#قصي_ولبنى
قصي- ممعقوله هاي اختها شايله حسن محمدي استغفر الله شون حخلص منها هو شهر واطلكها ماريد مره ببيتي بعد خليني عزابي وارجع بيت ابوي خلي لؤي يتزوج ببيتي
طلعت من الغرفه لكيتها بالحديقه تحفر
مسويه شعرها كصايب ولابسه كلبيه
هاي شدسوين
لبنى- نعم جاي اكلب الطينه
قصي- اي وبعدين
لبنى- الحديقه فارغه ارد ازرعها
قصي- بابا انتي شنو جايه من جوه الهايشه
لبنى- اي جان عدنا حلال هواي
قصي- دتعايييي صيحت
لبنى- اي صار جيت دائما عصبي ومامرتاح احسه مارايدني مجبور
فتت للبيت
قصي- شغلت البلازما متشتغل حاولت كل المحاولات ميفيد
باوعتلها تغسل ايدها
هاي شمسويه بالتلفزيون
لبنى- ماسويتله شي بس مسحته
قصي- الوصله مبلله
لبنى- جا شون مايطلع اذا مو مندايه
قصي- صرت اعصاب تقربت منها جريتها من شعرها هي مدنكه باعي احترك الجهاز هاي اول يوم طبيتي حركيتيلي جهاز يسوه عشيرتج
لبنى- لالا حدك لهنا اضربني الي سبني الي لا تحجي على عشيرتي انه بت شيوخ تره
قصي- ضربتها راشدي ودفرتها وكعت وبت الشيوخ تخون انعل ابوج يابو اللي يريدج ويريد اختج
لبنى- وكعت وركضت بالزاويه ضليت صافنه اختي شعليها
قصي- كومي فوتيي ماريد اشوفج بت الكلب
لبنى- وكفت على حيلي لا تحجي على ابوي بجيت ابوي شيخ ووعكاله تارس راسه على يا اساس تحجي عليه شمسويلك فوك ماهاديلك مره
صيحت عفته وردت افوت للغرفه
قصي- ضحكت هاي كلشي متدري تعاي بابا تعاي مدارتلي بال صحت تعااااااااي بعصبيه لزمتها من ايدها قوي انتي تدرين ليش جابوج على كلبي لو متدرين لان اهلج كلهم هم وعكولتهم جوه نعالي
لبنى- خزرته حدك لهنا وكافي اهلي لا تجيب طاريهم اكلك تحجي علي اضربني اهلي لاتجيب سيرتهم
قصي- ضربني مره ثانيه جر شعري وركع راسي انتي واهلج وخواتج عار
لبنى- خربت من الضرب محسيت على روحي
قصي- شفتها وكعت حسيت على روحي خشمها كله دم وجهها اثار الضرب ايدها ورجها صار بيها زراك سحلتها للغرفه الجوه غرفه الضيوف نيمتها عالقنفه وعفتهاوشمرت غراضها يمها
وطلعت ضليت صافن بداخلي نوعا ما ارتاحيت طلعت قهري نفس الوكت مقهور عليها هي شعليها احسن حتى اهلها ياخذوها من يمي من يشوفوها هيج
ضليت كاعد بالهول روحي طكت النوبه حركت التلفزيون بت النعال رحت جبت غير واحد وعلكته
كعدت اتفرج اني حاليا بعطله واسبوع اليجي يخلص الشهر واداوم
لبنى- كعدت وره ساعه كمت غسلت وجهي اريد افهم شنو السالفه ليش يحجي على اهلي وخواتي
طلعت شفته يتفرج تلفزيون
قصي- جوعان سوي زقنبوت اباوع على وجهه ملامحها ممبينه من الضرب رافعه شعرها وضافرته طوله لجوه ضهرها وجسمها يخبل من تمشي درت وجهي كرهت النسوان والنومه كلهاولعبت نفسي اصلا كمت اشك برجولتي من الصدمه كمت مااشتهي ولا يعجبني
لبنى- هزيت راسي وراح احاول اتجنبه وماحاجي جسمي كله يون عليه
دورت بالثلاجه اشوف لكيت بتيته ولكيت عدي بالملحق ركبت شوربه عدس وكليت بتيته ىخليت عليها بهارات
صبيت وخليتها كدامه
قصي- شمسويه هاي هو هذا اكل
لبنى- هو هذا اللكيته بالملحق وبالثلاجه وشبي نعمه من الله الحمد لله
قصي- دكومي من وجي اكلت واكلها كلش طيب
لبنى- جيت شلت الصينيه وهو يباوع بحقد جن كارهني كعدت اكل بالمطبخ وحدي كملت وفتت للغرفه اللي خلالي بيها هدومي صافنه بحالته اكيد بي شي وصاير شي اللي ابويه هداني اله
حتى يرضي بس شنو المسوي وخواتي شعليهم ومايصير يحجي هيج عليهم
رجعت
لبنى- عفيه بس ردت اخابر اخويه
قصي- ايي وشتكوليله قصي ضربني
لبنى- لا بس داافتهم سالفه وهاهي مااكوله كلشي والله
قصي- ههههههاي خطيه شون خايف منج كوليله بلكن يجون ياخذوج
لبنى- انت جابريك علي همست
قصي- درت وجهي انتي صدك متدرين لو تغشمين روحج
لبنى- اجو عليه وكالو ابوج هاديج لزلمه وخلص
قصي- ههههههههاي هذا حضج دتعاي خابري اخوج شوي اضحك عليج هاج دكيت كعدي كدامي
لبنى- اي صار كعدت طلعلي يوسف
الو هايوسف خويه شلونك
يوسف- حبيبي خويه انتي شونج
لبنى- خويه انه بخير الحمد لله بس ردت اسالك سوال ليش ابوي هداني لهالزلمه
يوسف/ ليش تسالين صار شي
لبنى- لا خوي كلشي ماصار بس هيج وضعيته غريبه
يوسف- خويه صيري صبوره شرفنا معلك بيج اختج وكعت عكال ابوج بالوحل
