بارات 7
ام سيف : مر شهر على غياب سيف حاولت امشي البيت مثل ما جان لىًن اني هم اريد سيف يرتاح بس نورهان وليث كلش تعبانين احس بيهم بس لازم يتعودون لىًن اعرف سيف ماراح يرجع لا بشهر ولا بشهرين
سيف : مرت فتره على وجودي بتركيه مرتاح واخذت اجازه مفتوحه لىًن ماعرف اذا ارجع لو لا كمت اطلع يوميه مكان اتصل على رقم دنيا الي جنت اخابر عليه بس صح جنت اتخيل لىًن محد يطلعلي فتت على الفيس بوك مالتهه جان اخر تعليق منهه قبل سنه وشهر
اتصلت على السكرتيره مالتلي اتذكرت من دنيا اجتني والسكرتيره جابتلي الكهوه وهيه موجوده يمي حجيت وياهه كالت دكتور ماجانت موجوده انت تتخيل واني من ردت اكلك انت سكتتني بوكته نقهرت على دنيا لىًن ماتت واني لا زرتهه ولا خليتهه ترتاح ونقهرت على نفسي شلون ضليت هل فتره كلهه اتخيل شي ما موجود
واني دا افكر واباوع من البالكونه دك موبايلي حسيت قلبي يدك ويا عبالي دنيا
شفته ليث
سيف: هلو حبيبي ليث شلونك
ليث : سيف وينك صار ساعه اتصل عليك انت زين
-اي حبيبي زين بس دا احاول انسه الي صار وياي لا ينشغل بالك
- لا تنسه صار شهر واذا ما رجعت اني اجيك
- ليث اني ماراح ارجع لا تحاول تجي
- ليش سيف اني اصلن حاجز بعد يومين اجي يمك اريد اتونس وشوفك
يسف: نهيت المكالمه ويا ليث واعرف هوه محتاجني ويريد يجي يشوفني
ليث : جنت كاعد دا افكر بسيف وشلون اطلعه من هل تفكير وما حسيت اله احد يكلي استاذ ليث
درت عليه كتلهه نعم ونصيت راسي بس مجرد ما عينه اجت بعيني حسيت احساس غريب رجعت باوعتله تجنن عيونهه كبار شهل وهيه بيضه وشعرهه اصفر يلالي تعجبت على هل جمال الي شايلته ضليت صافن بوجهه
واني صافن سمعت صوتهه الناعم
وهيه تكول مرحبا كمت وكفت وسلمت عليهه
ورد : ستاذ سيف اني اسمي ورد اجيت على مود شغلتين الشغله الولاً اريد تسويلي ديكور البيتي والشغله الثاني اذا محتاج احد يشتغل وياك اني مخلاصه هندسه
ليث : الطلبين عتبريهن موافق عليهم واذا تردين هسه تبلشين شغل هم عادي لىًن اني بعد يومين مسافر ومحتاج شخص وياي بل شغل
ورد : خلاص باجر ابلش شغل ومن ترجع نسوي البيت
ورد : اعرفكم عن نفسي اني ورد عمري 23 سنه طولي 155 وزني 55 عيوني كبار لونهم عسلي عندي غمازات شعري الاحد جتفي ولونه اصفر مخلاصه هندسه ديكور شتغلت فتره ومن توفو اهلي بحادث سياره توفقت احنه حالتنه كلش زينه اخوي واختي توفو ويا اهلي لىًن جانو طالعين زياره بس اني جنت بل شغل كلش تعذبت بهل فتره عمامي كل واحد راد يجرني من صفحه بس وره دورت السنه مال اهلي كلمن عرفت غايته على الورث عفتهم وطلعت رجعت البيتي بلشت حياتي من جديد جنت واكفه على الشباك مالتي وشفت ليث يدخل الشركه مالته حسيت حساس غريب تجاهه كمت كل يوم اراقبه من يطلع ومن يطب جان بيتي يطلع على الشارع والشارع كله شركات ومحلات وحده من شركات شركت ليث
مره من المرات نزلت ورجلي اخذتني الشركه سىًلت على ليث جانت السكرتيره تحجي هواي بحيث كلشي حجتلي عنه ما حجيه ويا ولا اعرفه بس تعلقت بي يمكن لىًن وحيده رحت حجيت ويا وجنت كلش فرحانه لىًن قبل يساعدني
ليث : طلعت من عندي ورد واني جنت فرحان بيهه وفرحان راح تجي تساعدني
رجعت البيت لكيت نورهان كاعده بل مرجوحه وصافنه على السمه ودموعه تصب متت قهر عليهه اعرف علتهه بس ماكدر اساعدهه كعدت بصفهه
ليث: لشوكت تضلين هيج
نورهان : جنت صافنه وكمزت على صوت ليث
ليث شوكت اجيت ما حسيت بيك
ليث: اول ما دمعتج وكعت على خدج
نورهان: اسفه ليث بس
ليث: نورهان اني اعرف علتج والي بقلبج بس لشوكت تضلين هيج
نورهان : ليث اني ختاريت ختصاصي على مود سيف اني ما احب اكون دكتوره نفسانيه بس على مود سيف ختاريت هذا الختصاص ليث اني غيرت حياتي كلهه على موده عفت اهلي واجيت هنا على موده عفت كلشي وجيت بس حتى يباوعلي بس اعرف مو بيده قلبه مو الي وعمره ما يصير اليي
ليث : نورهان لا تكولين هيج راح يجي يوم وكلشي يتغير صدكيني
نورهان : يله كوم اصبلك غده
ليث: تتغدين وياي
نورهان : اي يله كوم
نورهان : من سافر سيف اليوم واني احس حزن جبير بقلبي ليث صار صديق واخ الي كمت كلشي احجيله نكعد نشاقه نسولف من ضايجين واحد يشكي الثاني عرفت ليث راح يسافر السيف بس ماكدرت اكله اروح وياك هسه شيكولون عليه اخ يا سيف حركت قلبي
داليا : من سافر سيف صرت حيل كىًيبه حسيت بسببي خسرت اخويه وخسرت ثقته وخسرت دلاله اني اىًذيته حيل كمت يوميه ابجي
صرت ما اطلع من البيت المدرسه ومن المدرسه البيت كمت ما احجي ويا احد حتى اهلي محد يحجي وياي وزعلانين مني ليث جان كل يوم يجي يشاقيني ويضحكني من سافر سيف واليوم ما فات الغرفتي ومن افوت الغرفته يسوي نفسه نايم تعبت من كلشي
سيف: جنت صافن ودا اتىًمل النجوم وتصلت عليه داليا
- هله حبيبتي شلونج
- مازينه
- ليش منو وياج
- انت سيف
- ليش داليا ما فرحتي من بعد عنكم ما خلاصتي مني لىًن جنت خانكج داليا عيشي حياتج اني ماراح ارجع بعد طبي طلعي تونسي
سيف: جنت احجي ويا داليا وسمعتهه تبجي وبجيهه صرخات قلبي تكطع عليهه
- ولج داليا احجي شبيج احجي حبيبتي
- ارجع سيف محد يحبني بس انت ارجع فدوه والله انتحر
- حبيبتي روحي رتاحي بعدين نحجي
سيف: سديت التلفون منهه واني كلش قلقان عليهه اتصلت بليث
- ليث وين انت ؟
- اني بل بيت سيف شكو
- وين داليا
- ماعرف
- ليث يعني انتو عايفين داليا محد يحجي وياهه
- اي سيف بعد الي سوته محد يحجي وياهه ودا نعاقبهه على الشي الي سوته
- انتو مخابيل ولك هاي ادمروهه هيج بعدهي طفله بعدين نسيت منو الي صحاني من الي اني بي كوم روح شوفهه تره هاي تموت هيج
- اوكي اروح اشوفه وتصل بيك
- لا خليك على الخط يله روح
ليث : رحت الغرفت داليا فتحت الباب جانت كلش هدوه والكلوبات مطفيه صحت داليا ماردت فتحت الكلوبات لكيتهه نايمه بل كاع
- هاي اختك المخبله نايمه بل كاع
- ولك ياكاع روح شوفهه لا مغمي عليهه
ليث: تقربت يمهه ماكو حركه وبل كوه تتنفس كمت اصيح داليا واضرب بخدودهه وسيف بل تلفون يصيح اذا صارلهه شي ابليكم
اجو اهلي يركضون شلتهه وركضت السياره
نورهان : شفت تلفون ليث بل كاع واسمع صوت سيف يصيح الو الو ردو خرب
رفعت التلفون وكتله الو
- شنو هل غباء الي عدكم اريد افتهم طفله عمره 15 عفتوهه وحدهه انتو شنو صار شهر من سفري محد مقلدلهه ولا حاجين وياهه
- اهدء سيف انشالله ماكو شي
- نورهان اذا صار شي على داليا ما سامحكم
- انشالله ماكو شي اترخص اني
نورهان : سديت اللتلفون واني كلش مقهوره منه صح اخته وحقه بس اني مالي ذنب بكلشي
