في قاعة الحريم
سما: يلا بنمشي
منال: يلا خليني ادق على عادل
سما: دقي عليه .. وقولي له انك بتيجي معاي
منال: سما والله فشله ما اقدر اترك العيال عليه
سما: بكره اجازه وهو بالبيت .. يشيل المسؤليه شوي
منال: طيب بشوف .. الو
عادل: هلا منولتي
منال: انا جاهزه حبيبي
عادل: انتظرك برا .. وتغطي زين رجال واجد برا
سما: قولي له
منال: طيب حبيبي لا بسه عبايتي وجايه
سما: قولي له
عادل: مالها سما
منال: مالها شي تتدلع بس
عادل: ههههههههههههههه ايش تبى
سما: يووووووووووووووه جيبي التلفون .. هلا عادل
عادل: هلا وغلا
سما: عادل طلبتك
عادل: من غير ماتطلبين .. الي تبينه يصير
سما: تمام .. اجل اوكي خلاص باي
عادل: ايش الي باي .. ماقلتي شي
سما: ماقلت الي ابيه يصير
عادل: خليني اعرف بالاول طيب
سما تمثل عليه: ابي منال تنام عندي الليله انت عارف البيت فاضي علي .. واخواني بعيد عني .. يرضيك اظل وحيده .. بقعد افكر كل شوي بخواني انهم بعيد عني وحالي بيقطع القلب ..صدقني بتظل عندي لحد بكره بس ..
عادل: يعني تمثلين علي حضرتك
سما: انا امثل عليك ليه!!
عادل: لانو منال قالت لي انو هلا بتنام عندك
سما: امتى قالت لك؟
عادل: من شوي
سما: ماعليك منها .. الان تكذبني وتصدق زوجتك
عادل: ههههههههههههههههههههههههههه انا اقدر اكذبك .. طيب هي ودها
سما: اكيد ودها .. وبعدين هذي سهرة بنات ياولد عمتي مافي وحده تقول لا عليها
عادل: زلقتي بلسانك يابنت عمتي
سما: افا ..ههههههههههههههههههه معلش سقطت سهوا .. عادل الله يخليك عشاني وافق
عادل: انا موافق من قبل لا اعرف .. خلاص خليها نايمه عندك الليله
سما: ياربي يخليك لي ياخوي .. هاكي زوجك يبغاك
هلا: خلاص بتجي معانا
سما: ايوا اكيد اجل ايش.. انا سما
هلا: والله والله منتي سهله
سما: طيب ابي استأذنك في شي
هلا: تستاذنيني انا؟!!
سما: ايوا انتي وليه مستغربه كذا
هلا: ههههههههههههه اول مره حد يسويها .. طيب استأذنيني
سما: اقدر اقول لعبير تجي هي بعد
هلا: ...........................
سما: اوكي خلاص ماله داعي
هلا: لا عيب اذا درت انو منال بتجي بتزعل انك ماقلتي لها
سما: لا تحسبي هالحساب .. اذا منتي راضيه خلاص انسي الموضوع
هلا: لا لا عادي من جد والله قولي لها
سما: والله انك ادب وعقل ياهلا .. الله يخليكي لي
هلا: ويخليكي لي ياسما
منال: يلا انتي وياها جالسين تتغزلو في بعض .. لبسو خلونا نروح نرتاح
عبير: يلا انا اسلم عليكم السايق برا ينتظرني
سما: انتظري وين تروحي
عبير: ماشيه على البيت .. بنام هنا يعني
سما: لا يحبيبتي انتي بتجي معانا
عبير: لا .. وقت ثاني
سما: والله عاد.. وانا متى بجمع هالصحبه الحلوه مره ثانيه
عبير: معلش انا اعذروني
سما: يابنتي اتصلي بهلك وقولي لهم .. ويلا تراني بالسياره ناطرتك
عبير: سما من جد والله خليها وقت ثاني
سما: ايش مالك بس
عبير: يعني.. يمكن هلا تتضايق من وجودي
هلا: لا عادي
سما: هذا هي قالت لك يلا عاد
عبير: من جدك تبيني اجي .. ولا هم اجبروك
هلا: لا من جدي .. حياكي الله
عبير: ياربي تسلمي لي .. كنت بموت لو سهرتو لحالكم بدوني ..
هلا: هههههههههههههههههههههههه
منال: ايوا كذا اضحكي .. يلا امشو
سما: خل ادق على سالم اشوفه وين
منال: بنروح مع سالم؟
سما: ايوا عندك مانع
منال: لا طبعا .. بس اقول يا بخت الي ببالي
سما: حبيبي حنا خلصنا انت وين؟
سالم: برا ياروحي انتظرك
سما: سالم.. محمد وفيصل وين؟
سالم: مع السايق وخالد راح مع العرسان ولسا مارجع
سما: يلا هذا حنا طلعنا ماني شايفتك
سالم: خلكم واقفين .. بقرب بالسياره
