#محمد :انا بضرب لولاء م بترد م من عوايدا تتآخر كدا
#طارق :اضربي لامها ي سعاد مش عندك رقما...
#سعاد :الووو خالتو كيف؟!فجآه التلفون بقع من يدها😧
#محمد :في شنو ي سعاد...
#طارق :سعاد ردي علينا في شنو؟!
#سعاد :و و ولاء نقلوها مستشفى........
كلهم مشو علي المستشفى لقوها مرقدنها امها حكت ليهم عن مرضها وانو خلاص ما باقي ليها كتير من الايام م قدرو يتحملو الصدمه فضلو قاعدين في المستشفى لحدي م صحت بعد اربعه ساعات خشو ليها كلهم....
#سعاد وما قادره تمسك دموعا😭مسكت يد ولاء حتقومي بالسلامه ان شاء الله وتكوني معانا ونتخرج سوا خلاص م فاضل لينا حاجه قربنا وحتى لمن نتزوج نتزوج سوا انتي نسيتي عهد الأصدقاء بقول شنو علي الحلوه والمره سوا صح ي ولاء😭😭
#ولاء وبابتسامه كان نفسي اكون معاكم بس خلاص انا حفارقكم هنا😭
#طارق :ولاء انتي بتقولي شنو تفارقينا تمشي وين م تخافي نحن كلنا معاكي وحتقومي بالسلامه ان شاء الله وحتكوني احسن من الاول كمان😭
#ولاء :خلاص ي طارق م باليد حيله كلنا منها واليها...
#محمد :ولاء انتي ناسيه انو حنجيب اولاد كتار يكونو حلوين زيك كدا😭😭
#ولاء :انت ي محمد حتجيب اولاد كتار وحلوين زيك انت كدا انا عايزاك توعدني انك حتزوج ي محمد عايزاك توعدني...
#محمد :اوعدك لشنو نحن حنجيبم سوا ي ولاء انتي بس م تستلمي للمرض وحتقومي بالسلامه ان شاء الله.....
#ولاء :اوعدني ي محمد عليك الله اوعدني...
#محمد :م حوعدك ي ولاء لانك حتقومي...
#ولاء :محمد اوعدني...
#محمد :خلاص اوعدك ي ولاء اوعدك بس انتي قومي بالسلامة....
#ولاء :(عايزه منكم طلب اخير ادعو لي معااااكم)...
ودا كان اخر طلب طلبتو ولاء قبلي م تفارق الدنيا موت ولاء سبب صدمه كبيره لكل الحولينا😭لامها وابوهاا ولاصحابا سعاد وطارق ولحبيبها محمد.....
بعد مووووت ولاء بشهر....
#سعاد :الووو.......
ام ولاء طلبت مننا نجي البيت عندها
#طارق :طيب ارحكي نغشا محمد نسوقو معانا ونمشي...
بعد وصلو لبيت ولاء...
#ام_ولاء :بطاقة الذاكره دي طلبت مني المرحومه قبلي م تموت اديكم ليها بعد تتوفا ونشوف الفيها كلنا سوا😢...
ركبووو الذاكره لقوور فيها تسجيل فيديو فيهوووو.....
لو فتحتو الفيديو دا يعني انا بكون خلاص عند ربنا المهم كل الكنت عاوزه اقولو امي انتي احلى حاجه في حياتي واصلا حياتي كانت ماشه بدعوتك وحتى في قبري انا محتاجه دعوتك ي امي وعايزاك تعفي مني وتعرفي انا كنت بحبك ي اغلى ام في الدنيا وشكرا علي كل العملتيهو معاي....
ابوي انت كنت سندي في الحياه دي م حرمتني من حاجه وعيشتني ملكه وانا محتاجه دعواتك وعفوك ورضاك ي اغلى اب بالدنيا بحبك وشكرا علس كل حاجه عملتها عشاني...
اصحابي الانتو اغلى حاجه كنتو في دنيتي انا عشتا معاكم احلى ايااام في حياتي واحلى حاجه حصلت معااي اني اتعرفت عليكم وكان نفسي احضر عرسكم ي طارق وسعاد واكون من نصيبك ي محمد بس للاسف ربنا م اراد لكين عارفاكم حتزوجو وتكوني احلى عروسين وانا بقوليكم مبروك من اسي ويااا محمد اوعدني انك حتزوج وربنا يخليك من نصيبي في الجنه ي رررب انا بشكركم علي كل يوم وكل ساعه انا قضيتها معاكم لانها بالجد كانت احلى ايام معاكم وعايزه منكم تدعو لي لانو بالجد محتاجه دعائكم وامي و ابوي م كان عندهم غيري انا عايزاكم تكونو معاهم وم تحسسوهم بغيابي او تخلو في جواهم فراق عشان فقدوني واخر حاجه حيكون في الفيديو بتاع عهد الاصدقاء الاول يون اتعرفنا فيهو ختينا يدنا في يدين بعض واتعاهدنا.....
...
طارق وسعاد اتزوجو بعد تلاته سنين من مووت ولاء واول بنت ليهم سموها ولاء...
محمد بعد خمسه سنين حتن قدر ينفذ وعدو لولاء واتزوج وجاب ليهو ولد.....
...................the End................
