حبك قدري وليس اختياري
همس القوارير
البارت ٩
بصراحه تفاجئت بوجودها بس مهتميت كولت خليها شعليه بيها اجتي صديقتي ايات كعدت يمي هي وبنت خالتها علياء وكنا دنسولف ونضحك التفتت وشفت سحر تباوع عليه وتخزرني بيني وبين نفسي شبيها هذه تخزر يعني وين ما اروح الهم وراي مهتميت سويت نفسي مشفتها كعدنا نسولف ونضحك ونتفرج عالبنات والرگص بعدها جابوا العشى وتعشينا بس اني مشتهيت اكل لان مگابله الضيم شلون اكدر اكل وهي كول ما التفت عليها تخزرني عفتها ومهتميت
ايات : يالله بنات كوموا خلينا نروح للحمامات نعدل روحنا
رغد : اي والله وياريت هم نغير مكانه ونروح من الجهه الثانيه احلى
كمنا دنروح وصاحت
سحر : رغد وين رايحه
التفت عليها لكيتها جايه هي وبنات اثنين الضاهر صديقاتها
رغد : هلو سحر رايحه للحمام خير ان شاءالله شكو شصاير
سحر : والمن هالتعديل هذا كوله اصلا ميحتاج هذا لان مهند ممعترف بيج ومشايفج بعينه
بصراحه كولش انغثيت وتفاجئت منها كدام البنات رجعت وكالت
سحر : شوفن بنات تخبص روحها بالتعديل والمكياج واللبس ومحد مگلبها لان مهند ميحبها وميشتهيها وتضحك اني فرت وكتها لان كولش حرجتني كدام البنات بس حاولت اكون طبيعيه وعرفت شلون اردها
رغد : ومنو كالج ميشتهيني اصلا مدوخته وميت عليه وميكدر على فراگي
حسيت بيها نغثت حيل
سحر : بنات لا تصدكون تكذب هالحقيره اصلا لحد الان بعدها باكر وتضحك
رغد بيني وبين نفسي الله ياخذج على هلجرءه والحقاره
رغد :ومنو كالج هذا الكلام ومكذب عليج اصلا ليليه انام بحضنه ويدلعني ومدللني ومعيشني اميره والي يكولج غير هذا الكلام فهو يكذب عليج او يداري مشاعرج لان يعرفونج صاحبت مشاكل
وعفتها بنارها وترخصت من البنات وطلعت متحملت ابقى واخذت تكسي واني نار وفارت بيه اتمنى اكضه لمهند وانتفه واموته واحرگه اي شي ميبرد ناري موقف محرج وميسر لا عدو ولا حبيب حسيت نهانت كرامتي ورحت للبيت وطبعا لكيت مهند كاعد والاخبار كولها واصلته من اجيت كام يصيح عليه
مهند : انتي شنو كلتي لسحر وخليتيها تتعارك وياي وتزعل عليه
بصراحه انفعلت ونقهرت
رغد : هو هذا الي هامك زعل سحر خاتون واني الي حطمتوا حياتي ودمرتوني وخليتوني فرجه للناس مو مهم مو مهم عدكم مشاعر البشر اهم شي مشاعر وحده رخيصه وحقيره ومتسوه تفضلها على مرتك وعلى بنت خالك انتم شنو من بشر انتم شياطين تمنيتك تدافع عني مثل الناس تمنيت عندي ضهر وسند وما ادري بيك كول شي خاص بينا تنقله الهالسافله محسيت اله وضربني راشدي قوي ونضربت بالمعرض ونشكت كصتي وصبت دم
عفته وقفلت الباب وضليت ابجي بحرگه وقهر وحده وألم يربي اخذ عمري وريحني من هذا العذاب بدلت ملابسي ورحت لفراشي ونمت ما كعدت الصبح ولا حضرت ملابسه ولا ريوگه لان نفسيتي تعبانه وما اشتهي اشوفه ولا اشوف اي احد طلعت بره للصاله عبالي هو راح للدوام كعدت عالقنفه واتصلت بماما لان كنت كولش محتاجه اسمع صوتها ومشتاقتلها
رغد :شلونج يا جنتي مشتاقتلج ماما :بخير يا روح امج انتي شلونج شخبارج
رغد الحمدلله بخير يالغاليه
ودموعي تصب
ماما : شبيج ماما بيج شي اشو مو على بعضج حاسه بشي عمري
رغد بعدت التلفون وبجيت بحرگه ومسحت دموعي ورجعت
رغد : لا ماما مبيه شي بس مشتاقتلج وتمنيت اشوفج وارتمي بحضنج
ماما :رغد انتي مرتاحه حبيبتي مهند زين وياج اكو شي ناقصج حبيبتي بس كولي ماما ترى ميبعدنا عنج شي
رغد :لا ماما كولشي تمام واني كولش مرتاحه ومهند مدللني كولشي ماناقصني محتاجه شوفتكم يالغاليه
ماما : لعد ليش داحس اكو شي على العموم براحتج يعمري والحمدلله والشكر انتم بخير حبيبتي ربي يسعدك
رغد : تسلمين يروحي وسلميلي على بابا واخواني مع السلامه
وبديت ابجي داكوم اروح لغرفتي وشفت مهند واكف ويتفرج عليه عفته من غير سلام ولا كلام ودخلت غرفتي شويه واجه وراي دك الباب ودخل اني كاعده عالسرير ودايره وجهي عنه جابله كرسي وخلاه مقابيلي
مهند : رغد اني اسف والله اعتذر وما اقصد بس انتي استفزيتيني رغد :انت تعرف شنو سوت سحر انت ليش تسمع طرف واحد انت تعرف شلون جرحتني وفشلتني كدام البنات صرت كولشي ما اسوه تعرف شنو صار بمشاعري وانت كل همك سحر زعلت عليك مهند كافي والله اني بعد ما اتحمل كنت قبل لا اتزوجك مثل الورده هسه لا كولشي تغيير بيه صرت مكسوره ومقهوره ومنهاره وما اعرف شنو نهايتي ومصيري وياكم هذا لان حبيتك داتحمل كل اهاناتكم خلاص لهنا وكافي خلص الصبر وبعد كولشي ميشفعلك
مهند : يعني انتي تحبيني ودتتحملين كولشي لخاطري شلون حبيتيني وانتي تعرفين اني مو الج
رغد : لان غبيه شنو عجبه ماكو واحد غبي ومعمي على عينه
مهند : ههههههههه والله اسف هذا كلامج كوله اعرفه وتدرين والله بديت احس باحساس غريب تجاهج بس ما اكدر اعوف سحر لان صارلها سنتين تنتضرني واني مواعدها بالزواج ما اكدر اتخلى عنها والله تعنيلي هواي لوما مهمه عندي ما اجي واعتذرلج اتحمليني شوي لخاطري
رغد :خلاص هو اصلا مباقي غير شهرين اتحملهم والله كريم لحد ما تفرج
مهند خلاص كومي يالغاليه اكلي وياي لان طلبت اكل من بره تعالي ناكل. قبل لا يبرد كمنا اكلنا وكملت تنضيف البيت ورجعت انتضر الشهرين الي باقيات اعيشهم وياه
وما خفي اعضم
