BAD BOY IN LUV (مترجمة)

قررت اترك الواتباد... :(

هاي لوفليز كيفكم؟
بدون ما اطول فالمقدمة، يس اللي هتكلم فيه هنا زي ما موجود ف عنوان الشابتر.
سو القرار دا حرفياً بقالي اسبوعين بفكر فيه ومكنش عندي الشجاعة اني اخده للاسف، ودلوقتي بقي عندي الشجاعة.. والاسباب كالتالي..

اولاً اول ما بدأت اترجم بالواتباد من حوالي سنة ونصف مكنتش واخدة الموضوع بجدية اوي ومكنتش مقررة اني هكمل للابد للاسف، كنت بترجم فالاول كمجرد ترجمة ومجرد شي يسلي وقتي. بس بعدين كبرتوني وقدرت بسببكم اوصل لأكثر من 100 ألف قارئ وقريب ان شاءالله وهوصل ل200 ألف قارئ ودا بسببكم وبسبب دعمكم اللطيف وطبعاً انا مقدرة كل دا ❤

سو قررت اترك الواتباد كمان عشان اقدر اركز على دراستي وقناتي باليوتيوب.

في ناس ممكن تيجي تقول اني انانية وكدة بس شوفوا اسبابي الاول.

اولاً عشان بدلاً من اني اقعد اترجم في شابتر واحد لمدة ساعتين كنت اقدر بدالها اطور من المونتاج بتاعي واتدرب عليه اكثر او اني مثلاً احل الواجب او ابحث عن حل مشكلة واقفة في طريقي فالدراسة.

انا حالياً شايفة ان دا الوقت المناسب اكتر ليا لإني اشتغل على قناتي واركز اكتر على دراستي، واكيد لو حد فيكم كان مكاني ف اكيد كنتوا هتعملوا اللي هعمله حالياً.
انا تقريباً من حوالي سنة وكام شهر كنت مخططة اني اكون يوتيوبر بس مكنتش بلاقي الوقت المناسب لإني ابدأ وناو الوقت جه ف انا قررت اركز على دراستي وقناتي بنفس الوقت.

عارفة اني بقالي حوالي شهرين قولتلكم اني هترجم رواية لكوك، بس والله طوال الشهرين دول وانا كنت بقرأ روايات كوك اللي عندي (حوالي 18 رواية واكثر) واغلبهم ي بيكونوا تافهين جداً جداً جداً بالرغم من الملايين اللي عندهم. او ان كاتبين الروايات مبيوافقوش اني اترجم. او حالة نادرة حصلت وهي ان الرواية نوعاً ما حلوة بس فيها عيبين، اولا ان الرواية يعتبر اكثر من نصها مركزة علي علاقة البطلة وجيمين وان جيمين هيتقتل فالآخر والعيب التاني ان الكاتبة عملت جزء تاني للرواية وانا عمتاً مش بترجم رواية مكونة من اكتر من جزئين لإني براعي المتابعين اللي متشوقين لإني اترجم رواية للبايس بتاعهم.

ودا غير ان طوال ترجمتي لرواية تاي فكان في ناس بيجولي بالتعليقات أو بالخاص ويقولوا بلاش رواية فيها اجزاء حزينة او نهايتها حزينة وكدة لإنها بتأثر على نفسيتي لوقت طويل... وانا بحترم رأيهم لإني بردو من النوع دا وعشان كدة مبضفش روايات فيها اجزاء حزينة مستمرة لآخر الرواية (كموضوع قتل جيمين) او نهايتها حزينة.

اد ما انتوا زعلانين بسبب القرار دا على اد ما انا زعلانة ومتحسرة على مجهودي بالواتباد اللي هيروح للأسف :(

عمتاً انا مشكورة جداً لكل شخص دعمني طول السنة ونص اللي فاتوا واسفة كتير وبعتذر جداً لاني خليتكم تنتظروا لمدة شهرين وفالاخر خيبت ظنكم.
اتمنى تتقبلوا قراري ودمتم بألف خير لوڤليييز ❤

هفضل على تواصل معكم بالواتباد دايماً ان شاءالله ❤❤
*واحد من اصعب قرارات حياتي حرفياً*

*يمكن بالمستقبل البعيد ارجع واترجم ويمكن لا... الله اعلم*
*مش هحذف رواياتي*
*لكل اللي بيسألوا، انا لسة بالصف الثاني الثانوي، لسة مدخلتش الجامعة*