صغيرونه وخذوني فصليه

البارت الثاني

الصبح الساعه 6:30

الام : امونه . امونه يله ماما اكعدي امتحانج راح تتاخرين

مينا. امونه : اي ماما كعدت بس 5 دقايق

الام : يله راح احط الجاي على النار واجي اكعدج

امونه : اممممممم ( بنعاس وهيه مغمضه عيونهة )

راحت الام سوت الجاي وحضرت غراض مينا (صدريتها وقميصها وحجابها ومحفضتهة * لان متحانات واليوم اخر يوم نهايه السنه * )وراحت تكعد مينا ومشت لغرفت مينا لكتها كاعده وتكرمون بالحمام داتغسل

مينا :
طبعا اني بصعوبه اكعد نومي ثكيل بس اليوم حماس اخر وراح امشي لاسو حبيبت كلبي * لبيت عمو لان تعرفون اني كل عطله امشي يمهم هواي اتونس*
فاكعدت رحت غسلت وجيت لكيت ماما محضرة غراضي *هههههه نسيت اكولكم اني ثاني متوسط*
فالبست صدريتي وقميصي ولبست حجاب ايراني كلش يلوكلي وكب رصاصي والحجاب ابيض وقراصه عاليه بس مو كلش يعني مرتبه وجانت الدنيا باااااااردة كلش لبست كوتي وجواريبي وحذاتي تكرمون واخذت محفضتي وطلعت من الغرفه ورحت للمطبخ .

امونه : يسعد صباحج

الام : صباحج الاسعد ماماتي يله تعاي تريكي راح وقتج

امونه : اوك

مينا .
تريكت وخضت ملزمتي علمود اراجع للمتحان اجه الخط واخذني ومرينه على البنات البقيه لان اني اول وحده ياخذني لان بيتي ع الشارع ورحت للمدرسه وتوكلت على رب العالمين ودخلت للمتحان والحمدلله مثل كل سنه طلعت اضحك مجاوبه .

ورجعت للبيت انطيت الاسئله لماما تقراها واني رحت بدلت ملابسي لبست بجامه ضيقه رصاصيه وتيشرت لون وردي وبي نجوم رصاصيه شتوي وشفت ايبادي ع شحن لان كان مضموم امتحانات وكذا خاف التهي بي واعوف الدراسه فا هسه ماما طلعته ولكيته ع شحن ومثل كل سنه نفس الفلم * اخذ ايبادي ابوس بي بنيي حبيبي مشتاقلي ويإروحي انت هههههه * واعزل ملابسي واخذ جواريبي وإروح للمغسله وامي تجي وراي تسالني واجوابها تشوف اجوبتي بعدين اشر جواريبي ونطب لجوة اني كعد على ايبادي وانبطح عال كرويته بالصاله وماما تشوف الاكل نوب اجه بابا وضرغام ولينو مو هنانه راحت للامتحان مالهة

الاب وضرغام : السلام عليكم
مينا : وعليكم السلام الله يساعدكم
الاب : الله يسلمج بنيتي

.ضرغام راح للحمام يغسل وماما صبت غده مسويه تمن ومرك سبزي

مينا : بابا
الاب : هاا بابا
مينا : بابا اليوم اريد روح لبيت عمو علي تقبل
الاب : منو ياخذج
مينا : اممم خابرلي السايق
الاب : الله كريم ان شإء لله

خلصنه غده وكمت غسلت المواعين ورتبت المطبخ اني ع كوله ماما نادرة كلش صح ما عرف اطبخ بس بالترتيب اعجب المهم بابا خابر السايق

الاب : الوووو
السايق : الوو هله عمي
الاب : شلونك بويه امورك
السايق : ولله الحمدلله انت شلونك عمي الولد خالتي ام امير
الاب :الحمدلله يسلمون عليك
الاب : بويه وسام اريدك اليوم تمرنه تاخذ المحروسه لبيت عمها
السايق : ها خوش بيش الساعه
الاب : هيج الساعه 4 لو 5
السايق : هاا عمي ولله عذرني اريد اخذ العائله اليوم لزيارة ب 3
الاب : هاا يله عمي براحتك وسلمنه وياك ع الاهل
السايق : يوصل عمي يله الله وياك

الاب : السايق يريد ياخذ اهله لزيارة
مينا وهيه خانكتهة العبرة : لعد منو ياخذني هسه
الاب : خليهة ع غير يوم
مينا وهيه تبجي : ما ما
ضرغام : حضري روحج بال4 اربعه الكيج جاهزة اخذج وياي اني طريقي لهناك
مينا : يمه بعد عمري . ب 3:30 تلكاني جاهزه
ضرغام : هههه خوش

صارت الساعه 3الضهر

مينا طبت للحمام سبحت وحضرت نفسها
لبست بنطرون كابوي لون نيلي وتيشيرت لون ابيض بي شفايف حمر ع طول التيشيرت وكوت لون احمر ابو الكلاو وشال نيلي وحذاء احمر ولبست جنطه حطيت بيها كم ثوب وتراكات وحجاب غير الي لابسته
وايبادي لان مستحيل اإيش يدونه وحطيت عطر وبابا اطاني 25 الف خاف احتاج شي وطلعت لاخوي كتله جاهزة كلي يله اطلعي اجرنه تكسي وطلعنه نص الطريق وعطلت السيارة نوب السايق تعذر منه ونزلنه ضرغام كال الجو حلو نتمشه وهوة قريب علينإ بيت عمي كتله يله
دانمشي ونشوف 2 شباب مبين مفولين كلش( قصدي شاربين )
واحد كال بويه الاحمر اليوم عمه عيوني الثاني كال شوف البياض بويه شوف النعومه شوف الجسم احتركووو اهلي

هنا ضرغام صار نار عيونه صاارن حمر
ولزم واحد شبعه كتل لمن الولد انكطع نفسا والثاني شرد
اني وداني بسرعه لبيت عمي لان صرنه قريبيبن
وضرغام رجع لاهلي