#منقــولهه ♥
حلقهہ 1
ياحناتي انا اسمي مقبوله اه مقبوله😒 تضحكنش مش خير من أسماء الي توا 😒 والله تلقاها اسمها مايا مراجع ولا اسمها لوسي مرزوق😂ما هذا😂 الحمد لله جيت اسمي متناسق
مقبوله مراجع امجيحيد ☺ مافيش حد يقدر يحكي 😑 اصلا نادر الاسم هذا ✋
ماعلينا خلونا من إسمي نوصفلكن شكلي طولي متوسط وبيضه وشعري بني طويل ناعم لعند ركبتي مشاء الله ✋ عين الحاسود فيها عود😒 عيوني كبار👀 لونهن بني من الاخر جميله ☺ واستايل ✌ مش كان اسمي مقبوله معناها خلاص😒 قديمه ويدلعو فيه لولى مش لولي بالياء😒 يعني على وزن مقبوله راكم تحسابوني مضايقة من اسمي بالعكس الناس كلهم حاسدتني عليه✋خلاص خلونا من اسمي وفكنا من الحسد😒 المهم يابنات قاهرتني حاجه 😭 الشينات ديمة هن الي يجوزن😪لطروف قصدي طالعه موضه ولا شنو مش تقولن مقهوره ولا حسديه لا بالعكس ميته قهر😭 نحكيلكن شن صار والي شفته
ياحناتي هذك اليوم مقعمزه ع الفيس مكسده ع الأصدقاء ونحقلكن هذك الطرف😍 يانا عليا قلبي تفترش😘 قررت لازم نبرم عليه وانطيحه بجمالي☺ خشيت علي صفحته لقيته كاتب مرتبط 😒 عطهن مايربطهن👊 هجوم على طول باهي عطني فرصه😢 للأسف مرتبط😔 وانا حسني كبدت😒 المهم خشيت نقصقص علي صفحته لقيته حب وغرام مع المنجوها الي مربطته😒👊 نعن داء يشيلهم😡 وعلي حسب مافهمت من دوتهم انها من الجمال قريب تقعد ملكة جمال ليبيا😕 راحت عليك يازعكوك😂
المهم انا شكيت في الموضوع لأن صحباتها طبعا دايرات رواحهن يضحكن وهن مقهورات كيفي😭 المهم وحده كاتبه" ههههههه مش لدرجه هذه جميله راك تصدقي روحك😅 " انا اشتغلت عندي لامبة القصقصه ضروري نعرف المنجوها هذه 😒 لا وهذا كله كاتب( أخاف عليك من عين تصيبك😨) لا ورأس أمك ماتقولها 😭 لا ضروري نعرفها المهم قررت نضيفها وضفتها وحكينا عنجد ثقل دمها😨 ثقيييييله😢 دسمه مش قادره انعبر😭 ماعلينا قلت بلكي البنت جمالها مغطي علي ثقل دمها😒 وحاولت أندير جو معاها معنى كل مانحكي معاه نبي ننتحر بنقعد 🔫😕 ومرات نبكي😭بس مضطره😢عرق القصقصه ماعندي مانديرله😁 يا إلهي كيف متحملها الأخ 😔 المهم من هنا من هنا عرفت عليها كل حاجه اسمها فوزية 😒 و اسمها زيزو نايس😢 ع الفيس لا والمنجوه يقوللها زيزو ومرات زوزتي ومرات بيبي😭 ياهو هذه فوزية وخسارة فيها😒 قلت انضيفه بلكي يطلع يضحك عليها المهم إلغاء طلبي😑 دزيتله رساله أهلا قالي آسف انا مرتبط وانحب حبيبتي😢 مصدومة بجد يعني مافيش أي فرصه شكلها مخوفته😒ماعلينا
وياحناتي تقربت منها فوزيه وطلعت معايا في الجامعه سألت عليها وورنها ليا البنات😨 وياريتني ماريتها 😭 ندوي ولا نخليها ساكته😭 لا نالقاني بندوي فيل مقعمز 😭 والخشم الي واخد نص وجها لا ووحده من لعيون حاله للجيها اللخره😭 والشعر من كثر ماهو حرش طالع من الاشرب تقول تل😨 بس اسمعن شهاده لله نالقانها بيضه😞 ولا .مش هكي بس ونحق الطرف من بعيد جاي😍 اللحية السودة لعيون كبار وعسليات لا واللبسه الأنيقة ولا السياره الخيال😢 اندبن معايا😱 تي اسكتن😭 ولا الغمازات يانا علاااي يابوي😭 ولا الضحكه😭 وووه عليا وخلاص😔 وينادي زوزتي تعالي انتغدو😭 قصدك اتغدى هي ورأس مينتي معاها مش حاتحصل حتى كسرة خبزه😔 لا وعيونه يلمعن من الحب😰 وثاني يوم البنات التمن عليها مبروك 😢 وهو جايب حلويات يوزع فيهن فرحان خطب فوزية عاد قصدي فوزيات😢 انا انشليت معش قدرت انصبي وقعدت كم يوم منشقم فمي ومش قادره ندوي😭 معايا الحق مش صاح😭 قصدي يقولو عادي الجمال جمال الروح هذه لا روح لا شكل كيف هكي بس ظلم هذا مفروض انكلمو حقوق الإنسان 😭
#يتبع 💚
نبي500تعليق 😍وشن رايكن فيهاا 😂 الليل انزل حلقهه2
