حب بعد الزواج

part2

اجى يوم الاربعاء صحيت الصبح الساعة 6.00 سبحت وغيرت ملابسي واتصلت على صديقاتي يجون معي للصالون  وطبعا بعد ربع ساعة اجو لان بيتهم موش بعيد هواية على  بيتنا لبسنا ورحنا اول شي لسوك اكو شغلات ناقصين اشتريناهم وصارت ساعة 1.00 رحنا للصالون اني حفيت وسويت اظافير وطلبت منها ترفعلي  نص من شعري وتعملي ميكياج سموكي وصديقاتي كل وحدة سوت تسريحة شكل ومكياج خفيف وطبعا طلعنا كتير حلوين بس انا ياريت كان هذا كلو واني رضيانة على كل شي بس شو رح اعمل

وهذا لبس صديقاتي

وبعدين اتصلت على بابا  اجى اخذنا رحنا للبيت وطبعا امي وخالاتي وعماتي كلهن يهلهلن ويطشن جكليت وفرحانين بس اني لا اني غيرهم  وبعد شوي اجت الزفة وكلبي راح يطلع من مكانه اجو واني ماشفت هذا يلي اسمه زوجي ابدا اجت اخته وامه وخالاته سلمو علي وبعدين طلعنا بوجهنا للقاعة كانت كلش حلوة ومرتبة سوينا كل شي بيوم واحد ما ادري ليش  جانو هيج مستعجلين يوم الحنة هو نفسه يوم الزفة المهم لبست فستان زهري للحنة جان كلش نازك

 وهاي صورته

وبعدين فات العريس وكانت عاي اول مرة اشوفه بيها جان شكله يجنن يمه بس شفته تخربط وضعي تمنيت بس لو التقينا بظروف احسن من هاي المهم فات حناني وركصنا وبعدين رحت لبست بدلة العرس

هاي البدلة

وبعدين كملنا رقص حتى رقص وصحباتي جانن كلش فرحانات ويركصن بلكي يصدن عريس ههه وبعدين زفونا للبيت طريق كله واني ابجي وصلنا للبيت جان كلش كبير وتصميم مالته يجنن من بره وفتنا لجوه وجان مزين واثاث مالته يجنن وراقي زفونا للغرفة ما ادري جنت احسه كلش ضايج  ومطايقني  احنه فتنا اجتي امه تحجي وياي وبعدين طلعت فات هو وجه ميتفسر فات للحمام غسل وطلع نام على القنفة اني انصدمت بس ماهتميت رحت غيرت ملابسي لبست بيجاما حمرة ومسحت المكياج ورحت نمت  كمت الصبح شفت الساعة لكيتها الساعة 10.00 كمت مفزوعة رحت غسلت وغير لبست درشداشة مخصرة ولونها زهري وحطيت مكياج خفيف ورحت حتى اصحيه

يتبع...