❤حبه افقدني عقلي ❤

البارت الاول

شمس كعدت الصبح

ماااااما

يوووم وينكم
يااهل البيت

دتسالون منو ماما هههه اي صح امي اتوفت الله يرحمها

بس الله رزقني ب احن واطيب مرة اب الي هي خالتي نجوى

نجوى : هاا يوم حبيبتي شبيج

نزلت شمس ع الدرج راحت ل امها بالمطبخ دتسوي ريوگ

لگت ابوها كاعد ع ميز الطعام يريد يتريگ

صبحت عليهم وباست ابوها براسه وخده
وراحت ل امها حضنتها وباستها

وگعدت تتريگ

بعدها نزل اسد وساره و لوجين واحمد

بعدها باشوي نزلو الهوسه نبراس وعلي

گعدنا كلنه نتريك

وگمت اني ولوجين نحضر نفسنه نروح للدوام

كملنه و اخذنه مصروفنه اليومي

ومرينه ع صديقتي العشق عسل سلمت عليها وباوستها وتمشينه للدوام

طبعا اني ما اقبل اروح للدوام بالسياره احب اتمشى

بالگوه بابا قبل لان الحمدالله احنه الله امكنه وعدنه خير من الله

..............

ليث

گعدت الصبح لعبت رياضه وبعدها اخذت دوش

نزلت لگيت نبع الحنان تسوي ريوگ

وابوي گاعد بالحديقه

يحب يتريك الصبح بالحديقه

احب اسوي ريوك بنفسي او اساعد امي

سويت كوفي تبعي 😁

وسويت مخلمه

واخذتهن نسرين لميز الطعام

وگعدنه كلنه ناكل

بعدها طشينه كل واحد راح لشغله

اني صعدت لغرفتي

بدلت وطلعت للدوام بسيارتي

طبعا سيارتي رياضيه لونها اسود و ع الجوانب خطين ماروني اعشق هل اللونين

حتى لون غرفتي ممزوج بهل اللونين

واخشاب غرفتي ايضا ابين فتره وفتره اغيرهن
ويبقى هل اللونين ثابتات

حتى ملابسي اني ارتبهن ع ذوقي والوانهن

ودائما يكون خياري مريحات ومرتبات
يعني يعكسن ذوقي وشخصيتي

................

شمس

خلص الدوام دانتظر لوجين وعسل

هااا واخيرا اجن عبالك طالعات من حرب

عسل : لج اااخ يمه تعبت شيرجعني للبيت انام اسبوع
انثولت ثول من شرح ماده اصعب من الثانيه

لوجين : لج يا اسبوع ع هل التعب والدوخه

انام نومة اهل الكهف

شمس : وكبر شبيجن تكول وين جنتن ب ملحمة گلگامش

يله امشن بسرعه خل نرجع للبيت

وراي كومة تحاضير ودروس

عسل ولوجين : لج فدوة لعينج لتجيبين طاري الدراسه انهد حيلنه

شمس : ههههه يله امشن انتن مال بس اكل ونوم امداجن

عسل ولوجين : اااالله لج هو وين اكو احلى من الاكل والنوم

شمس : گبور الجن ديله فضنه امشن

.........

هاي بارت قصير لازم اشوف رايكم وتعليقاتكم حتى يصير الي واهس اكتب وهم اعرف نظرتكم للقصه

تحياتي #زهوشه #الموسوي❤👸
احبكم ان شاءالله البارت الثاني باجر و وعد اذا تفاعلتو ح اطول البارت
اعرف هذا البارت قصير بس اعذروني مجان عندي نت وكتبت قسم وانحذف والله