🎀هيامي لرجل اطفاء🎀
بارت 5
خرجو بنات من لونفي ومشاو طلبو لغذا وبداو اتغداو ويتعارفو على بعضهم
دازو ايام وشهور نجحات ريماس في عامها لول بامتياز وولات هيا وغزلان بحال توأم مكيتفارقوش ديما مجموعين حتى سماو عليهوم توأم تبنات علاقة صداقة واخوة بيناتهم تيتشاركو اسرارهوم وكولشي
ريماس:واااااااااااااااااا غزلان سربي اصاحبتي راه ديك رأس تيمومة متخليناش ندخلو
غزلان:صبري نسالي شكلاط ديالي
ريماس:يخ شحال تتحماقي على شكلاط
غزلان:شوفو شكون كيهضر ونتي ملي تتشوفي شكلاط كتحوالي
ريماس:وصافي ونتي فيك كثرة لهضر يلاه زيدي
مشاو ريماس وغزلان لحصة ديالهوم لي دازت كلها ملل خرجو ومشاو لكافي جلسو فيها
ريماس:غزلان حبوبتي نطلبك
غزلان:اسمعنا خبار لخير شنو
ريماس:بغيتك ديري ليا انستغرام راكي عارفاني متنحملوش
غزلان:وعلاش باغا ديريه
ريماس:وغير نصقي عيني بتيتيز
غزلان:اممممممم تيتيز غير هضري
ريماس:صراحة واحد ولد سيفطلي انفيت فلفايس وهوا تيحط تصاورو فانستغرام بغيت نشوفو
غزلان:ومخبعا عليا
ريماس:لا غير بغيت نشوف تصاور والله مهضرت معاه
غزلان:انا نقادو ليك دبا نشوفو هادشي لي عندك
