#الجزء_التاني
تاني يوم صحيت فطرت وقعدت شويه وايويا خلني امشي ع الساعه ٣ واقنع الناس اني عندي امتحان سلمت عليهم ومع وصله دعوت امي وراحت عند واحد صاحبي ف البلد اقعد معاه و بالمره اساله ع البنت دي اكيد هو يعرف اكتر مني وانتم فكرني همشي كده بالساهل انا لازم اعرفها واعرف ليه ابويا وامي اتخضوا لما جبت سيرتها وصلت بيت صاحبي رحب بيا جدا احنا اصحاب من زمان بس انا كملت وهو خدها من قصرها وساب التعليم بس مقطعنش علاقتنا ببعض بعد الغدا عمل كوبيتين شاي وقاعدني نشربهم ونتكلم وانا بشرب الشاي قولتلوا وانت ايه اخبار الدنيا معاك
قالي تمام الحمدلله ناوي اخطب قريب انت اللي محدش بيشوفك
قولتلوا والله غصب عني مشاغل وانت عارف اني مبنزلش هنا كتير بسبب الدراسه انا نزلت عشان موتت عمي
قالي ربنا يرحمه يارب كان راجل طيب وميتسمعش ليه صوت
قولتلوا انا اصلا مش مصدق انه مات ده انا اول ما جيت روحلته التراب وهناك حصلت حاجه غريبه هو مش الغريب ف اللي حصل الغريب ف رد فعل امي وابويا
بصلي بشك وبدء يركز ف الحوار وسال حصل ايه
حكتله ع البنت اللي شوفتها ولما قولت ل ابويا عمل ايه هو وامي
بصلي بدهشه وقالي اسمع كلام امك وابوك وسافر وملكش صالح بالحكايه دي
قولته ما انت لازم تفهمني انا مش صاحبك وانت عارفني مش همشي من هنا اللي ما اعرف كل حاجه
تنهد وقالي عارفك
قولتله طب ما تحكي
قالي حكيلك وامري لله
فضلت مركز وهو بدء يحكي
*دي تبقي جميله وهي كانت جميله فعلا اسم ع مسمي مكنش حد ف البلد غير ونفسه يتجوزها من كبيرها ل صغرها بس هي كانت بترفض عشان كانت عايزه تتجوز بره البلد تطلع من هنا يعني مش عايزه تربط نفسها بحد من هنا وف يوم مطلعتلوش شمس صحيني ع صويت ان ف حد رمي نفسه قصاد القطر طبعا الجثه كانت متقطعه مليون حته محدش قدر يتعرف عليها وكان فيه اثر حريق ع الوش يعني المعالم مختفيه كانت كل البلد موجوده ساعتها ماعدا جميله واحده من الستات صرخت وقالت دي جميله اللي ماتت عرفتي منين قالت دي عبيتها اللي كنت مفصلها ليها طبعا محدش اقتنع ده اصلا مش مبرر انها هي بس سبب اختفاءها كان خالي الشك جوانا يكبر جاه البوليس يحقق وحول الباقي من الجثه ع المشرحه واثبت فعلا انها جميله و وشها كان عليه اثر حريق بسبب وقع عليه زيت مغلي طبعا اتقفلت القضيه ع انها انتحار وبدءنا نقتنع وقولنا اكيد اتحرقت و اتشوهت فراحت راميه نفسها قدام القطر بدء بقا يحصل حاجات غريبه اي راجل كان يعدي من قدام القطر كان يموت نلقي جثته مشوه ومرميه جنب القطر و قبل كده عيله مكونه من راجل وست و طفلين الست بتحلف انها شافت جميله قدامها بس كانت زي القمر زي ماهي وبعدين بصت ل جوزها و جوزها ماشي وراها زي المسحور وداخل ناحيه التراب والست فضلت تصرخ وتنادي عليه وف الاخر لاقت جثه جوزها اتحدفت قدمها وشه محروق وعينه مبرقه كأنه كان شايف شبح قدامه مستحملتش المنظر اغمي عليها واهل البلد شوفهم الصبح وبعد ما حكت انهاسابتها هي والعيال واخد جوزها وبعد الرجاله اللي كنا بنلقيهم جنب القطر بنفس المنظر اكتشفنا ان جميله بتنتقم مش عارف من ايه بس اكيد كان فيه حد هو اللي حرقها ورمها وهي بتنتقم من كل الرجاله اهل البلد محولش يفكروا ف الحل ده اكتفوا يقولوا ان دي لعنه ومحدش يعدي من جنب القطر عند السكه من بعد اذان العشا لحد الفجر *
برقت ليه وانا مصدوم مش مستوعب قولتله انت قصدك اللي طالعتلي دي جميله
ضحك وقالي انت اهبل لو هي كانت هتسيبك ليه هو انت مش راجل
قولتله مش وقت هزارك طب انا هوصفلك اللي طالعتلي
قالي اوصف
قولتلوا شعرها بني غجري وكثيف جدا وطويل عيونها عسلي فاتح ممزوج بالبني الغامق
وبشرتها قمحاويه وناعمه شكلها يسحرك يجذبك من اول نظره
لقيته مبرق ليا ويقولي انت متاكد ان اللي طالعتلك بالمواصفات دي
قولتله طبعا يا ابني انا لحد دلوقتي مش قادر انسي شكلها ولا جملها
قالي بقولك يا صاحبي انت تسفر ومترجعش هنا تاني زي ما قالك ابوك والحمدلله ربنا ستر
قولتله انت مش لسه قايل انها لو جميله مكناتش سبتني
قالي انا مش عارف هي سبتك ليه بس دي مواصفات جميله انا فكرها كويس متجريش ورا الحكايه انت مش قدها سافر وبلاش تتدور اكتر من كده
وقولتله تمام
قالي مع اني مش مقتنع انك هتسكت بس خالي بالك من نفسك يا صاحبي
