هههههه
................
اضحك هي خربانة ..
واحد يكول انكس موقف مريت بيه بحياتي . طلعنة واجب ببغداد على بيت بيه مطلوبين .. وياي صديقي ليل نهار مكبسل . شافني ضايج كال اشبيك مطنكر. كلتلة راسي يوجعني كالي هاك هاي حباية مال وجع رأس بس شكلهة غريب. اخذتهة و ورة شوية ضليت اتخيل بغداد الفلوجة . وكل شوية انيشن على واحد بالشارع ويلزموني جماعتي . . وكفت السيارة بباب بيت الآمر لأن بيتهم جان على الطريق. نزل يجيب شغلة من البيت . هو ركض. اني عبالي هذا البيت اللي طالعين عليه واجب . شفتة يفتح بالباب و يدفع بيه جان اني أنزل من السيارة. وصحت وخر وخر سيدييييي و ركض و حمست الباب دفرة. انفتح الباب و صار كدامي حجي بطرك الشورت جان الزكة جلاق. الحجي انلطش ب الحايط وركض وأني وراه والفصيل كلة والآمر ورانة ويصيح ولكم الزموووو كتل أبوي . اني عبالي قصدة هذا الحجي كاتل ابو الآمر ويصيح الزموووو .. والنسوان اللي بالبيت صار طفارهن ماله والي . . ركض الحجي على الدرج وإني طاير وراه وكفخ بيه واصيح كتلت أبوه كواد . وهو يصيح والعباس مو اني
و شهر بالسجن وشبعت ضيم. انوب ورة فترة الآمر تصوب ورحنة نسلم عليه. كابلني الحجي بالغدة شبع تمن. كلما يمد ايدة على اللحمة اخزرة و يعوفهة...
😂😂😂😂😂😂😂😂😂😂😂😂😂😂
.......
كلنا#العراق😂
