حلقهہ 2
طبعا عمتك فوزية عزمتني ع العرس 😒 وانا ضروري انقصقص عاد😑 المهم مشيت طبعا خشت 😨 مفصليلها خيمة بيضه لابستها😂 نعرفش اصلا كيف خشت من الباب😂 والمكياج نحكيلكنش عليه😂 خليها ساكته😂
المهم قعمزت وكلمت وحده من البنات وشوشتلها بعدها وحده جابت تبسي مليان😂 ومشن للمسرح والتمن عليها بيش محد يشوفها وهي ترمرم دايرات ارواحهن يصفقن😂 انا زارقه عليهن سم يشيلها ويشيل شيلها👊 الناس يرتبكو ويخافو وهي ترمرم😒 شويه وخش العريس وووووااااك عليا من قهرتي😭 تي طرررف اغبر😢 خاطري نخطفه بس يلا 😒 اجعنها ما اتهنى بيه👊 روحت وحاسه بدوخه وفمي بدا ينشقم من جديد😔 وحالتي حاله 😢اصلا عادي نصيب😨 وانا مش مقهوره😣
قعدة شهرين بيش نسيت قصة فوزية عطها بليه😒 مش عارفة شن جوها توا😢 ع المهم خلونا ننسو قصة الطرف وانا بديت من جديد وصفحه جديده☺ وكان عندنا فرح جيرانه☺ المهم عديت وانقت لعلى وعسى وحده تخطب وولدها يطلع طرف☺ قعمزت نص ساعه ماصار شي قررت نركب نرقص ع المسرح ونعطيها رقصة ها ها اشطح اشطح وشعري ندلع بيه😍 وانبحت يمين ويسار في الصبايا في خاطري نعن شكلكن😒 وحده منكن تصبي تخطب داء يشيلكن😒 نص ساعه وانا نرقص بعدها ركبت معايا وحده جعاكه كرعيها تقول كرعين حمار منجرب😒 وعيونها 😨 تي اصلا وينهن عيونها (._.) 👉 وسمره
وبدت ترقص انا نحسابها تقول خبطها ضي😨 تركب وتنزل ترقد وتقعمز وتصفق في ثانيه وحده😨 انا قلت بالك ممسوسه ولا حاجه نالقاني خفت😒 وصبت وحده قلتلها معليش حبيبتي كم عمرك ووين أمك شويه ونسمع أمها تزغرت وتقول اتشرفونا 😨 باهي وانا😭 الي ليا نص ساعه انهز😭 سحيقه ان شاء الله 😒 ماعلينا خليني نبرم شويه بلكي وحده تفطلي
ونبرم ولاحظت في وحده اتبحت فيا وانا عاد فرحت وندلع ونحكي مع ماما عارفه بكرا تو اندير عصبان ورز بالخلطة ولا اندير بازين شن رايك😁 ماما كنك اتخترفي وانت نايضه😨 تي انت غير مره ديري دحي مش محروق😂
انا.. ههههههه ماما دمك خفيف😅
بعدها صبت الوليه وقعدت تقرب وانا فرحانه وقلبي يزغرت😂 وموتيه لساني وحطيت يدي علي فمي بيش اول ماتدوي انزغرت 😁 اه اماله شنو الجعاكه خير مني الي تزغرت😒 المهم قربت قلتلي معليش حبيبتي بنسألك
انا... 19😁
هي.. شنو 19 😨 المهم بنسألك قفطانك من وين جبتيه☺
انا...😢😨 مع صوت مخنوق ومخذول 😢 نعرفش من وين 😒 نعن شكلها والله ماني قايلتلها👊 نحسابها بتسأل علي عمري😭
هي.. اذكري حبيبتي اصلا بنجيب لخطيبت ولدي قفطان وعجبني القفطان الي عليك
انا... وتقولي فيها آخره وبصحة وجه😭 أمشي ملحي😒 .. والله القفطان هذا بره ليبيا👊 أنني اكذب عارفه تركبنش عليا😒 المهم عدت وسيبتني وروحت كالعاده مريضة وفمي ينشقم 😭 وبعد كم يوم نسيت قصة لجعاكه😡 وتأقلمت مع الحياه وفي يوم رنت خالتي علي ماما وقالتلها في وحدين عجبتهم وبيخطبوني😀
--------------------------:----------------------------♥
حلقهہ 3
وبعد كم يوم نسيت قصة لجعاكه😡 وتأقلمت مع الحياه وفي يوم رنت خالتي علي ماما وقالتلها في وحدين عجبتهم وبيخطبوني😀
طبعا فرحت وأخيرا بنقهر الشفشات الي اجوزن😒 وطبعا طلعت وشريت قفطان 😁 ولبست وطلقت شعري طالعه تقول أميرة خمسه في عين الحاسود✋ ودرت كحل وروج بس هذه أوامر الحاجه😁 وطبعا شاريه موالح وحاجات اكيد مش انا الي بنديرهن😁 وخشيت طبعا أمه منضرها كويس الحمد لله 😩 وقعمزت
ماما... تفضلو كولن اتحشمنش هذا من حل...
انا قطعتها... شكلهن عجبنكنش معنى اليوم كله مقعمزه عليهن
ماما...😨 مصدومة
انا... والله قبل بندير حاجات أكثر بس مافيش وقت
ماما.. 😱 بتنجلط
طبعن شكرني وانعجبن بيا بكل😍 قلتلي أمه تعالي احدايا وطلعت التليفون ورتني صوره😨
انا.. مشاء ألله هذا الحاج
أمه. .. 😨 لا هذا محمود ولدي
انا... أها مشاء الله كم عنده عيل اكيد عنده شباب
أمه. .. هههه لا هذا الي بنخطبوك له ها شن رأيك
انا...😨 نوصفلكم الصوره [ شايب يضحك وسنونه صفر ووحدة من السنون القداميه طايره وسامع بالسلفي غلط😂 مش باين في الصوره غير سنونه وخشمه😂 على ما أظن كاين مزكوم ولا مريض وقت الي صورها😂]
انا... بصراحه انا مخطوبة والسنه الي فاتت مجوزه وأن شاء الله الخميس الجاي فرحي والجمعة الفاتحه بإذن الله تفضلي كان بتجي وحتى عيالي يسلمو عليك راه
أمه. .. 😨 بحتت فيا من فوق للوطه وقلتلي اصلا انتي ماتجيش حتى في ظفره 😒 وهي مع السلامه خزي 😒
انا.... غير امسحوله خشمه قبل😂 ماتخطبو مره آخره
وطربقت الباب😂 تي وحق ربي بابا أصغر منه باين😂 تي مش بابا جدي أصغر منه 😂
ماما... كشف بيك فضحتي بينا😱 تو شن يقولو عليا اه
ومشى اليوم عادي بس شوفو حظي😭 الشينات اطروف يجوهن وانا اسنون صفر وشايب😢 من حقي ننقهر😔الله غالب الناس احظوظ المهم
مشيت للجامعة لقيت صاحبتي رابحه الجربه
جايه تجري تسلم عليا طبعا اكيد بتقصقص
شن صار معاك؟
أنا. ..هو سمح وكل حاجه كويسه فيه بس مش متريحه نحس في روحي☺
رابحه. .. أها 😨 انتي مش متريحه صار
انا.. أها
رابحه. . شكلهن لسنون الصفر عجبنكش😂😂😂
انا... اه😨 كيف عرفتي ياجربه
وتعطيها ضحكة لا عرفته ضحكة حمار لا عرفتها خنزير😨 فهمتش تضحك ولا تعيط
رابحه... ماهو ولد عمي هو😂
انا... مش مستغربة الصراحه😒 العائلة كلها هكي شكلها👊
وخطم طرف احدانا تي والله مانحسابه إلا مهند😍 نعليا عيون زرق والشعر المنصفر😍 omg قلبي الصغير تفترش وقعد يبحتن فينا وينابش وانا ضاربة الدلع☺ بعدين قاللنا معليش لو سمحتي طبعا انا برمت واثقة أن انا الي بيدويلي😍 آماله رابحه الجربه😒
انا... نعم تفضل ☺ وبرقه طبعا
هو ... لا الي احداك😁
انا..😨 قصدك رابحه الجربه
هو... عيب تقولي هكي😊
رابحه. .. تفضل ها حضرتك شن تبي
هو... تعرفي ليا كم يوم انبحت فيك وحبيتك😍 وعاجبتني ضحكتك بكل كل مانشوفك تضحكي قلبي بيطلع من مكانه😍 ممكن انتعرفو بيش انجيب هلي
انا... عليا العوض😭 الضحكة لحماريه عاجبته😭 تي شن عجبه فيها سنون صفر وطالعات بره ومحشنه 😢 وحق الله تقول بنقلاديشيه😭تي حتى بنتها تهرب تقول لها سنه ما دوشت😣
واغمى عليا من الصدمة بس المره هذه صارتلي حاله نفسيه قعدت شهر وانا نضحك طبعا مش أي ضحكة ضحكة لحماريه ابتاع رابحه الجربه😢 وتحسو فمي بدأ ينشقم😭من جديد
المهم رابحه الجربه خطبها مهند 😭 والحمد لله علي كل حال وربي يصبرني في فرحها أن مايصيرليش تبول لا ارادي😔 هذا مهند مش أي حاجه😭 راه
#يتبع ❤😂
