ضابط سرق قلبي

البارت الاول

ثريا :مرحبا اسمي ثريا عمري 18 بالصف سادس ادبي احلم اطور من نفسي ومستقبلي
عدي اربع اخوان ثلاثه اخوات الجبيره سجى مزوجه وعده 3جهال رهف وسجاد وملك والاصغر منه ميسا مزوجه وعده طفله وحده نرجس واني واختي اصغر مني زهره واخويه اوس اكبر مني بخمس سنوات اني اعاني من مجتمعي والمحيط الي عايشه بيه ومرات من عائلتي بس مصممه اصير شي مهم بمجتمعي هسه اني بمرحله مهمه وعده قوه واراده انو اعيش مثل مااني اريد صارت هوايه اشياء بهذه مرحلتي بس عديته وصار الي اتمناه وطلعت معدل 90 بس حلمي انو ادخل علم نفس واكمل ماجستير ودكتوراه وصدك مرت السنوات وصرت دكتوره جامعيه ومجنت اهتم بمواضيع البنات الثانيه جنت بس اريد اخلص دراستي ومستقبلي واشلون افرح قلب امي بيه لان ماكو واحد من اخواني كمل اخواتي خلصن كليه واتزوجن وكعدن اخويه كمل واشتغل بمؤسسه وعدي احلى واجمل صديقتين ع قلبي براء وايه اكثر من اخواتي ويعرفن كولشي عني طبعا هن
ويايه بدراستي خلصنه سوه واجه يوم عرس ايه وجنت كولش فرحانه بيه ولبست فستاني وركصت اني وبراء لحد ما كالوا كافي متعبتن
فرحت لصديقتي ليكول اني المتزوجه مو هي
بحنه ايه جنت حيل عصبيه لان جنت ادور بالمخزن خليت هديتي بس ملكيته ضليت ادور عليه فجنت واكفه وبحركه سريعه التفتت وانضرب براسي بواحد من اهل ايه واني عصبيه
فعطت بوجه كتله شبيك اعمه

حسين :السلام عليكم اسمي حسين ضابط بمهمات سريه
عمري 29سنه ممزوج لان النشغلت بشغلي شكلي حنطاوي وطويل ومعضل وملامحي مرتبه فبيوم صار عرس بنت بنت عمي ايه فشغلوني لحد ممليت شيل وحط وجيب واخذ متت فعمي كلي اخذ صناديق البيبسي وديهن بالمخزن جوه كتله غير اكو نسوان كال لا من الباب الوره فرحت شفت وحده ادور ردت اخلي الاغراض اندارت عليه وانضربنه راس براس فصرخت بوجهي

حسين :هو اني لو انتي انداريتي مثل ثوله

ثريا:اني انته قليل ادب وعفته ورحت ومسمعت شكال فشفت براء واكفه وتضحك كتله شبيج اتضحكين

براء:منظركم وانتو تتعاركون يخبل منو هذا

ثريا: انتي تشاقين اني وهذا الحيوان مستحيل امشي نروح ايه وحدهه رحنه وخلصت الهوسه وتعشينه وكل واحد راح لبيته سبحت ونمت ثاني يوم كعدت من الصبح ورحت لبيت ايه براء راحت وياهه للصالون اني بقيت بالبيت احظر اجت ايوش وبراء طالعات يخبلن وراه اجه كرار زوج ايه واخذه ردنه انروح نركب بالسيارات شفته واكف من بعيد جان عصبي وعيونه حمر ولا درت وجهي اله فرحت حلو من اتشوف واحد متعصب منك وانته تضوج منه وخصوصا اذا ولد ركبت السياره ويه اخو ايه لان اكو غراض ايه كلتلي اخذهن ويايه نزلنه من السياره دخلوا اني بقيت اخذ الاغراض براء راحت اتساعد ايه واني اجيبهن فبقيت اخر وحده ردت ادخل انصدمت بيه مره ثانيه لان جان شايل كارتونه ماعرف اشبيه خطيه جايبينه ايشغلون بيه انضربت بيه فكتله مجنت اقصد

حسين:وره مكالتلي هيج ضجت شنو بنيه هيج تحجي ويايه اول مره شمرت الصناديق ورحت خلص اليوم ثاني يوم الزفه شفته من ركبت السياره وجانت فرحانه واني حيل عصبي بوقته من وراهه وصلنه نزلو كلهم بقت هي اتشيل بالغراض واني اخذت الكارتونه كلولي جيبه ماعرف اشبيه بس اشويه ثكيله فوصلنه يم الباب هي مشافتني ملتهيه بالغراض انضربت بيه بس اتفاجات برده هيج رده جان حلو كتله لا عادي اني مجنت منتبه

ثريا:عفته ورحت دخلت ومجنت متخيله انو بطريقه الكلام الحلو انو رده هيج حلو فرحت
رحت وكفت يم ايه وهو واكف يم الباب اتفقت ويه صديقتي اتشوفه وين يباوع مجرد فضول بس كلتلي عيونه معافتج وراه خلص عرس ايه وكل واحد راح لبيته مشت الايام وبيوم لكيت رقم غريب يدك عليه مرديت بس كثرت دكاته اطيته لاخويه رد عليه مجاوب وغلق الخط ماعرف منو هذا وجاب رقمي منين بقه يدك لحد مغيرت شريحه تلفون وراه هم نفس الرقم دك عليه برقمي الجديد كلت بقلبي منو هذا اكيد يعرفني اخر شي دز رساله الي كاتب بيه اني حسين واحبج من اول مره شفتج بيه واشكر الصدفه الي جمعتني بيج