويجي اليوم الاصعب في حياتنا يوم يجيها سيد ريدها ويطلب يدها منك وانت تكشر وتقول دي بتي ما بديها لي زول واجيم وازكرك يوم جيت لابوي وقال ليك بتي حلال عليك رغم انو كان ممكن يقول دي بتي ومستحيل اديك ليها وبعد ترد بي الموافقه وفي نفس اليوم نقعد انا وانت سوا ونقفل الباب ونقعد نبكي لانو بتنا قربت تفارقنا ما ح نشوف جنها وجوطتها ومرحها تاني لانو ح تمشي بيت تاني بس نرجع ونقول دهوخال الدنيا واعاين ليك واقول ليك ولا تزعل نفسك انا بكون ليك بتك كمان وتمر الايام ونزف اميرتنا يكون احلي يوم في حياتنا ونودعها وهي ميته من البكاء ومكنكشه فيك وتقول ليك يا ابوي انا عاوزة اقعد معاك ما تخليني وترد ليها وتقول دي سنه الحياة حبيبتي ونفترق منها ونرجع بيتنا البقي ما ليهو طعم من دونها بس معاك يا روحي وانت قريب مني كل شيبيهون والحياة بكون ليها طعم غير بيك حياتي بتكتمل ما محتاجه لي شي تاني .
بقلمي Humiraa .kh.T
